រាជធានីភ្នំពេញ ៖ ក្នុងរយៈពេលប៉ុន្មានថ្ងៃកន្លងមកនេះ គេសង្កេតឃើញថាមានសកម្មភាពចាក់ដីលុបប្រឡាយមេទួលពង្រ ស្ថិតក្នុងភូមិទួលពង្រ សង្កាត់ចោមចៅ និងសង្កាត់ត្រពាំងថ្លឹង ខណ្ឌពោធិ៍សែនជ័យ ។ ក្រៅពីការចាក់ដីលុបប្រឡាយមេ នៅលើទីតាំងមួយចំនួន ក៏គេសង្កេតឃើញមានការចាក់បំពេញដីឡូត៍ធំៗ ធ្វើឱ្យអាចម៍ដីហៀរចូលប្រឡាយនោះថែមទៀត ។
រាជធានីភ្នំពេញ ៖ ក្នុងរយៈពេលប៉ុន្មានថ្ងៃកន្លងមកនេះ គេសង្កេតឃើញថាមានសកម្មភាពចាក់ដីលុបប្រឡាយមេទួលពង្រ ស្ថិតក្នុងភូមិទួលពង្រ សង្កាត់ចោមចៅ និងសង្កាត់ត្រពាំងថ្លឹង ខណ្ឌពោធិ៍សែនជ័យ ។ ក្រៅពីការចាក់ដីលុបប្រឡាយមេ នៅលើទីតាំងមួយចំនួន ក៏គេសង្កេតឃើញមានការចាក់បំពេញដីឡូត៍ធំៗ ធ្វើឱ្យអាចម៍ដីហៀរចូលប្រឡាយនោះថែមទៀត ។
ក្រុមប្រជាពលរដ្ឋមួយចំនួនដែលមានទីលំនៅក្បែរតំបន់ប្រឡាយទួលពង្រ បានសម្តែងក្តីបារម្ភពីការលិចលង់នៅរដូវវស្សាខាងមុខនេះ ព្រោះសកម្មភាពនៃការចាក់ដីលុប និងអាចម៍ដីហៀរចូលប្រឡាយទួលពង្រខាងលើនេះ ធ្វើឱ្យស្ទះចរន្តទឹកស្អុយហូរ និងការរំដោះទឹកស្អុយចេញក្រៅក្រុង ។ លើសពីនេះទៀត ប្រសិនបើមានការលិចលង់នោះ នឹងនាំដល់ការខូចផ្លូវចោមចៅ អតីតផ្លូវវ៉េងស្រេងផងដែរ ។
ក្រុមប្រជាពលរដ្ឋមួយចំនួនដែលសម្តែងក្តីបារម្ភខាងលើ បានសំណូមពរឱ្យអាជ្ញាធរដែនដីជួយអន្តរាគមន៍ ទប់ស្កាត់សកម្មភាពចាក់ដីលុប និងអាចម៍ដីហៀរចូលប្រឡាយទួលពង្រ បើមិនដូច្នោះទេ នឹងធ្វើឱ្យប៉ះពាល់ធ្ងន់ធ្ងរនៅពេលខាងមុខនេះ ៕
ចែករំលែកព័តមាននេះ