អាជ្ញាធរគូសបញ្ជាក់ថា ការវាយប្រហារដោយគ្រឿងផ្ទុះមួយ កាលពីថ្ងៃទី១៣ កុម្ភៈ បណ្តាលឱ្យស្លា.ប់ប៉ូលិស១០នាក់ ហើយប៉ូលិស៣០នាក់ទៀតត្រូវរបួស នៅក្រុងការ៉ាជី ភាគខាងត្បូងប៉ាគីស្ថាន ដែលតែងកើតមានអំពើហិ.ង្សា ។
លោក ម៉ូហាមម៉ាដ អីុតបាល់ អ្នកទទួលខុសត្រូវជាន់ខ្ពស់ម្នាក់របស់ប៉ូលិសថ្លែងថា រថយន្តមួយគ្រឿងផ្ទុះដោយគ្រឿងផ្ទុះ បាន
អាជ្ញាធរគូសបញ្ជាក់ថា ការវាយប្រហារដោយគ្រឿងផ្ទុះមួយ កាលពីថ្ងៃទី១៣ កុម្ភៈ បណ្តាលឱ្យស្លាប់ប៉ូលិស១០នាក់ ហើយប៉ូលិស៣០នាក់ទៀតត្រូវរបួស នៅក្រុងការ៉ាជី ភាគខាងត្បូងប៉ាគីស្ថាន ដែលតែងកើតមានអំពើហិង្សា ។
លោក ម៉ូហាមម៉ាដ អីុតបាល់ អ្នកទទួលខុសត្រូវជាន់ខ្ពស់ម្នាក់របស់ប៉ូលិសថ្លែងថា រថយន្តមួយគ្រឿងផ្ទុះដោយគ្រឿងផ្ទុះ បានបើកបំបុករថយន្តបឺស១គ្រឿង ដែលដឹកប៉ូលិសរវាងពី៥០ទៅ៥៥នាក់ ទៅធ្វើការចេញពីមជ្ឈមណ្ឌលហ្វឹកហ្វឺនមួយ ។ យោងតាមប្រភពព័ត៌មានប៉ូលិសថា ប៉ូលិស១០នាក់បានត្រូវស្លាប់ហើយ៣០នាក់ទៀតត្រូវរបួស ។
ការវាយប្រហារនោះនៅពុំទាន់មានក្រុមណាប្រកាសទទួលខុសត្រូវនៅឡើយ ក៏ប៉ុន្តែវាកើតមានពេលរដ្ឋាភិបាល និងពួកឧទ្ទាមតាលីបង់ ចាប់ផ្តើមការចរចាថ្មី ក្នុងក្របខ័ណ្ឌនៃដំណើរការសន្តិភាពដែលនាយករដ្ឋមន្ត្រីលោក ណាវ៉ាស សារីហ្វ ប្រកាសគួរឱ្យភ្ញាក់ផ្អើល កាលពីដំណាច់ខែមករា ។
ចាប់តាំងពីការអំពាវនាវថ្មីនោះ ឱ្យមានការចរចាសន្តិភាពមក មនុស្សយ៉ាងតិច៥៧នាក់ បានត្រូវស្លាប់ក្នុងការវាយប្រហារភេរវកម្មនានា នៅប៉ាគីស្ថាន ក្នុងនោះមនុស្ស៩នាក់ស្លាប់ កាលពីថ្ងៃទី១២ កុម្ភៈ ក្នុងការវាយប្រហារពេលមានការជួបជុំមួយប្រឆាំងតាលីបង់ ហើយមនុស្ស១៣នាក់ស្លាប់ កាលពីថ្ងៃទី១១ កុម្ភៈ ក្នុងការវាយប្រហារដោយគ្រាប់បែកដៃក្នុងរោងភាពយន្តបញ្ចាំងរឿងសិចមួយនៅក្រុងប៉េសាវ៉ា ៕
ចែករំលែកព័តមាននេះ