ប្រធានាធិបតីចិនលោក ស៊ី ជីនពីង កាលពីថ្ងៃទី១៧ កុម្ភៈ បានស្នើដល់បណ្តារដ្ឋមន្ត្រី និងបណ្តាអភិបាលខេត្តចិន ធ្វើឱ្យសុក្រិត្យដល់សមត្ថកិច្ចរបស់ពួកគេ ហើយធ្វើឱ្យរដ្ឋាភិបាលក្លាយទៅជាទំនើប ។ លោក ស៊ី អះអាងបែបនេះក្នុងសុន្ទរកថាមួយ នាឱកាសចុះទៅកាន់រោងជាងនៅឯសាលាមួយរបស់បក្សកុំមុយនីស្តចិនដែលផ្តោតលើការជំរុញជាសាកលនៃការកែទម្រង់ ។
ប្រធានាធិបតីចិនលោក ស៊ី ជីនពីង កាលពីថ្ងៃទី១៧ កុម្ភៈ បានស្នើដល់បណ្តារដ្ឋមន្ត្រី និងបណ្តាអភិបាលខេត្តចិន ធ្វើឱ្យសុក្រិត្យដល់សមត្ថកិច្ចរបស់ពួកគេ ហើយធ្វើឱ្យរដ្ឋាភិបាលក្លាយទៅជាទំនើប ។ លោក ស៊ី អះអាងបែបនេះក្នុងសុន្ទរកថាមួយ នាឱកាសចុះទៅកាន់រោងជាងនៅឯសាលាមួយរបស់បក្សកុំមុយនីស្តចិនដែលផ្តោតលើការជំរុញជាសាកលនៃការកែទម្រង់ ។
លោកមានប្រសាសន៍ថា បេសកកម្មរបស់បក្សកុំមុយនីស្តចិន គឺស្វែងរកប្រព័ន្ធមានស្ថិរភាព និងមានប្រសិទ្ធភាពមួយសម្រាប់ការអភិវឌ្ឍសុខុមាលភាពរបស់ប្រជាជន និងស្ថេរភាពយូរអង្វែងរបស់សង្គម ។ ប្រព័ន្ធអភិបាលកិច្ចមានប្រសិទ្ធភាពមួយនឹងមាន លុះត្រាតែបូរណភាព សមត្ថភាព និងសមត្ថកិច្ចរបស់បក្ស និងរបស់បណ្តាមន្ត្រី ត្រូវបានកែលម្អ ហើយប្រសិទ្ធភាពរបស់បណ្តាអង្គការបក្ស របស់បណ្តាក្រសួងមន្ទីរ បណ្តាស្ថាប័នរដ្ឋ សហគ្រាស ព្រមទាំងរបស់បណ្តាអង្គការស៊ីវិលមានកម្រិតខ្ពស់ ។
យោងតាមលោក ស៊ី និយាយថា ដើម្បីឱ្យទំនើបដល់បក្សកុំមុយនីស្ត គេត្រូវដឹកនាំប្រកបដោយលក្ខណៈវិទ្យាសាស្ត្រ ប្រជាធិបតេយ្យ និងស្មើភាព ។ ប្រធានាធិបតីចិន គូសបញ្ជាក់ទៀតថា ប្រព័ន្ធអភិបាលកិច្ចមួយកំណត់តាមរយៈប្រវត្តិសាស្ត្រ ប្រពៃណី វប្បធម៌ ការអភិវឌ្ឍសេដ្ឋកិច្ច ព្រមទាំងឆន្ទៈរបស់ប្រជាជន ។ ពេលប្រព័ន្ធរបស់ចិនបច្ចុប្បន្នត្រូវការនូវការកែលម្អ បក្សកុំមុយនីស្តចិនត្រូវមានការជឿជាក់ថា ការកែលម្អតំណាងឱ្យលទ្ធផលទំាងឡាយនៃការអភិវឌ្ឍជាបន្តបន្ទាប់ផ្អែកលើប្រវត្តិសាស្ត្រ វប្បធម៌ និងសេដ្ឋកិច្ច ។ ទំនុកចិត្តរបស់ប្រព័ន្ធបច្ចុប្បន្ន ពុំមានន័យថាជាការភ័យខ្លាចដល់ការកែទម្រង់ឡើយ។
បើគ្មានទំនុកចិត្ត បក្សកុំមុយនីស្តចិនពុំមានសេចក្តីក្លាហានធ្វើការកែទម្រង់ ហើយបើគ្មានការកែទម្រង់ ទំនុកចិត្តក៏មិនគង់វង់យូរអង្វែងដែរ ។ ស្មារតីបើកចំហ ពលរដ្ឋចិនប្តេជ្ញារៀនសូត្រហើយធ្វើសមាហរណកម្មនូវអ្វីៗដែលខ្លួនយល់ថាសមស្របទៅនឹងប្រព័ន្ធផ្ទាល់របស់ខ្លួន ៕
ចែករំលែកព័តមាននេះ