សហអ្នកបើកយន្តហោះ១គ្រឿងរបស់ក្រុមហ៊ុនអាកាសចរណ៍អេត្យូពី ETHIOPIAN AIRLINES ដែលកាលពីថ្ងៃទី១៧ កុម្ភៈ ដណ្តើមបញ្ជាយន្តហោះរួចបើកយន្តហោះនោះមកចុះនៅក្រុងហ្សឺណែវ ទីបំផុតបានសុខចិត្តប្រគល់ខ្លួនឱ្យប៉ូលិសស្វ៊ីស ក្រោយការចុះចតបន្តិច ។
សហអ្នកបើកយន្តហោះ១គ្រឿងរបស់ក្រុមហ៊ុនអាកាសចរណ៍អេត្យូពី ETHIOPIAN AIRLINES ដែលកាលពីថ្ងៃទី១៧ កុម្ភៈ ដណ្តើមបញ្ជាយន្តហោះរួចបើកយន្តហោះនោះមកចុះនៅក្រុងហ្សឺណែវ ទីបំផុតបានសុខចិត្តប្រគល់ខ្លួនឱ្យប៉ូលិសស្វ៊ីស ក្រោយការចុះចតបន្តិច ។
ពួកអ្នកដំណើរ និងសមាជិកក្រុមយានិកដទៃៗទៀតសុខសប្បាយទាំងអស់គ្នា ។ យោងតាមប៉ូលិសស្វ៊ីសថា សហអ្នកបើកជាអ្នកចាប់ពង្វាងយន្តហោះបានស្នើសុំសិទ្ធិជ្រកកោន ។ យន្តហោះជើងហោះហើរ ET 702 នោះ កាលពីថ្ងៃទី១៦ កុម្ភៈ បានហោះចេញពីទីក្រុងអាឌីសអាបេបា ឆ្ពោះមកកាន់ទីក្រុងរ៉ូម ប្រទេសអីុតាលី ។ ឆ្លៀតឱកាសអ្នកបើកជាកាពីតែនសម្រាក សហអ្នកបើកបានត្រួតត្រាយន្តហោះនោះ ហើយបើកឆ្ពោះមកកាន់ព្រលានយន្តហោះអន្តរជាតិក្រុងហ្សឺណែវ ហើយចុះនៅទីនោះ ។ សហអ្នកបើកនោះបន្តិចក្រោយមកបានចាកចេញពីកន្លែងបើកតាមខ្សែពួរមួយ ទម្លាក់តាមបង្អួចមួយនៃបន្ទប់បើកបរមុនពេលប្រគល់ខ្លួនឱ្យប៉ូលិស ។ ចោរអាកាសរូបនេះពុំមានអាវុធឡើយ។
ក្នុងសេចក្តីប្រកាសមួយ ក្រុមហ៊ុន ETHIO-PIAN AIRLINES អះអាងថា អ្នកដំណើរទាំងអស់ និងបណ្តាសមាជិកក្រុមយានិកសុខសប្បាយទាំងអស់គ្នា ។ យោងតាមសារព័ត៌មានអេត្យូពីថា អ្នកដំណើរចំនួន១៩៣នាក់ ឋិតក្នុងយន្តហោះក្នុងនោះ ១៤០នាក់ជាជនជាតិអីុតា លី ។ ពួកគេអាចចុះពីយន្តហោះឡើងជិះរថយន្តបឺសមួយគ្រឿងដែលរង់ចាំស្រាប់ ៕
ចែករំលែកព័តមាននេះ