រាជធានីភ្នំពេញ ៖ បើយោងតាមការតាមដាននៃអាកាសធាតុរបស់ក្រសួងធនធានទឹក និងឧតុនិយមបានឲ្យដឹងថា មួយរយៈនេះមានការវិវត្តន៍យ៉ាងលឿនអាចនិយាយបានថា មិនដែលបានជួបប្រទះ នោះគឺមានព្យុះ៣ស្ថិតក្នុងកន្សោមតែមួយ ប៉ុន្តែនាពេលបច្ចុប្បន្នព្យុះទី៨ បានរលាយខ្លួនរួចទៅហើយ ដោយនៅសល់តែ២…
រាជធានីភ្នំពេញ ៖ បើយោងតាមការតាមដាននៃអាកាសធាតុរបស់ក្រសួងធនធានទឹក និងឧតុនិយមបានឲ្យដឹងថា មួយរយៈនេះមានការវិវត្តន៍យ៉ាងលឿនអាចនិយាយបានថា មិនដែលបានជួបប្រទះ នោះគឺមានព្យុះ៣ស្ថិតក្នុងកន្សោមតែមួយ ប៉ុន្តែនាពេលបច្ចុប្បន្នព្យុះទី៨ បានរលាយខ្លួនរួចទៅហើយ ដោយនៅសល់តែ២ ដែលនៅមានឥទ្ធិពលកំពុងស្រូបទាញធ្វើឱ្យប្រព័ន្ធសម្ពាធទាបឡើងទៅលើកាត់ភាគខាងជើងប្រទេសឡាវ និងប្រទេសវៀតណាម ហើយព្យុះមូសុងនីរិតី នៅបន្តមានឥទ្ធិពលយ៉ាងខ្លាំងមកលើតំបន់មាត់សមុទ្រ ។
ក្រសួងធនធានទឹក និងឧតុនិយមបន្តថា ស្ថានភាពបែបនេះ បានធ្វើឱ្យបណ្តាលខេត្តដែលនៅតាមតំបន់មាត់សមុទ្រ ជាពិសេសគឺខេត្តកោះកុង និងខេត្តព្រះសីហនុ នឹងបន្តមានភ្លៀងធ្លាក់នៅក្នុងកម្រិតបរិមាណពីបង្គួរទៅច្រើន ហើយនៅលើផ្ទៃសមុទ្រអាចនឹងមានភ្លៀង ខ្យល់ខ្លាំង និងរលកបោកបក់ខ្ពស់ ។
ហើយបើនៅតាមខេត្តកំពង់ធំ កំពង់ឆ្នាំង ពោធិ៍សាត់ ព្រៃវែង ស្វាយរៀង កំពង់ចាម ត្បូងឃ្មុំ មណ្ឌលគិរី ក្រចេះ ស្ទឹងត្រែង និងរតនគិរី អាចនឹងមានភ្លៀងក្នុងកម្រិតធម្យមទៅច្រើន ចំណែកឯនៅខេត្តព្រះវិហារ សៀមរាម បាត់ដំបង ប៉ៃលិន បន្ទាយមានជ័យ និងឧត្តរមានជ័យ អាចនឹងមានភ្លៀងពីកម្រិតតិចទៅបង្គួរ ហើយនិងខេត្តកំពង់ស្ពឺ តាកែវ កណ្តាល ព្រមទាំងរាជធានីភ្នំពេញ អាចនឹងមានភ្លៀងធ្លាក់ពីកម្រិតតិចទៅមធ្យម ។
ដូច្នេះសូមបងប្អូនប្រជាពលរដ្ឋបង្កើនការយកចិត្តទុកដាក់ និងប្រុងប្រយ័ត្នខ្ពស់ ជាពិសេសនៅតាមខេត្តកោះកុង ខេត្តព្រះសីហនុ និងតាមបណ្តាខេត្តនានាភាគខាងកើតជាប់នឹងព្រំប្រទល់ប្រទេសវៀតណាម ។
ចែករំលែកព័តមាននេះ