ខេត្តមណ្ឌលគិរី ៖ យោងតាមរបាយការណ៍បឋម ដែលទទួលបានក្នុងអំឡុងយុទ្ធនាការបោសសម្អាតក្រុមជួញដូរឈើខុសច្បាប់ ដែលបានអនុវត្តតាំងពីដើមខែកក្កដា២០១៩ រហូតដល់ដើមខែសីហានេះ គណៈកម្មការជាតិ ដើម្បីទប់ស្កាត់ បង្ក្រាបបទល្មើសធនធានធម្មជាតិត្រួតពិនិត្យគល់ឈើ ដែលជនល្មើសលួចកាប់ក្នុងដែនការពារដាក់ចូលក្រុមហ៊ុនបន្លំជាឈើមានច្បាប់ជាង១ពាន់គល់ ។
សេចក្តីរាយការណ៍បានឲ្យដឹងទៀតថា លោក សុក សេរ៉ា នាយរងរដ្ឋបាលខេត្តមណ្ឌលគិរី បានដុតដៃដុតជើងដឹកនាំមន្ត្រីជំនាញ សមត្ថកិច្ចពាក់ព័ន្ធនៅក្នុងខេត្តមណ្ឌលគិរី សហការជាមួយកម្លាំងគណៈកម្មការថ្នាក់ជាតិ ដើម្បីទប់ស្កាត់បង្ក្រាបបទល្មើសព្រៃឈើធនធានធម្មជាតិ បានចុះត្រួតពិនិត្យដោយវាស់អោយដឹងពីទំហំគល់ឈើ និងយកចំណុចនិយាយគល់ឈើនៅក្រៅដែនក្រុមហ៊ុន ដែលកន្លងមកក្រុមហ៊ុនដីសម្បទានសេដ្ឋកិច្ចបានល្មើសច្បាប់ប្រមូលផលអនុផលព្រៃឈើខុសពីការស្នើសុំពីរាជរដ្ឋាភិបាល។
បើតាមការបញ្ជាក់ពីលោក សុក សេរ៉ា បានឲ្យដឹងថា ការចុះត្រួតពិនិត្យគល់ឈើថ្មីៗ ដែលក្រុមហ៊ុនទាំង៨ល្មើសច្បាប់កាប់នៅក្រៅដែនក្រុមហ៊ុនរួមមាន៖ ទី១-ក្រុមហ៊នវិជ្ជរី ទី២-ក្រុមហ៊ុនម៉ាស្ទ័រខេសាន់ ទី៣-ក្រុមហ៊ុនយ៉ាងចាវ ទី៤-ក្រុមហ៊ុនថាច់វូដ ទី៥-ក្រុមហ៊ុនណេងណា ទី៦-ក្រុមហ៊ុនស្រ៊ុនម៉េងលាង ទី៧-ក្រុមហ៊ុនយូនីគ្រីន និងទី៨-ក្រុមហ៊ុនផេស៊ីហ្វិកហ្គ្រេន ។
នាយករងរដ្ឋបាលខេត្តមណ្ឌលគិរីបានឲ្យដឹងបន្ថែមថា ជាលទ្ធផលរយៈពេលដែលក្រុមការងារខាងលើ បានចុះត្រួតពិនិត្យគល់ឈើដោយគិតចាប់ពីថ្ងៃទី០៧ ដល់ថ្ងៃទី១១ សីហា ឆ្នាំ២០១៩នេះក ្រុមការងារបានចុះពិនិត្យគល់ឈើបាន៣ក្រុមហ៊ុន ក្នុងចំណោម៨ក្រុមហ៊ុន ដែលទី១ក្រុមហ៊ុន វិជ្ជរី បានចំនួន៣៥២គល់ ទី២ក្រុមហ៊ុន ស្រ៊ុនម៉េងលាង បានចំនួន៣៣០គល់ ទី៣ក្រុមហ៊ុន ម៉ាស្ទ័រខេសាន់ បានចំនួន៥៥២គល់។
បច្ចុប្បន្ នក្រុមការងារថ្នាក់ខេត្ត និងក្រុមការងារថ្នាក់ជាតិកំពុងបន្តអនុវត្តចុះត្រួតពិនិត្យគល់ឈើនៅតាមក្រុមហ៊ុនផ្សេងៗបន្តទៀត ហើយព័ត៌មានលម្អិតនិងដឹង នៅពេលដែលក្រុមការងារបញ្ចប់ការចុះត្រួតពិនិត្យគល់ឈើក្រុមហ៊ុនទាំង៨ក្រុមហ៊ុន ដែលល្មើសច្បាប់កាប់នៅក្រៅដែនក្រុមហ៊ុន ។ (សម្រួលដោយ៖ស្រីណា)
ចែករំលែកព័តមាននេះ