ខេត្តស្វាយរៀង ៖ក្មេងស្រីទំនើង០៣នាក់បង្ហោះម៉ូតូហើយថតបង្ហោះលើបណ្តាញសង្គមហ្វេសប៊ុក ត្រូវកម្លាំងសមត្ថកិច្ចចុះស្រាវជ្រាវនិងឃាត់ខ្លួនយកទៅអប់រំរួចធ្វើកិច្ចសន្យាប្រគល់ឲ្យឪពុកម្តាយមកទទួលយកទៅអប់រំបន្ត។សមត្ថកិច្ចបានឲ្យដឹងថា កាលពីថ្ងៃទី០២ខែឧសភា ឆ្នាំ២០២៦ សមត្ថកិច្ច ទទួល ពត៌មាន ពីបណ្តាញ សង្គម…
ខេត្តស្វាយរៀង ៖ក្មេងស្រីទំនើង០៣នាក់បង្ហោះម៉ូតូហើយថតបង្ហោះលើបណ្តាញសង្គមហ្វេសប៊ុក ត្រូវកម្លាំងសមត្ថកិច្ចចុះស្រាវជ្រាវនិងឃាត់ខ្លួនយកទៅអប់រំរួចធ្វើកិច្ចសន្យាប្រគល់ឲ្យឪពុកម្តាយមកទទួលយកទៅអប់រំបន្ត។សមត្ថកិច្ចបានឲ្យដឹងថា កាលពីថ្ងៃទី០២ខែឧសភា ឆ្នាំ២០២៦ សមត្ថកិច្ច ទទួល ពត៌មាន ពីបណ្តាញ សង្គម Facebook ថាមាន ក្រុម ក្មេង ស្រី ០១ក្រុម ដែលបានបង្ហោះម៉ូតូ រួចយក video បង្ហោះលើបណ្ដាញ សង្គម Facebook នៅចំណុច ទំនប់ប្រឡាយបង្ហៀរទឹក ស្ថិត ក្នុងភូមិ បន្លា ស្អិត ឃុំត្រពាំង ស្តៅ ស្រុករមាសហែក។
ប្រភពបន្តថា ក្រោយពីបានទទួលព័ត៌មានរួចមក ដោយ អនុវត្តន៍តាមបទបញ្ជាដ៏ម៉ឺងម៉ាត់របស់ ឯកឧត្ដមនាយឧត្តមសេនីយ៍ ស ថេត អគ្គស្នងការនគរបាលជាតិ និងដឹកនាំបញ្ជាផ្ទាល់ពីលោកឧត្តមសេនីយ៍ទោ ពេជ្រ វីរៈ ស្នងការនគរបាលខេត្តស្វាយរៀង កាលថ្ងៃ ទី០៣ ខែ ឧសភា ឆ្នាំ ២០២៦ លោកវរសេនីយ៍ឯក សំ សំអុល អធិការនគរបាល ស្រុករមាសហែក បានដឹកនាំកម្លាំងនគរបាល នៃ អធិការដ្ឋាននគរបាល ស្រុករមាសហែកស្រាវជ្រាវ និងឃាត់ខ្លួនក្មេងស្រីចំនួន៣នាក់ ដែលបាន បង្ហោះម៉ូតូ រួចយក video បង្ហោះ លើ បណ្ដាញ សង្គម Facebook នៅ ចំណុចទំនប់បង្ហៀរទឹក ស្ថិត នៅភូមិបន្លាស្អិត ឃុំត្រពាំងស្តៅ ស្រុករមាសហែក។
ចំពោះ សមត្ថកិច្ច បានឆ្លើយសារភាពថា ក្រុមខ្លួន ពិតជាបានធ្វើសកម្មភាពបង្ហោះ ម៉ូតូ ពិតប្រាកដមែន។
បច្ចុប្បន្ន សមត្ថកិច្ចបានធ្វើកិច្ចសន្យាអប់រំ និងអញ្ជើញអាណាព្យាបាលមកទទួលយក ដើម្បីអប់រំ បន្ត រីឯម៉ូតូប្រព្រឹត្តិសកម្មភាព១គ្រឿង ត្រូវបានរក្សាទុកនៅអធិការដ្ឋាននគរបាលស្រុករមាសហែក រយៈពេល៣ខែ ទើបប្រគល់ជូនវិញ ៕
ចែករំលែកព័តមាននេះ