ប្រទេសប៉េកាំង-ចិន ៖ ខណៈសង្គ្រាមពាណិជ្ជកម្មរវាងមហាអំណាចិននិងសហរដ្ឋអាមេរិកហាក់ពុំមានសញ្ញាថមថយ ស្រាប់តែពេលនេះសង្គ្រាមមួយនេះកំពុងវិវត្តន៍ទៅជាសង្គ្រាមរូបិយប័ណ្ណ បន្ទាប់ពីចិនបានអនុញ្ញាតឱ្យប្រាក់យន់របស់ខ្លួនធ្លាក់ចុះនៅក្រោមកម្រិតមួយមិនធ្លាប់មានពីមុនមក។ កាន់តែអាក្រក់នោះ គឺមានការភ័យខ្លាចមួយបានកើតឡើងដោយថាក្រុងប៉េកាំងអាចនឹងបោះបង់ចោលកិច្ចចរចាពាណិជ្ជកម្មជាមួយអាមេរិក។ នេះបើយោងតាមការចុះផ្សាយរបស់ភ្នាក់ងារ theguardian កាលពីថ្ងៃច័ន្ទ ទី៥ ខែសីហា ។
អ្នកវិភាគម្នាក់បាននិយាយថាសង្គ្រាមរបស់មេអ្នកដឹកនាំទាំងពីរអាចធ្វើឱ្យរូបិយប័ណ្ណរបស់ខ្លួនមានបញ្ហា និងកាន់តែធ្ងន់ធ្ងរឡើងៗនៅពេលទីផ្សារភាគហ៊ុននៅអាស៊ីក៏បានធ្លាក់ចុះដល់កម្រិតទាបក្នុងរយៈពេលប្រាំមួយខែកន្លងទៅនេះ ។
ធនាគារកណ្តាលរបស់ប្រទេសចិនបានអនុញ្ញាតឱ្យប្រាក់យន់ធ្លាក់ចុះក្នុងអត្រាក្រោមកំរិត ៧ យន់ ធៀបនឹងលុយមួយដុល្លារអាមេរិក ដែលនេះជាការធ្លាក់ចុះយ៉ាងខ្លាំងនិងជាលើកដំបូងចាប់តាំងពីឆ្នាំ ២០០៨ នៅក្នុងអ្វីដែលអ្នកជំនាញម្នាក់ហៅថា «អាវុធសង្គ្រាម» នៃរូបិយប័ណ្ណ។
រដ្ឋាភិបាលទីក្រុងប៉េកាំងបានធ្វើការតស៊ូមតិជាទៀងទាត់ចំពោះតម្រូវការប្រាក់យន់ខ្ពស់ បើទោះបីជាមានការចោទប្រកាន់ពីលោកដូណាល់ ត្រាំ ប្រធានាធិបតីអាមេរិក ថាខ្លួនកំពុងរក្សារូបិយវត្ថុរបស់ខ្លួនឲ្យមានតម្លៃទាប ក្នុងចេតនាដើម្បីធ្វើឱ្យអាមេរិករងគ្រោះលិចលង់ជាមួយនឹងផលិតផលដែលមានតំលៃថោកនោះ។
ប៉ុន្តែការផ្លាស់ប្តូរកាលពីថ្ងៃច័ន្ទនេះ បង្ហាញថាទីក្រុងប៉េកាំងមិនមានក្តីសង្ឃឹមណាមួយក្នុងការឈានដល់ការសម្រេចនូវកិច្ចព្រមព្រៀងក្នុងជម្លោះពាណិជ្ជកម្មរបស់ខ្លួនជាមួយក្រុងវ៉ាស៊ីនតោនបានទេ នៅពេលដែលការគំរាមកំហែងរបស់ប្រធានាធិបតីអាមេរិកកាលពីសប្តាហ៍មុនក្នុងការដាក់ពន្ធបន្ថែម ១០% លើទំនិញចិនតម្លៃ ៣០០ លានដុល្លារ ដែលនឹងត្រូវអនុវត្តនាថ្ងៃទី ១ ខែកញ្ញា ខាងមុខនេះ ។
ទីផ្សារពិភពលោកមានការភ័យខ្លាចនៅពេលដែល Trump ចាប់យកសង្គ្រាមពាណិជ្ជកម្មរវាងសហរដ្ឋអាមេរិកនិងចិន។ រូបិយប័ណ្ណបានចុះខ្សោយដល់ ៧.០២៤០ គិតត្រឹមព្រឹកថ្ងៃច័ន្ទតាមម៉ោងក្នុងស្រុកជាមួយធនាគារប្រជាជនចិន (PBOC) ដែលបានបន្ទោសការធ្លាក់ចុះដោយសារតែ «វិធានការឯកតោភាគីនិងវិធានការណ៍គាំពារពាណិជ្ជកម្ម» ដោយយោងទៅលើការដំឡើងពន្ធរបស់លោក Trump ។
លោក Julian Evans Pritchard មកពីក្រុមហ៊ុន Capital Economics បានមានប្រសាសន៍ថា «ការពិតដែលពួកគេឈប់ការពារលំនឹងលុយយន់ឲ្យបាន ៧យន់ ធៀបនឹងប្រាក់ដុល្លារ ដែលនេះបានបង្ហាញថាពួកគេមានអ្វីៗទាំងអស់ក្រោយបន្ទាបតម្លៃលុយយន់ ក៏ប៉ុន្តែត្រូវបោះបង់ចោលនូវក្តីសង្ឃឹមសម្រាប់កិច្ចព្រមព្រៀងពាណិជ្ជកម្មជាមួយសហរដ្ឋអាមេរិក» ។ លោកបានបន្ថែមថា តាមរយៈការភ្ជាប់អត្រាការប្រាក់ជាមួយនឹងការគំរាមកំហែងពន្ធថ្មីរបស់លោក Trump «នោះ PBOC បានប្រើប្រាស់អាវុធអត្រាប្តូរប្រាក់ប្រកបដោយប្រសិទ្ធភាព» ជាការតបតវិញ ។
ចំណែកលោក El Kaku អ្នកយុទ្ធសាស្ត្ររូបិយប័ណ្ណនៅ Nomura ក្នុងទីក្រុងតូក្យូ បាននិយាយថា «វាមិនមែនជារឿងគួរឱ្យភ្ញាក់ផ្អើលទេ ប្រសិនបើទីក្រុងប៉េកាំងគិតថាពួកគេគួរតែធ្វើឱ្យប្រាក់យន់ចុះខ្សោយដើម្បីចរចាជាមួយ Trump នៅពេលដែលភាគីអាមេរិកកំពុងបង្កើនពន្ធគយថ្មីបន្ថែមនោះ ។ យើងរំពឹងថាប្រាក់យន់នឹងចុះខ្សោយដល់ ៧,២ នៅត្រីមាសនេះ ៕ (កែសម្រួលដោយ ៖ បុប្ផា)
ចែករំលែកព័តមាននេះ