រាជធានីភ្នំពេញ ៖ ក្រុមអ្នករស់នៅប្លុកបុរីកីឡាប្រមាណជាង១០០គ្រួសារដែលអះអាងថា កន្លងមកអាជ្ញាធរសន្យាខ្យល់ កាលពីព្រឹកថ្ងៃទី១២ កុម្ភៈ ២០១៤ ពួកគេបាននាំគ្នារើឥវ៉ាន់ពីខាងក្រោមឡើងទៅនៅអគារលេខ៩ ជាន់ទី១ ដែលក្រុមហ៊ុនផានអ៊ិមិចសាងសង់មិនទាន់រួចរាល់ បើទោះបីមានការរារាំងពីសមត្ថកិច្ចយ៉ាងណាក្តី។
រាជធានីភ្នំពេញ ៖ ក្រុមអ្នករស់នៅប្លុកបុរីកីឡាប្រមាណជាង១០០គ្រួសារដែលអះអាងថា កន្លងមកអាជ្ញាធរសន្យាខ្យល់ កាលពីព្រឹកថ្ងៃទី១២ កុម្ភៈ ២០១៤ ពួកគេបាននាំគ្នារើឥវ៉ាន់ពីខាងក្រោមឡើងទៅនៅអគារលេខ៩ ជាន់ទី១ ដែលក្រុមហ៊ុនផានអ៊ិមិចសាងសង់មិនទាន់រួចរាល់ បើទោះបីមានការរារាំងពីសមត្ថកិច្ចយ៉ាងណាក្តី។
ក្រុមអ្នករស់នៅបុរីកីឡាដែលថា ខ្លះស្នាក់នៅទីនោះច្រើនឆ្នាំមកហើយមិនត្រូវអាជ្ញាធរប្រគល់ផ្ទះ(អគារ)សង់ថ្មីឱ្យពួកគេបានស្នាក់នៅនោះទេ ផ្ទុយទៅវិញបានបោះបង់ពួកគេចោលឱ្យរស់នៅតែលតោលក្រោមអគារដែលសាងសង់បានខ្លះនោះ។
ដោយសារទ្រាំការលំបាកច្រើនឆ្នាំមកហើយ នៅព្រឹកថ្ងៃទី១២ កុម្ភៈ ២០១៤ ពួកគេបានសម្រេចចិត្តវេចបង្វេចឡើងទៅនៅអគារលេខ៩ ជាន់ទី១ គឺចែកគ្នានៅតាមបន្ទប់រៀងៗខ្លួន។
បន្ទាប់ពីក្រុមអ្នកបុរីកីឡាឡើងទៅស្នាក់នៅអគារសង់មិនទាន់រួចរាល់ដូច្នេះ អាជ្ញាធរខណ្ឌ និងប្រជាពលរដ្ឋទាំងនោះត្រូវបានសាលារាជធានីភ្នំពេញហៅទៅដោះស្រាយនៅថ្ងៃទី១៣ កុម្ភៈ ២០១៤។
នៅព្រឹកថ្ងៃទី១៣ កុម្ភៈ នេះ តំណាងសហគមន៍ប្រជាបុរីកីឡា៥នាក់ រួមជាមួយលោកអភិបាលខណ្ឌ៧មករា ម្នាក់បានចូលជួបលោកប៉ា សុជាតិវង្ស អភិបាលរាជធានីភ្នំពេញតាមការកំណត់ ប៉ុន្តែក្នុងនោះគេបានឃើញអ្នកដែលទៅគាំទ្រតំណាងរបស់ពួកគេប្រមាណពី៤០ទៅ៦០នាក់ជិះម៉ូតូ រ៉ឺម៉ក៦គ្រឿងទៅជួយលើកទឹកចិត្ត។
ការជួបជុំរកដំណោះស្រាយនោះត្រូវគេដឹងថា លោកអភិបាលរាជធានីបានជម្រាបជូនទៅតំណាងសហគមន៍ឱ្យស្រង់ស្ថិតិអ្នកដែលគ្មានជម្រកស្នាក់នៅឱ្យបានច្បាស់លាស់ ដោយកំណត់ថា ប៉ុន្មាននាក់ចង់ស្នាក់នៅបណ្តោះអាសន្ន ប៉ុន្មាននាក់ចង់ស្នាក់នៅរហូត។
ទាក់ទងនឹងដំណោះស្រាយនេះ ត្រូវបានតំណាងអ្នករស់នៅបុរីកីឡាប្រមាណជា១០០គ្រួសារទទួលយកទៅធ្វើការពិភាក្សាគ្នា តែគេមិនទាន់សម្រេចជាផ្លូវការទេ៕
ចែករំលែកព័តមាននេះ