កំណើនសេដ្ឋកិច្ចរបស់ថៃបានកើនឡើងក្នុង ល្បឿនមួយទាបបំផុតក្នុងរយៈពេលជិតពីរឆ្នាំកន្លងទៅនេះ គិតត្រឹមឆ្នាំ២០១៣ នៅគ្រាដែលវិបត្តិនយោបាយប៉ះពាល់ដល់តម្រូវការនិងទេសចរណ៍ជាហេតុជំរុញឲ្យមានសម្ពាធមកលើធនាគារកណ្តាលក្នុងការកាត់បន្ថយអត្រាការប្រាក់ ដើម្បីជំរុញកណើន ។
កំណើនសេដ្ឋកិច្ចរបស់ថៃបានកើនឡើងក្នុង ល្បឿនមួយទាបបំផុតក្នុងរយៈពេលជិតពីរឆ្នាំកន្លងទៅនេះ គិតត្រឹមឆ្នាំ២០១៣ នៅគ្រាដែលវិបត្តិនយោបាយប៉ះពាល់ដល់តម្រូវការនិងទេសចរណ៍ជាហេតុជំរុញឲ្យមានសម្ពាធមកលើធនាគារកណ្តាលក្នុងការកាត់បន្ថយអត្រាការប្រាក់ ដើម្បីជំរុញកណើន ។
ក្រុមប្រឹក្សាអភិវឌ្ឍន៍សេដ្ឋកិច្ចនិងសង្គមជាតិបាននិយាយនៅទីក្រុងបាងកកថា ផលិតផលក្នុងស្រុកសរុប(GDP)បានកើនឡើង០,៦%នៅក្នុងត្រីមាសចុងក្រោយឆ្នាំ២០១៣ បើធៀបនឹងឆ្នាំ២០១២ ។ កំណើននេះគឺទាបបំផុតចាប់តាំងពីត្រីមាសទីមួយឆ្នាំ២០១២ ។ ចំណែកសេដ្ឋកិច្ចប្រចាំឆ្នាំ២០១៣ កើនឡើងបានតែ២,៩% បើធៀបនឹងកំណើនកាលពីឆ្នាំ២០១២ ដែលកើនបាន៦,៥% ។
ធនាគារពិភពលោកបាននិយាយកាលពីសប្តាហ៍មុនថា បាតុកម្មតវ៉ាប្រឆាំងរដ្ឋាភិបាលនឹងប៉ះពាល់ដល់វិនិយោគទុន និងទេសចរណ៍ ព្រមទាំងបង្អាក់ដល់ការរៀបចំគោលនយោបាយក្នុងប្រទេស ។ កាលពីខែមុនធនាគារកណ្តាលបានរៀបចំកិច្ចប្រជុំមួយដោយមិនបានគ្រោងទុកជាមុនដើម្បីកំណត់តម្លៃប្រាក់កម្ចី ដែលបានធ្វើឲ្យសេដ្ឋវិទូជាច្រើនភ្ញាក់ផ្អើលយ៉ាងខ្លាំង ។ ភ្នាក់ងារផែនការរដ្ឋបានកាត់បន្ថយកំណើនGDPរបស់ខ្លួនសម្រាប់ឆ្នាំ២០១៤ ពី៣ទៅ៤% ។
លោកWee Khoon Chong ប្រធានផ្នែកយុទ្ធសាស្ត្រនៅក្នុងក្រុមហ៊ុនNomura Holdings Inc.និយាយថា ទិន្នន័យនៅក្នុងថ្ងៃនេះបង្ហាញឲ្យឃើញពីផលប៉ះពាល់នៃការធ្វើបាតុកម្ម មកលើសេដ្ឋកិច្ច ហើយទំនងជាកាន់តែធ្ងន់ធ្ងរថែមទៀតនៅក្នុងត្រីមាសនេះ ដោយសារភាពមិនច្បាស់លាស់នៅក្នុងការបោះឆ្នោត ៕
ចែករំលែកព័តមាននេះ