ប្រភពពីបរទេសនាពេលថ្មីៗនេះបានបង្ហាញនូវភ្ញាក់ផ្អើលមួយ ខណៈមានភោជនីយដ្ឋានមួយមានឈ្មោះថា Basement Bistro ស្ថិតនៅក្នុងទីក្រុងញូវយ៉ក នៃសហរដ្ឋអាមេរិក ត្រូវបានគេផ្តល់ព័ត៌មានថា គឺជាភោជនីយដ្ឋានដ៏ចម្លែកបំផុតនៅលើពិភពលោក ពោលគឺភ្ញៀវដែលចង់ទទួលទានម្ហូបអាហារនៅក្នុងភោជនីយដ្ឋាននេះ ត្រូវកុម៉្មង់ទុកសិន ហើយរង់ចាំរយៈពេល៥ឆ្នាំ ទើបពិសាមុខម្ហូបទាំងអស់នោះ ។
លោក Damon Baehrel គឺជាអ្នកគ្រប់គ្រងនៅក្នុងភោជនីយដ្ឋានចម្លែកមួយនេះ បានឱ្យដឹងថា «គ្រប់ភ្ញៀវទាំងអស់ដែលមានវត្តមាននៅក្នុងភោជនីយដ្ឋាននេះ បានកុម៉្មង់ទុកនូវមុខម្ហូបស្របទៅតាមចំណង់ចំណូលចិត្តរបស់ខ្លួន ពោលគឺត្រូវរង់ចាំរយៈពេល៥ឆ្នាំសិន ។ គាត់បានបញ្ជាក់ពីមូលហេតុដែលឱ្យភ្ញៀវរង់ចាំយូរ ដោយសារតែបន្លែ គ្រឿងផ្សំ គឺស្ថិតនៅជុំវិញភោជនីយដ្ឋានដែលគេបានដាំទុក ។ ដូច្នេះហើយ យើងត្រូវរង់ចាំបន្លែ គ្រឿងផ្សំដុះឡើងវិញសិន ទើបអាចយកទៅផ្គត់ផ្គង់ជូនភ្ញៀវបន្តទៀត ។ មួយវិញទៀត គាត់ត្រូវរៀបចំចានដែលសម្រាប់ដាក់ម្ហូបអាហារនៅក្នុងរយៈពេល១ឆ្នាំ និងរៀបចំសម្ភារៈផ្សេងៗទៀតជាច្រើនខែ ដើម្បីធ្វើយ៉ាងណាបម្រើសេវាកម្មជូនភ្ញៀវបានយ៉ាងល្អជាទីបំផុត» ។
លោក Damon Baehrel បាននិយាយបន្តទៀតថា «នៅក្នុងភោជនីយដ្ឋាននេះ ត្រូវបានរៀបចំឡើងសម្រាប់ភ្ញៀវចំនួន១២តុតែប៉ុណ្ណោះ ដោយម្ហូបមួយមុខមានតម្លៃចាប់តាំងពី២៥៥ឡើងទៅ ។ សព្វថ្ងៃនេះ ភោជនីយដ្ឋាននេះកំពុងតែទទួលបានភាពល្បីល្បាញយ៉ាងខ្លាំង ហើយមានភ្ញៀវមកពី៤៨ប្រទេសផ្សេងៗគ្នាដែលបានមកទទួលទានអាហារ ។ ភ្ញៀវដែលមានវត្តមានទទួលទានអាហារនៅក្នុងភោជនីយដ្ឋាននេះ សុទ្ធតែជាមហាសេដ្ឋី និងតារាល្បីៗនោះថែមទៀត» ៕
ចែករំលែកព័តមាននេះ