រាជធានីភ្នំពេញ ៖ ជនសង្ស័យម្នាក់ត្រូវសមត្ថកិច្ចឃាត់ខ្លួនជាមួយម៉ូតូមួយគ្រឿងម៉ាកវីវ៉ា ពណ៌ខ្មៅ ពាក់ស្លាកលេខក៦១៦៤-កឆ១ និងដកហូតសម្ភារសម្រាប់កាច់សោម៉ូតូ និងគាស់ផ្ទះមួយចំនួនកាលពីវេលាម៉ោង៧ និង៣០នាទីព្រឹក ថ្ងៃទី១៣ កុម្ភៈ ២០១៤ ខណៈជនសង្ស័យកំពុងអង្គុយចាំបក្សពួកម្នាក់ទៀតនៅចំណុចភូមិផ្អេរ(ខាងក្រោយផ្សារសុវណ្ណា) ផ្លូវលេខ៤៣៤ សង្កាត់ទំនប់ទឹក ខណ្ឌចំការមន ។
រាជធានីភ្នំពេញ ៖ ជនសង្ស័យម្នាក់ត្រូវសមត្ថកិច្ចឃាត់ខ្លួនជាមួយម៉ូតូមួយគ្រឿងម៉ាកវីវ៉ា ពណ៌ខ្មៅ ពាក់ស្លាកលេខក៦១៦៤-កឆ១ និងដកហូតសម្ភារសម្រាប់កាច់សោម៉ូតូ និងគាស់ផ្ទះមួយចំនួនកាលពីវេលាម៉ោង៧ និង៣០នាទីព្រឹក ថ្ងៃទី១៣ កុម្ភៈ ២០១៤ ខណៈជនសង្ស័យកំពុងអង្គុយចាំបក្សពួកម្នាក់ទៀតនៅចំណុចភូមិផ្អេរ(ខាងក្រោយផ្សារសុវណ្ណា) ផ្លូវលេខ៤៣៤ សង្កាត់ទំនប់ទឹក ខណ្ឌចំការមន ។
តាមប្រភពពីសមត្ថកិច្ចបានឱ្យដឹងថា ជនសង្ស័យ ឈ្មោះជិន សំអុល ភេទប្រុស អាយុ២៩ឆ្នាំ ជាអ្នករត់ម៉ូតូឌុប មានទីលំនៅមិនពិតប្រាកដ។ ជននេះជាមុខសញ្ញាចាស់ដែលធ្វើសកម្មភាពលួចគ្រប់ទីកន្លែង ដោយកាលពីខែមុនជននេះត្រូវសមត្ថកិច្ចខណ្ឌមានជ័យចាប់ខ្លួនម្តងពីបទលួចគាស់ផ្ទះរបស់ប្រជាពលរដ្ឋ ហើយបានលួចរត់ចេញពីប៉ុស្តិ៍ទាំងខ្នោះដៃ និងយកទាំងសម្លៀកបំពាក់របស់ប៉ូលិសទៅជាមួយទៀតផង។
បច្ចុប្បន្នជនសង្ស័យត្រូវសមត្ថកិច្ចប៉ុស្តិ៍រដ្ឋបាលទំនប់ទឹកធ្វើកំណត់ហេតុបញ្ជូនទៅថ្នាក់លើដើម្បីចាត់ការតាមច្បាប់៕
ចែករំលែកព័តមាននេះ