ប្រធានាធិបតីកូឡុំប៊ី លោកហ្សង់ ម៉ានុយអែលសាន់តូស ប្រកាសកាលពីថ្ងៃទី១៨ កុម្ភៈ ថា ឧត្ដមសេនីយ៍ ឡឺអូណាដូ បារឺរ៉ូ ប្រមុខកងទ័ពកូឡុំប៊ី ត្រូវដកចេញពីតំណែង ក្រោយមានការអះអាងនានាពីរឿងពុករលួយក្នុងបណ្ដាកុងត្រាទិញឧបករណ៍យោធា ។ លោកសាន់តូស គូសបញ្ជាក់ប្រាប់ក្រុមអ្នកកាសែតថា ឧត្ដមសេនីយ៍បារឺរ៉ូ ត្រូវបានដកចេញ ព្រោះតែការប្រើពាក្យសម្ដីធំៗដាក់បណ្ដារដ្ឋ
ប្រធានាធិបតីកូឡុំប៊ី លោកហ្សង់ ម៉ានុយអែលសាន់តូស ប្រកាសកាលពីថ្ងៃទី១៨ កុម្ភៈ ថា ឧត្ដមសេនីយ៍ ឡឺអូណាដូ បារឺរ៉ូ ប្រមុខកងទ័ពកូឡុំប៊ី ត្រូវដកចេញពីតំណែង ក្រោយមានការអះអាងនានាពីរឿងពុករលួយក្នុងបណ្ដាកុងត្រាទិញឧបករណ៍យោធា ។ លោកសាន់តូស គូសបញ្ជាក់ប្រាប់ក្រុមអ្នកកាសែតថា ឧត្ដមសេនីយ៍បារឺរ៉ូ ត្រូវបានដកចេញ ព្រោះតែការប្រើពាក្យសម្ដីធំៗដាក់បណ្ដារដ្ឋអាជ្ញាដែលចូលរួមក្នុងការស៊ើបអង្កេតលើបណ្ដានាយទាហានដែលជាប់ចោទថា បានបញ្ជាឱ្យមានការប្រហារជីវិតមនុស្សក្រៅតុលាការ ។
ការប្រមាថទាំងឡាយរបស់ឧត្ដមសេនីយ៍រូបនោះចំពោះបណ្ដារដ្ឋអាជ្ញាត្រូវបានគេថតទុកពេលនិយាយឆ្លើយឆ្លងគ្នាតាមទូរស័ព្ទមួយ រួចត្រូវគេចាក់ផ្សាយកាលពីចុងសប្ដាហ៍កន្លងមកនេះ ។ គេឮលោកបារឺរ៉ូ ប្រមាថបណ្ដារដ្ឋអាជ្ញាថា ពួកគេគ្រាន់តែជាដុំអាចម៍មួយប៉ុណ្ណោះ ហើយនិយាយថា ការតបតវិញមួយកំពុងធ្វើលើបណ្ដារដ្ឋអាជ្ញាទាំងនេះ ៕
ចែករំលែកព័តមាននេះ