ស្ត្រីអ្នកមុជទឹក៥នាក់ក្នុងចំណោមស្ត្រីអ្នកមុជទឹកជនជាតិជបុ៉ន៧នាក់ដែលបាត់ខ្លួន ចាប់តាំងពីថ្ងៃទី១៤ កុម្ភៈមក ក្នុងដែនទឹកនៃកោះបាលីរបស់ឥណ្ឌូណេស៊ី ត្រូវបានរកឃើញនៅរស់ ។ នេះជាសេចក្តីរាយការណ៍កាលពីថ្ងៃទី១៧ កុម្ភៈ របស់ប៉ូលិសឥណ្ឌូណេស៊ី ។
ប៉ូលិសគូសបញ្ជាក់ថា ស្ត្រីអ្នកមុជទឹក៥នាក់ត្រូវបានរកឃើញនៅរស់រានមានជីវិត ។
ស្ត្រីអ្នកមុជទឹក៥នាក់ក្នុងចំណោមស្ត្រីអ្នកមុជទឹកជនជាតិជបុ៉ន៧នាក់ដែលបាត់ខ្លួន ចាប់តាំងពីថ្ងៃទី១៤ កុម្ភៈមក ក្នុងដែនទឹកនៃកោះបាលីរបស់ឥណ្ឌូណេស៊ី ត្រូវបានរកឃើញនៅរស់ ។ នេះជាសេចក្តីរាយការណ៍កាលពីថ្ងៃទី១៧ កុម្ភៈ របស់ប៉ូលិសឥណ្ឌូណេស៊ី ។
ប៉ូលិសគូសបញ្ជាក់ថា ស្ត្រីអ្នកមុជទឹក៥នាក់ត្រូវបានរកឃើញនៅរស់រានមានជីវិត ។
ពួកគេត្រូវបានប្រទះឃើញដោយពួកអ្នកនេសាទនាវេលាម៉ោង១៥និង៣០នាទីម៉ោងក្នុងស្រុក ។ ពួកគេត្រូវបានជួយសង្គ្រោះហើយនាំមកកាន់ SANUR ជាកន្លែងកម្សាន្តមាត់សមុទ្រមួយនៃឆ្នេរសមុទ្រកោះបាលី ។ នារីទាំងនោះត្រូវបានរកឃើញនៅកន្លែងមួយចម្ងាយប្រមាណជា៣០០ម៉ែត្រពីឆ្នេរសមុទ្រកោះ NUSA PENIDA ជាកោះតូចមួយនាភាគអាគ្នេយ៍កោះបាលី ។ នៅសល់នារីមុជទឹក២នាក់ទៀតដែលនៅបាត់ខ្លួន ។
នារីជបុ៉ន៧នាក់ក្នុងនោះមានអ្នកមុជទឹក៥នាក់ និងគ្រូបង្ហាត់២នាក់បានបាត់ខ្លួនកាលពីរសៀលថ្ងៃទី១៤ កុម្ភៈ ក្រោយពីពួកគេមុជទឹកក្នុងដែនទឹកនៃកូនកោះ LEMBONGAN នៅជិតកោះបាលីដែរ ។ ពួកអ្នកទាំងនេះសុទ្ធតែជាអ្នកមុជទឹកដែលមានបទពិសោធន៍ធ្លាប់មុជទឹកជាង៥០លើករួចមកហើយ ។ ពេលពួកគេមុជទឹកស្រាប់តែមានភ្លៀងខ្យល់យ៉ាងខ្លាំង ធ្វើឱ្យមានរលកធំៗ ។ មនុស្សប្រមាណជា១០០នាក់ចូលរួមក្នុងប្រតិបត្តិការតាមរកនារីមុជទឹកទាំងនោះ ចាប់តាំងពីព្រឹកថ្ងៃទី១៥ កុម្ភៈមក ៕
ចែករំលែកព័តមាននេះ