ខេត្តកំពង់ស្ពឺ ៖ ប្រជាពលរដ្ឋ និងអ្នកធ្វើដំណើរឆ្លងកាត់ទ្វារទឹករលាំងជ្រៃ ច្បាស់ជាបានឃើញដុំថ្មតូច ធំជាច្រើនដែលគេយកមកចាក់ រំលោភយកច្រាំងស្ទឹងព្រែកត្នោត ដើម្បីយកធ្វើជាកម្មសិទ្ធិឯកជនផ្ទាល់ខ្លួន មិនខ្លាចញញឺតច្បាប់ទាល់តែសោះ ដែលគេនិយាយថា…
ខេត្តកំពង់ស្ពឺ ៖ ប្រជាពលរដ្ឋ និងអ្នកធ្វើដំណើរឆ្លងកាត់ទ្វារទឹករលាំងជ្រៃ ច្បាស់ជាបានឃើញដុំថ្មតូច ធំជាច្រើនដែលគេយកមកចាក់ រំលោភយកច្រាំងស្ទឹងព្រែកត្នោត ដើម្បីយកធ្វើជាកម្មសិទ្ធិឯកជនផ្ទាល់ខ្លួន មិនខ្លាចញញឺតច្បាប់ទាល់តែសោះ ដែលគេនិយាយថា ថ្លើមពាសមេឃ ។ ទីតាំងដែលសង្ស័យអស់លោកអ្នកមានលុយ មានអំណាចចាក់ថ្មរំលោភយកច្រាំងស្ទឹងព្រែកត្នោតស្ថិតនៅក្នុងភូមិអន្លង់ធម្ម ឃុំតាំងក្រូច ស្រុកសំរោងទង ខេត្តកំពង់ស្ពឺ ។
បើតាមការលើកឡើងរបស់ប្រជាពលរដ្ឋ ការចាក់ថ្មរំលោភយកច្រាំងស្ទឹងព្រែកត្នោតធ្វើជាកម្មសិទ្ធិផ្ទាល់ខ្លួននេះធ្វើឡើងក្រោយពិធីបុណ្យចូលឆ្នាំថ្មីប្រពៃណីជាតិខ្មែរយើងថ្មីៗនេះ ។ ជាក់ស្តែងនៅថ្ងៃទី០៣ ខែឧសភា ឆ្នាំ ២០២៦ មកនេះ អ្នកយកព័ត៌មានបានចុះទៅផ្តិតយករូបភាពលើទីតាំងជាក់ស្តែង អ្នកមានលុយ មានអំណាចនោះ បានផ្អាកសកម្មភាពចាក់ថ្មហើយ ករណីនេះគេមិនទាន់ដឹងថា អាជ្ញាធរ និងជំនាញពាក់ព័ន្ធមានវិធានការបែបណានោះទេ ហាក់ដូចមើលមិនឃើញ ។
មជ្ឈដ្ឋានមហាជនលើកជាចម្ងល់ថា ប្រហែលជាឲ្យតែមានលុយគឺមានអ្វីៗទាំងអស់ បើទោះបីជារំលោភ យកចំណីច្រាំងស្ទឹងក៏ដោយ ក៏នៅតែអាចធ្វើបានដែរ ។ ពាក់ព័ន្ធនឹងការចាក់ថ្មរំលោភយកច្រាំងស្ទឹងព្រែកត្នោតខាងលើនេះដែរអ្នកយកព័ត៌មានបានទំនាក់ទំនងតាមប្រព័ន្ធតេឡេក្រាម ទៅលោក ញ៉ាញ់ ជាបហ៊ង ប្រធានមន្ទីរធនធានទឹក និងឧតុនិយមខេត្តកំពង់ស្ពឺដែរ ។ លោកបាននិយាយឱ្យដឹងថា លោកបានចុះទៅពិនិត្យ និងបានហាមឃាត់រួចហើយ ។ ស្អែកថ្ងៃច័ន្ទនេះក្រុមការងារស្រុកចុះទៅពិនិត្យទៀត ដើម្បីសួរនាំរកមើលប្លង់ដី ប្លង់អីរបស់គាត់ និងធ្វើលិខិតដើម្បីផ្អាក ៕
ព័ត៌មានបន្តនឹងមានផ្សាយនៅលើទំព័រកាសែតកោះសន្តិភាព
ចែករំលែកព័តមាននេះ