ខេត្តកំពង់ចាម ៖ ជនសង្ស័យជួញដូរគ្រឿងញៀនដ៏សកម្មម្នាក់ នៅស្រុកមេមត់ ត្រូវបានសមត្ថកិច្ចចាប់ខ្លួន កាលពីវេលាម៉ោង៣រសៀលថ្ងៃទី១៣ កុម្ភៈ ២០១៤ នៅចំណុចភូមិជីប៉េស ឃុំមេមត់ ស្រុកមេមត់ ដោយដកហូតបានថ្នាំញៀនចំនួន៨៥កញ្ចប់ ក្នុងនោះធំ០៦កញ្ចប់ និងម៉ូតូឌ្រីមសេ១២៥មួយគ្រឿង ។
ខេត្តកំពង់ចាម ៖ ជនសង្ស័យជួញដូរគ្រឿងញៀនដ៏សកម្មម្នាក់ នៅស្រុកមេមត់ ត្រូវបានសមត្ថកិច្ចចាប់ខ្លួន កាលពីវេលាម៉ោង៣រសៀលថ្ងៃទី១៣ កុម្ភៈ ២០១៤ នៅចំណុចភូមិជីប៉េស ឃុំមេមត់ ស្រុកមេមត់ ដោយដកហូតបានថ្នាំញៀនចំនួន៨៥កញ្ចប់ ក្នុងនោះធំ០៦កញ្ចប់ និងម៉ូតូឌ្រីមសេ១២៥មួយគ្រឿង ។
ជនសង្ស័យឈ្មោះ សុខ ឡេន ភេទប្រុស អាយុ៣៤ឆ្នាំ មានទីលំនៅភូមិមេមត់ផ្សារ ឃុំមេមត់ ស្រុកមេមត់ ។ បើតាមលោកវរសេនីយ៍ទោ សោម រស់ នាយការិយាល័យប្រឆាំងគ្រឿងញៀនខេត្តបានឱ្យដឹងថា ពេលរូបលោកទទួលបានព័ត៌មានថា ជនសង្ស័យកំពុងជួញដូរគ្រឿងញៀនយ៉ាងសកម្ម នៅស្រុកមេមត់ លោកក៏បានសុំគោលការណ៍ពីលោកឧត្តមសេនីយ៍ បែន រ័ត្ន ស្នងការនគរបាលខេត្ត ចុះឃាត់ខ្លួនដោយប្រើវិធានញុះញង់ ទិញថ្នាំញៀនមួយកញ្ចប់តម្លៃ៣០ដុល្លារ ។ ប្រភពបន្តថា ខណៈជនសង្ស័យជិះម៉ូតូយកថ្នាំញៀនមកឱ្យ ដល់ចំណុចកើតហេតុ សមត្ថកិច្ចក៏ធ្វើការឃាត់ខ្លួនតែម្តង ។
បច្ចុប្បន្ន ជនសង្ស័យត្រូវសមត្ថកិច្ចនាំទៅសាកសួរនៅអធិការដ្ឋាននគរបាលខេត្ត រៀបចំសំណុំរឿងបញ្ជូនទៅតុលាការ ៕
ចែករំលែកព័តមាននេះ