រាជធានីភ្នំពេញ ៖ រសៀលថ្ងៃទី១៨ កុម្ភៈនេះ នៅទីស្នាក់ការគណៈកម្មាធិការជាតិអូឡាំពិកកម្ពុជា (NOCC) មានរៀបចំបើកវគ្គបណ្តុះបណ្តាលអ្នកជំនាញយកព័ត៌មានកីឡា ដែលជាផ្នែកមួយនៃកម្មវិធីប្រចាំឆ្នាំ ក្នុងនោះអ្នកសារព័ត៌មានផ្នែកព័ត៌មានកីឡាចំនួន២៥នាក់មកពីស្ថាប័នសារព័ត៌មានក្នុងស្រុកចំនួន២៥អង្គភាព ត្រូវបានអញ្ជើញឱ្យចូលរួមក្នុងវគ្គបណ្តុះបណ្តាលខាងលើនេះ ។
រាជធានីភ្នំពេញ ៖ រសៀលថ្ងៃទី១៨ កុម្ភៈនេះ នៅទីស្នាក់ការគណៈកម្មាធិការជាតិអូឡាំពិកកម្ពុជា (NOCC) មានរៀបចំបើកវគ្គបណ្តុះបណ្តាលអ្នកជំនាញយកព័ត៌មានកីឡា ដែលជាផ្នែកមួយនៃកម្មវិធីប្រចាំឆ្នាំ ក្នុងនោះអ្នកសារព័ត៌មានផ្នែកព័ត៌មានកីឡាចំនួន២៥នាក់មកពីស្ថាប័នសារព័ត៌មានក្នុងស្រុកចំនួន២៥អង្គភាព ត្រូវបានអញ្ជើញឱ្យចូលរួមក្នុងវគ្គបណ្តុះបណ្តាលខាងលើនេះ ។
វគ្គនេះមានរយៈពេល៣ថ្ងៃ ស្ថិតក្រោមការធ្វើបទបង្ហាញពីសំណាក់វាគ្មិនចំនួន៣រូបដូចជា លោកឌឹម សុវណ្ណារុ៉ម មន្ត្រីអ្នកនាំពាក្យសាលាក្តីខ្មែរក្រហម លោកបណ្ឌិតអក្សរសាស្ត្រ ចាន់ សំណព្វ អនុប្រធានរាជបណ្ឌិត្យសភាកម្ពុជា និងលោកវ៉ាត់ ចំរើន អគ្គលេខាធិការ NOCC ។ លោកវ៉ាត់ ចំរើន អគ្គលេខាធិការ NOCC និងជាអនុរដ្ឋលេខាធិការក្រសួងទេសចរណ៍ផងនោះមានប្រសាសន៍ថា វគ្គបណ្តុះបណ្តាលអ្នកជំនាញយកព័ត៌មានកីឡានេះត្រូវបានរៀបចំជាស្រេចហើយក្នុងឆ្នាំ២០១៤ នេះ ដោយ៦ខែយើងបើកវគ្គម្តងដោយផ្តល់នូវមូលដ្ឋានគ្រឹះនៃកីឡាមានដូចជា គោលការណ៍របស់កីឡា បទ បញ្ជា និងលក្ខខណ្ឌការប្រកួត និងការវិវត្តន៍នៃការផ្លាស់ប្តូរបច្ចេកទេសនៃការលេងឱ្យមានតម្លាភាព (Fair play) ។ល។
លោកបន្តថា អ្នកយកព័ត៌មានកីឡាមិនមែនមានសិទ្ធិទទួលបានគ្រប់ករណីដែលចង់បាននោះ ទេដូចជា ការសម្ងាត់នៃប្រភេទកីឡាខ្លះ ឧទាហរណ៍ប្រដាល់ជាដើម គឺចៅក្រមដែលដាក់ពិន្ទុត្រូវលាក់ការណ៍សម្ងាត់មិនអាចប្រាប់អ្នកយកព័ត៌មានបានទេ បុ៉ន្តែមានប្រធានវិនិច្ឆ័យត្រួតពិនិត្យពីលើអាចប្រកាស និងពន្យល់ហេតុផលជំនួសឱ្យចៅក្រមបាន ហើយអ្នកសារព័ត៌មានមិនអាចសួរទៅចៅក្រមផ្ទាល់បានទេ ។ មួយវិញទៀត ដូចជាបាល់ទាត់គឺចៅក្រមខ្សែបន្ទាត់ក្តី អាជ្ញាកណ្តាលក្តី ដែលសម្រេចចិត្តរួចហើយនៅលើទីលាន គឺមិនអាចលើកមកសើេរើវិញបានទេ ទោះបីមានមូលហេតុ ឬភស្តុតាងច្បាស់ក៏ដោយ បុ៉ន្តែពេលចប់ការប្រកួត អ្នកសារព័ត៌មានមានសិទ្ធិសួរទៅស្នងការប្រកួត គឺមិនអាចសួរផ្ទាល់ទៅចៅក្រមខ្សែបន្ទាត់ ឬអាជ្ញាកណ្តាល ឬកីឡាករឡើយ នេះគឺជាច្បាប់កីឡាដែលបានកំណត់ ។ គណៈកម្មាធិការជាតិអូឡាំពិកកម្ពុជាមានចក្ខុវិស័យវែងឆ្ងាយសម្រាប់គោលដៅធ្វើជាម្ចាស់ផ្ទះរៀបចំការប្រកួតកីឡា SEA Games នៅឆ្នាំ២០២៣ ។ សម្រាប់កិច្ចការនេះយើងបានត្រៀមគម្រោងនេះតាំងពីអាណត្តិមុនម៉្លេះ ដោយឆ្នាំ២០១២ យើងបានធ្វើសន្និសីទកីឡាថ្នាក់ជាតិបានម្តង ចំណែកឆ្នាំ២០១៤ យើងក៏បានអញ្ជើញគ្រូជំនាញកីឡា និងអ្នកមានបទពិសោធន៍ក្នុងកីឡា និងអ្នកយកព័ត៌មានកីឡាខ្លះធ្វើជាវាគ្មិនក្នុងសិក្ខាសាលានេះផងដែរ ។
សូមបញ្ជាក់ថា វគ្គសិក្សាស្តីពីកីឡានេះកាលពីខែកុម្ភៈ ឆ្នាំ២០១៣ ធ្លាប់បានធ្វើម្តងហើយដោយបានអញ្ជើញអ្នកសារព័ត៌មានមកពីស្ថាប័នកាសែត ទូរទស្សន៍ ទស្សនាវដ្តី និងវេបសាយជាច្រើនរូបចូលរួមផងដែរ ៕
ចែករំលែកព័តមាននេះ