រដ្ឋាភិបាលចាំផ្ទះថៃបានទទួលកម្ចីឥណទានចំនួន១៧ពាន់លានបាត ពីធនាគារសង្គ្រោះរដ្ឋាភិបាល(Goverment Savings Bank,GBS) ដែលនឹងប្រើប្រាស់ដើម្បីទូទាត់ឲ្យកសិករដែល ហួសកាលកំណត់សង ។
វិធានការខាងលើនេះទំនងជាអាចបន្ធូបន្ថយសម្ពាធបណ្តោះអាសន្នដល់រដ្ឋាភិបាលដែលកំពុងក្រពុលមុខនឹងការតវ៉ា
រដ្ឋាភិបាលចាំផ្ទះថៃបានទទួលកម្ចីឥណទានចំនួន១៧ពាន់លានបាត ពីធនាគារសង្គ្រោះរដ្ឋាភិបាល(Goverment Savings Bank,GBS) ដែលនឹងប្រើប្រាស់ដើម្បីទូទាត់ឲ្យកសិករដែល ហួសកាលកំណត់សង ។
វិធានការខាងលើនេះទំនងជាអាចបន្ធូបន្ថយសម្ពាធបណ្តោះអាសន្នដល់រដ្ឋាភិបាលដែលកំពុងក្រពុលមុខនឹងការតវ៉ាប្រឆាំងពីសំណាក់ក្រុមកសិករ ដែលបានទាមទារឲ្យរដ្ឋាភិបាលសងប្រាក់ដែលជំពាក់ដល់ខ្លួន ។
នាយករដ្ឋមន្ត្រីចាំផ្ទះលោកស្រីយីងឡាក់ ស៊ីណាវ៉ាត្រា មានប្រសាសន៍ថា ប្រាក់ទំាងនេះនឹងត្រូវផ្តល់ជូនកសិករដោយផ្ទាល់នៅថ្ងៃចន្ទ ។
គណៈកម្មាធិការឥណទានរបស់GBSបានអនុម័តឥណទានអន្តរធនាគារទៅឲ្យធនាគារកសិកម្ម និងសហប្រតិបត្តិការកសិកម្ម(BAAC)ដែលគ្រប់គ្រងដោយរដ្ឋ ។ ធនាគារនេះទទួលខុសត្រូវចំពោះការលៃលកការទូទាត់គម្រោងអង្ករដល់កសិករ ។ សាច់ប្រាក់ដែលបានខ្ចីនឹងអាចសម្រាលសម្ពាធបានខ្លះមកលើរដ្ឋាភិបាលយ៉ាងហោចណាស់បានមួយខែដែរ នៅគ្រាដែលធនាគារBAACមានសមត្ថភាពដំណើរការទូទាត់ទឹកប្រាក់ចាប់ពីពីរទៅបីពាន់លានបាតក្នុងមួយ
សប្តាហ៍ ។
រដ្ឋាភិបាលចាំផ្ទះបាននិងកំពុងប្រឹងប្រែងស្វែងរកទឹកប្រាក់១៣០ពាន់លានបាតដែលចាំបាច់សម្រាប់សងទៅកសិករជាងមួយលាននាក់ដែលកំពុងរង់ចាំប្រាក់ពីគម្រោងសន្យាទិញអង្កររបស់គេ។ ប្រសិនបើមិនមានដំណោះស្រាយភ្លាមទេ ពួកគេបានគំរាមកំហែងធ្វើបាតុកម្មទ្រង់ទ្រាយធំនៅទីក្រុងបាងកក ខណៈរដ្ឋាភិបាលកំពុងជាប់ផុងទៅក្នុងវិបត្តិនយោបាយហើយនោះ ៕
ចែករំលែកព័តមាននេះ