រាជធានីភ្នំពេញ ៖ សមត្ថកិច្ចនគរបាលការិយាល័យប្រឆាំងការជួញដូរមនុស្ស និងការពារអនីតិជនរាជធានីភ្នំពេញ កាលពីថ្ងៃទី១៦ កុម្ភៈ បានធ្វើការឃាត់ខ្លួនជនជាតិចិន០២នាក់ និងខ្មែរ០៣នាក់ ដោយជាប់ពាក់ព័ន្ធករណីជួញដូរមនុស្ស សម្រាប់នាំឆ្លងដែន និងសុំឱ្យផ្តល់ឯកសារដោយទុច្ចរិត ។
រាជធានីភ្នំពេញ ៖ សមត្ថកិច្ចនគរបាលការិយាល័យប្រឆាំងការជួញដូរមនុស្ស និងការពារអនីតិជនរាជធានីភ្នំពេញ កាលពីថ្ងៃទី១៦ កុម្ភៈ បានធ្វើការឃាត់ខ្លួនជនជាតិចិន០២នាក់ និងខ្មែរ០៣នាក់ ដោយជាប់ពាក់ព័ន្ធករណីជួញដូរមនុស្ស សម្រាប់នាំឆ្លងដែន និងសុំឱ្យផ្តល់ឯកសារដោយទុច្ចរិត ។
ជនសង្ស័យទី១-ឈ្មោះXO JINLONG ភេទប្រុស អាយុ៣៤ឆ្នាំ ,ទី២-ឈ្មោះSU ZHISHENG ភេទ ប្រុស អាយុ៤៩ឆ្នាំ ,ទី៣-ឈ្មោះសុខ បូរ៉ា ហៅ ស្រីម៉ៅ ភេទស្រី អាយុ២៥ឆ្នាំ ជាអ្នកប្រែក្នុងរោងចក្រ ស្នាក់នៅភូមិចំបក់ ឃុំ វល្លិ៍ស ស្រុកសំរោងទង ខេត្តកំពង់ស្ពឺ ,ទី៤-ឈ្មោះសាត ស្រីឡូត ហៅម៉ី ភេទស្រី អាយុ២៥ឆ្នាំ ជាសិស្ស ស្នាក់នៅផ្ទះគ្មានលេខ ផ្លូវ៣១០ សង្កាត់បឹងកេងកង៣ ខណ្ឌចំការមន និងទី៥-ឈ្មោះ ឡា ណា ភេទស្រី អាយុ៤៥ឆ្នាំ មុខរបរលក់ដូរ មានទីលំនៅផ្ទះលេខ២៩៧ ផ្លូវលំ ស្ថិតក្នុងភូមិប្ញស្សី សង្កាត់ស្ទឹងមានជ័យ ខណ្ឌមានជ័យ ។
លោកវរសេនីយ៍ទោ កែវ ធា ប្រធានការិយាល័យនគរបាលប្រឆាំងការជួញដូរមនុស្ស និងការពារអនីតិជន បានឲ្យដឹងថា ការឃាត់ខ្លួនជនសង្ស័យខាងលើនេះ គឺបានធ្វើឡើងនៅព្រលានយន្តហោះអន្តរជាតិភ្នំពេញ ដោយយោងតាមការស្រាវជ្រាវរបស់សមត្ថកិច្ចជំនាញ ។ លោកកែវ ធា បន្តថា ក្នុងនោះសមត្ថកិច្ចយើងបានរំដោះជនរងគ្រោះ០២នាក់មកវិញ រួមទាំងម្តាយពួកគេម្នាក់ផង ដែលបានជូនដំណើរកូនបំរុងឡើងយន្តហោះ ៕
ចែករំលែកព័តមាននេះ