ប្រមុខរដ្ឋាភិបាលអុីតាលីលោក Enrico Letta ដែលរងការរិះគន់ពីគណបក្សលោក ត្រូវដាក់ពាក្យសុំលាលែងចេញពីតំណែងជូនប្រធានាធិបតីលោក Giorgio Napolitano នាថ្ងៃទី១៤ កុម្ភៈ ។ ប្រធានាធិបតីត្រូវប្រគល់ឱ្យលោក Matteo Renzi បង្កើតរដ្ឋាភិបាលថ្មី មួយ ។
ប្រមុខរដ្ឋាភិបាលអុីតាលីលោក Enrico Letta ដែលរងការរិះគន់ពីគណបក្សលោក ត្រូវដាក់ពាក្យសុំលាលែងចេញពីតំណែងជូនប្រធានាធិបតីលោក Giorgio Napolitano នាថ្ងៃទី១៤ កុម្ភៈ ។ ប្រធានាធិបតីត្រូវប្រគល់ឱ្យលោក Matteo Renzi បង្កើតរដ្ឋាភិបាលថ្មី មួយ ។
ការសម្រេចចិត្តនេះរបស់លោក Enrico Letta ត្រូវបានប្រកាសប៉ុន្មាននាទីប៉ុណ្ណោះក្រោយការបោះឆ្នោតអនុម័តរបស់ថ្នាក់ដឹកនាំគណបក្សប្រជាធិបតេយ្យ PD នូវសំណើរបស់ប្រធានគណបក្សលោក Matteo Renzi សុំបង្កើតរដ្ឋាភិបាលថ្មីមួយដើម្បីជំរុញការកែ ទម្រង់ ។ សំណើរបស់លោក Renzi ត្រូវបានអនុម័តដោយ១៣៦សំឡេងទល់នឹង១៦សំឡេងប្រឆាំង ។
ក្នុងសេចក្តីប្រកាសមួយ លោក Enrico Letta បញ្ជាក់ថាក្រោយការសម្រេចចិត្តរបស់ថ្នាក់ដឹកនាំគណបក្សប្រជាធិបតេយ្យ ខ្ញុំបានជម្រាបដល់ប្រធានាធិបតីនៃសាធារណរដ្ឋពីឆន្ទៈរបស់ខ្ញុំដាក់ពាក្យសុំលាលែងនាថ្ងៃទី១៤ កុម្ភៈ ។លោក Matteo Renzi ដែលមានវ័យក្មេងទើបអាយុ៣៩ឆ្នាំ បានស្នើឱ្យបង្កើតរដ្ឋាភិបាលថ្មីមួយ ដើម្បីបើកនៅដំណាក់កាលថ្មីមួយនៃការកែទម្រង់នៅអុីតាលី ។ ដើម្បីបញ្ចុះបញ្ចូលគណបក្សលោកឱ្យព្រលែងដៃពីលោក Letta លោក Matteo Renzi លើកឡើងថា អុីតាលីពុំអាចស្ថិតនៅក្នុងសភាពការណ៍មិនច្បាស់លាស់ និងអស្ថិរភាពមួយឡើយ ។ យើងត្រូវមានរបត់ មួយ ៕
ចែករំលែកព័តមាននេះ