យោងតាមទីភ្នាក់ងារព័ត៌មានកូរ៉េខាងត្បូងYONHAP ថាប្រទេសកូរ៉េទាំង២ចាប់ផ្តើមការជួបគ្នាកម្រិតខ្ពស់លើកទី២នាថ្ងៃទី១៤ កុម្ភៈ នៅភូមិប៉ានមុនហ្សូម ជាភូមិមួយស្ថិតនៅតំបន់ហាមមិនឱ្យមានកងទ័ព ដើម្បីពិភាក្សាគ្នាពីបញ្ហាទាំងឡាយទាក់ទិននឹងបច្ចុប្បន្នភាពនៅឧបទ្វីពកូរ៉េ ជាពិសេសការជួបជុំសាច់ញាតិគ្រួសារដែលព្រាត់គ្នា និងសមយុទ្ធយោធារួម កូរ៉េខាងត្បូងនិងសហរដ្ឋអាមេរិក ។
ការជួបគ្នាកម្រិតខ្ពស់ លើកទីមួយកាលពីថ្ងៃទី១២ កុម្ភៈ បានបញ្ចប់ដោយពុំសម្រេចបានលទ្ធផលជាក់ស្តែងឡើយ ជាពិសេសលើបញ្ហាសំខាន់ទាំង២ខាងលើនេះ ។ កាលពីរសៀលថ្ងៃទី១៣ កុម្ភៈ ក្រុងព្យុងយ៉ាងស្នើដល់ក្រុងសេអ៊ូលឱ្យមានការជួបគ្នាលើកទី២ ក្នុងគោលបំណងដោះស្រាយការខ្វែងគំនិតគ្នានានារវាងភាគីទាំង២ ។ សម្រាប់ការជួបជុំសាច់ញាតិគ្រួសារព្រាត់គ្នា ដែលគ្រោងធ្វើពីថ្ងៃទី២០ ទៅ២៥ កុម្ភៈ ខាងមុខនេះ កូរ៉េខាងជើងលើកឡើងថាការជួបគ្នានោះនឹងប្រព្រឹត្តទៅធម្មតា លើកលែងតែក្នុងដំណាក់កាលនៃសមយុទ្ធយោធារួមរវាងសហរដ្ឋអាមេរិកនិងកូរ៉េខាងត្បូងដែលគ្រោងចាប់ផ្តើមពីថ្ងៃទី២៤ កុម្ភៈ ទៅ ។
ជាមួយនឹងសំណើពន្យារពេលសមយុទ្ធយោធារួមKEY RESOLVE និង FOAL EAGLE ទៅធ្វើក្រោយការជួបជុំសាច់ញាតិគ្រួសារព្រាត់គ្នា ប្រសិនបើកកូរ៉េខាងជើងរក្សាជំហរនេះ ការជួបជុំនោះនឹងក្លាយទៅជាមិនច្បាស់លាស់ ។ ក្រុងេសអ៊ូលបញ្ចេញយ៉ាងច្បាស់ពីជំហររបស់ខ្លួនលើចំណុចនេះដោយអះអាងថា សមយុទ្ធនឹងប្រព្រឹត្តទៅដូចការគ្រោងទុក ។ គួរកត់សម្គាល់់ថា នាពេលនេះភាគីទាំង២អាចឈានទៅសម្រេចបានកុងសង់ស៊៊ុលមួយ ។ ម្យ៉ាងវិញទៀត បញ្ហាសំខាន់២ទៀតនឹងត្រូវលើកឡើងគឺបញ្ហារំសាយនុយក្លេអ៊ែរ នៅឧបទ្វីបកូរ៉េ និងការឃោសនាធ្វើឱ្យប៉ះពាល់ដល់ភាពថ្លៃថ្លូរកំពូលរបស់កូរ៉េខាងជើង ដោយប្រព័ន្ធឃោសនាកូរ៉េខាងត្បូង ។ ទាក់ទិនដល់កាលបរិច្ឆេទនៃការជួបជុំសាច់ញាតិព្រាត់គ្នា ក្រុងសេអ៊ូលធ្លាប់បានស្នើកាលពីដំណាច់ខែមករា ដល់កូរ៉េខាងជើង យកថ្ងៃទី១៧ទៅ២២ កុម្ភៈ ខណៈកូរ៉េខាងជើងបានធ្វើសំណើយកថ្ងៃទី២០ទៅ២៥ កុម្ភៈ ជាកាលបរិច្ឆេទជាន់ជាមួយសមយុទ្ធយោធារួមកូរ៉េខាងត្បូង-អាមេរិក ។
សមាសភាពរបស់គណៈប្រតិភូទាំង២គឺនៅដដែលដូចមុន ដោយគណៈប្រតិភូកូរ៉េខាងត្បូងដឹកនាំដោយលោកKIM KYON -HYUN នាយករងការិយាល័យសន្តិសុខជាតិនៃវិមានប្រធានាធិបតី CHEONG LUA DEA ហើយគណៈប្រតិភូកូរ៉េខាងជើងដឹកនាំដោយលោកWON TONG-YON អនុប្រធាននាយកដ្ឋានរណសិរ្សរួបរួមរបស់បក្សពលករកូរ៉េ ៕
ចែករំលែកព័តមាននេះ