ខេត្តពោធិ៍សាត់ ៖ បុរសម្នាក់ ក្នុងចំណោមគ្នា០៣នាក់ បានលង់ទឹកស្លា.ប់ ដោយសារស្រវឹងដើរសួមែកឈើឆ្លងស្ទឹង របូតដៃធ្លាក់ចំថ្មនិងគល់ឈើដែលនៅពីក្រោម បណ្តាលឱ្យសន្លប់ងើបលែងរួចលង់ទឹក ។ ករណីនេះ បានកើតឡើង កាលពីថ្ងៃទី១១ កុម្ភៈ ២០១៤ វេលាម៉ោង៨យប់ នៅចំណុចស្ទឹងអំពុះ ស្ថិតក្នុងភូមិបំណក់ ឃុំឈើតុំ ស្រុកក្រគរ ។
ខេត្តពោធិ៍សាត់ ៖ បុរសម្នាក់ ក្នុងចំណោមគ្នា០៣នាក់ បានលង់ទឹកស្លាប់ ដោយសារស្រវឹងដើរសួមែកឈើឆ្លងស្ទឹង របូតដៃធ្លាក់ចំថ្មនិងគល់ឈើដែលនៅពីក្រោម បណ្តាលឱ្យសន្លប់ងើបលែងរួចលង់ទឹក ។ ករណីនេះ បានកើតឡើង កាលពីថ្ងៃទី១១ កុម្ភៈ ២០១៤ វេលាម៉ោង៨យប់ នៅចំណុចស្ទឹងអំពុះ ស្ថិតក្នុងភូមិបំណក់ ឃុំឈើតុំ ស្រុកក្រគរ ។
នគរបាលស្រុកក្រគរបានឱ្យដឹងថា ជនរងគ្រោះឈ្មោះទឹម ឈឿន ភេទប្រុស អាយុ២៦ឆ្នាំ រស់នៅភូមិផ្ទះគរ ឃុំអន្លង់វិល ស្រុកកណ្តៀង ប៉ុន្តែមកធ្វើជាកម្មករដាំដំឡូងមីឱ្យក្រុមហ៊ុនចិន នៅភូមិឃុំខាងលើ ។
តាមការសាកសួររបស់សមត្ថកិច្ច គឺនៅថ្ងៃទី១១ កុម្ភៈ វេលាម៉ោង៦ល្ងាច ជនរងគ្រោះរួមជាមួយមិត្តភក្តិ០២នាក់ទៀត ជាកម្មករដូចគ្នា បានទៅផឹកស្រានៅការដ្ឋានទី២១.១ រហូតដល់ម៉ោងប្រហែល៧យប់ ទើបនាំគ្នាត្រឡប់មកកន្លែងស្នាក់នៅការដ្ឋានទី២១.២វិញ ។ ពួកគេដើរមកដល់ចំណុចស្ទឹងអំពុះនាំគ្នាឆ្លង ម្នាក់ដើរទៅវាងនៅកន្លែងទឹករាក់ ឯជនរងគ្រោះនិងម្នាក់ទៀតដើរសួមែកឈើ ។ ០២នាក់បានឆ្លងស្ទឹងទៅមុនបាត់ ដោយបាត់ជនរងគ្រោះយូរពេកមិនឃើញទៅដល់ក៏នាំគ្នាត្រឡប់មកមើលវិញ ស្រាប់តែឃើញធ្លាក់ចូលក្នុងទឹកស្ទឹង លុះពេលស្រង់ចេញមកលង់ទឹកស្លាប់បាត់ទៅហើយ ។
នគរបាលបច្ចេកទេសបញ្ជាក់ថា ជនរងគ្រោះពិតជាស្លាប់ដោយសារលង់ទឹកប្រាកដមែន ។ ជនរងគ្រោះស្រវឹងស្រាជោកជាំ ដើរលើមែកឈើ ហើយរបូតដៃធ្លាក់មកចំគល់ឈើនិងថ្មដែលនៅខាងក្រោម បណ្តាលឱ្យសន្លប់កំរើកលែងរួច ក៏លង់ទឹកជម្រៅប្រមាណពីរម៉ែត្រស្លាប់តែម្តង ៕
ចែករំលែកព័តមាននេះ