លោក យ៉ាស៊ូអេ កាតស៊ូណូប៊ូ អគ្គកុងស៊ុលរងរបស់ជប៉ុនប្រចាំកោះបាលី បញ្ជាក់ថា ការរុករកធ្វើបន្តទៀតកាលពីព្រឹកថ្ងៃទី១៦ កុម្ភៈ ជិតកោះបាលី របស់ឥណ្ឌូណេស៊ី ក្រោយការបាត់ខ្លួនអ្នកមុជទឹកជនជាតិជប៉ុន៧នាក់ កាលពី២ថ្ងៃមុន នេះ ។
លោក យ៉ាស៊ូអេ កាតស៊ូណូប៊ូ អគ្គកុងស៊ុលរងរបស់ជប៉ុនប្រចាំកោះបាលី បញ្ជាក់ថា ការរុករកធ្វើបន្តទៀតកាលពីព្រឹកថ្ងៃទី១៦ កុម្ភៈ ជិតកោះបាលី របស់ឥណ្ឌូណេស៊ី ក្រោយការបាត់ខ្លួនអ្នកមុជទឹកជនជាតិជប៉ុន៧នាក់ កាលពី២ថ្ងៃមុន នេះ ។
លោក កាត ស៊ូណូប៊ូ បញ្ជាក់ថា ពួកអ្នកជួយសង្គ្រោះបានពុះពាររលកសមុទ្រធំៗ ប៉ុនប៉ងតាមរកអ្នកទេសចរជប៉ុន៥នាក់ និងគ្រូបង្ហាត់មុជទឹក២នាក់ ដែលពួកគេសុទ្ធតែជានារី ដែលពុំឃើញងើបពីទឹកវិញ ក្រោយពីមុជទឹកកាលពីរសៀលថ្ងៃទី១៤ កុម្ភៈ មក នៅក្នុងដែនទឹកនៃកោះ នូសា ឡេមបុនហ្គាន ជិតកោះបាលី ។ កាលពីថ្ងៃទី១៥ កុម្ភៈ ក្រុមអ្នករុករកនិងប៉ូលិសសមុទ្រឥណ្ឌូណេស៊ី បានទៅដល់កន្លែងបាត់ខ្លួនដោយប្រើនាវាធំមួយគ្រឿង និងឧទ្ធម្ភាគចក្រមួយគ្រឿង ។ ការរុករកត្រូវបានផ្អាក កាលពីរសៀលថ្ងៃទី១៥ កុម្ភៈ វេលាម៉ោង១៥ មកពីមានភ្លៀងធ្លាក់ខ្លាំងនៅតំបន់នោះ ។
កោះ នូសា ឡេម បុនហ្គាន ជាកន្លែងមុជទឹកដ៏ល្បីល្បាញមួយ ដែលគេចាត់ទុកជាកន្លែងស្រស់ត្រកាលបំផុតមួយក្នុងចំណោមកន្លែងស្រស់ត្រកាលទាំងឡាយសម្រាប់ពួកអ្នកមុជ ទឹក ៕
ចែករំលែកព័តមាននេះ