ខេត្តក្រចេះ ៖ បុរសជាកម្មករលីដំឡូងម្នាក់បានស្លាប់ ដោយសាររថយន្តដឹកដំឡូងមីក្រឡាប់សង្កត់លើ កាលពីព្រឹកថ្ងៃទី១៥ កុម្ភៈ នៅលើផ្លូវជាតិលេខ៧ ស្ថិតក្នុងភូមិស្រែរនាម ឃុំឃ្សឹម ស្រុកស្នួល ។
ខេត្តក្រចេះ ៖ បុរសជាកម្មករលីដំឡូងម្នាក់បានស្លាប់ ដោយសាររថយន្តដឹកដំឡូងមីក្រឡាប់សង្កត់លើ កាលពីព្រឹកថ្ងៃទី១៥ កុម្ភៈ នៅលើផ្លូវជាតិលេខ៧ ស្ថិតក្នុងភូមិស្រែរនាម ឃុំឃ្សឹម ស្រុកស្នួល ។
បុរសជាកម្មកររូបនេះ ត្រូវបានគេស្គាល់ថា ឈ្មោះ បាន ជឿន អាយុ៣២ឆ្នាំ ជាកម្មករដំឡូងមី មានទំលំនៅភូមិអំពាំង ឃុំក្បឿងរាយ ស្រុកកញ្ជៀច ខេត្តព្រៃវែង និងត្រូវស្លាប់ នៅនឹងកន្លែង ដោយសាររថយន្តសង្កត់លើ ។
លោកវរសេនីយ៏ត្រី ចាន់ សុគីម អធិការនគរបាលស្រុកស្នួលបានឲ្យដឹងថា រថយន្តបង្កហេតុដោយខ្លួនឯងនេះ ប្រភេទរថយន្តកូរ៉េ ចំណុះ២តោនកន្លះ ពាក់ស្លាក់លេខ យ.០៤៧៥ភព៣ មានដឹកដំឡូងមីពេញប្រៀប និងមានមនុស្សជិះចំនួន៣នាក់ទាំងអ្នកបើកបរ។
តាមអ្នកឃើញហេតុការណ៏បាននិយាយថា រថយន្តមួយគ្រឿងនេះ បានបើកបរក្នុង ទិសដៅពីជើងទៅត្បូង ហើយបានបើកគេចឆ្កែកំពុងរត់ឆ្លងផ្លូវ បណ្តាលឲ្យរេចង្កូតក្រឡាប់ និងបានសង្កត់លើបុរសរងគ្រោះស្លាប់នៅនឹងកន្លែង ខណៈដែលបុរសរងគ្រោះលោតចុះពីលើរថយន្ត ។ លោកអធិការបានបញ្ជាក់ថា ក្នុងឧប្បត្តិហេតុនេះ គឹបានបង្កឲ្យមានមនុស្សម្នាក់ស្លាប់ រីឯ២នាក់ទៀត ជាអ្នកបើកបរនិងកម្មករម្នាក់ទៀត រងរបួសស្រាល ហើយរថយន្តត្រូវខូចខាត។
សពជនរងគ្រោះត្រូវសមត្ថកិច្ចប្រគល់ឲ្យក្រុមគ្រួសារធ្វើបុណ្យតាមប្រពៃណី៕
ចែករំលែកព័តមាននេះ