ខេត្តកំពត ៖ ក្បាលសពបុរសម្នាក់ ត្រូវបានអ្នកស្រុកដែលចុះទៅក្នុងបឹងរុតត្រីប្រទះឃើញកាលពីវេលាម៉ោង៧ព្រឹកថ្ងៃទី១៩ កុម្ភៈ នៅក្នុងបឹងអន្លង់ឈើខ្ពស់ ស្ថិតក្នុងភូមិកោះចម្ការ ឃុំបឹងសាលាខាងត្បូង ស្រុកកំពង់ត្រាច ។
ខេត្តកំពត ៖ ក្បាលសពបុរសម្នាក់ ត្រូវបានអ្នកស្រុកដែលចុះទៅក្នុងបឹងរុតត្រីប្រទះឃើញកាលពីវេលាម៉ោង៧ព្រឹកថ្ងៃទី១៩ កុម្ភៈ នៅក្នុងបឹងអន្លង់ឈើខ្ពស់ ស្ថិតក្នុងភូមិកោះចម្ការ ឃុំបឹងសាលាខាងត្បូង ស្រុកកំពង់ត្រាច ។
ស្រ្ដីឈ្មោះ ហន សារុន អាយុ ៤២ឆ្នាំ និយាយថា នៅព្រឹកព្រលឹមថ្ងៃទី១៩ កុម្ភៈ អ្នកភូមិច្រេស ឃុំបឹងសាលាខាងត្បូង ចំនួន៣នាក់ បាននាំគ្នាមករុតត្រីក្នុងបឹងដែលមានទឹកជម្រៅប្រមាណកន្លះម៉ែត្រ ។ ពេលកំពុងរុតត្រីនោះ ស្រាប់តែប្រទះឃើញក្បាលខ្មោច ធ្វើឱ្យមានការភិតភ័យរត់ចោលត្រី ចោលអង្រុត និងបានប្រាប់អ្នកភូមិ ទើបដំណឹងនេះដឹងដល់នគរបាលប៉ុស្ដិ៍បឹងសាលាខាងត្បូង ។ លោកអនុសេនីយ៍ទោ សោម ពុត្ថា នាយប៉ុស្ដិ៍នគរបាលបឹងសាលាខាងត្បូង មានប្រសាសន៍ថា ក្បាលសពដែលអ្នករុតត្រីប្រទះឃើញនៅក្នុងបឹងនោះជាក្បាលសពបុរសឈ្មោះ យង់ ហាន អាយុ ៤៩ឆ្នាំ នៅភូមិកោះចម្ការ ឃុំបឹងសាលាខាងត្បូង ដែលគេសម្លាប់ ហើយកាត់ក្បាលយកទៅបោះចោលក្នុងទឹកបឹងកាលពីថ្ងៃទី២១ វិច្ឆិកា ២០១៣ ។
ស្រ្ដីឈ្មោះ ទៀវ ផា អាយុ ៤៥ឆ្នាំ ត្រូវជាប្រពន្ធសពនិយាយថា ប្ដីគាត់ត្រូវគេចោទប្រកាន់ថា ចេះអាបធ្មប់ធ្វើឱ្យអ្នកភូមិឈឺ ហើយត្រូវបានគេសម្លាប់កាត់ក្បាលយកទៅបាត់ ។ ចាប់តាំងពីថ្ងៃត្រូវគេសម្លាប់មកដល់ពេលនេះជិតគម្រប់១០០ថ្ងៃហើយ ស្របពេលគាត់រៀបចំធ្វើបុណ្យឱ្យសពប្ដីផង ស្រាប់តែមានគេប្រទះឃើញក្បាលប្ដីគាត់នៅក្នុងទឹកបឹង ។ លោកអនុសេនីយ៍ឯក រ័ត្ន សំអាង អធិការរងនគរបាលស្រុកកំពង់ត្រាចថ្លែងថា កាលពីពេលថ្មីៗនេះ មនុស្ស៣នាក់ត្រូវបានចាប់ខ្លួនដោយជាប់ចោទពីបទសម្លាប់មនុស្សនៅភូមិកោះចម្ការមាន ១-ឈ្មោះ កុល រុន ២-ឈ្មោះ មូល ញឿន និង៣-ឈ្មោះ ណាំ វណ្ឌី ឯម្នាក់ទៀតបានរត់គេចខ្លួន ។ ចំណែកលោកវរសេនីយ៍ទោ សុខ សាកាន ប្រធានការិយាល័យនគរបាលបច្ចេកទេសខេត្ដនិយាយថា ក្បាលសពជនរងគ្រោះឃើញមានស្នាមគេកាប់ត្រូវលើត្រចៀកខាងឆ្វេងប្រវែង១៤សង់ទីម៉ែត្រ ហើយក្បាលសពត្រូវគេខ្ចប់ដោយមង ។
លោកវរសេនីយ៍ទោ សុខ សាកាន បន្ដថា រឿងសម្លាប់មនុស្សកាលពីថ្ងៃទី២១ វិច្ឆិកា ឆ្នាំ២០១៣ នោះ នគរបាលប្រមូលបានវត្ថុតាងគ្រប់គ្រាន់ឈានទៅដល់ការចាប់ខ្លួនជនសង្ស័យបាន៣នាក់ ឥឡូវក្បាលសពក៏ត្រូវគេរកឃើញបន្ដទៀត ។ ប៉ុន្ដែអ្វីដែលលោកឧត្ដមសេនីយ៍ត្រី ម៉ៅ ច័ន្ទមធុរិទ្ធ ស្នងការរងនគរខេត្ដបានដៅទុកជាយូរមកហើយនោះ គឺក្បាលសពពិតជានៅក្នុងបឹងជិតកន្លែងគេសម្លាប់ជនរងគ្រោះ ។ ប៉ុន្ដែកាលណោះ ទឹកបឹងនៅពេញព្រៀបរកមិនឃើញ លុះទឹកបឹងរាក់ ទើបអ្នករុតត្រីប្រទះឃើញក្បាលសព និងត្រូវបាននគរបាលពិនិត្យហើយប្រគល់ឱ្យក្រុមគ្រួសារយកទៅបូជា ៕
ចែករំលែកព័តមាននេះ