រាជធានីភ្នំពេញ ៖ នាព្រឹកថ្ងៃទី១៧ កុម្ភៈ ឆ្នាំ២០១៤ សាលារៀនសុវណ្ណភូមិ សាលារៀនប្រ៊ីជតុន និងសាលាញូវតុនធីឡាយ បានរៀបចំពិធីជួបជុំសិស្សឆ្នើមប្រចាំឆ្នាំ២០១៣ ដោយមានការអញ្ជើញចូលរួមពីលោក ហ្សង់ ហ្វ្រង់ស្វ័រកូតង់ (Jean Francois Cautin) ឯកអគ្គរាជទូតនៃសហភាពអឺរ៉ុបប្រចាំព្រះរាជាណាចក្រកម្ពុជា និងលោកជំទាវជាភរិយា លោក ជា ធីឡាយ អគ្គនាយក អិុន ធី សីុ
រាជធានីភ្នំពេញ ៖ នាព្រឹកថ្ងៃទី១៧ កុម្ភៈ ឆ្នាំ២០១៤ សាលារៀនសុវណ្ណភូមិ សាលារៀនប្រ៊ីជតុន និងសាលាញូវតុនធីឡាយ បានរៀបចំពិធីជួបជុំសិស្សឆ្នើមប្រចាំឆ្នាំ២០១៣ ដោយមានការអញ្ជើញចូលរួមពីលោក ហ្សង់ ហ្វ្រង់ស្វ័រកូតង់ (Jean Francois Cautin) ឯកអគ្គរាជទូតនៃសហភាពអឺរ៉ុបប្រចាំព្រះរាជាណាចក្រកម្ពុជា និងលោកជំទាវជាភរិយា លោក ជា ធីឡាយ អគ្គនាយក អិុន ធី សីុ គ្រុប និងលោកស្រី លោក ឃឹម ផុន នាយកប្រតិបត្តិអិុន ធី សីុ គ្រុប និងតំណាង Springboard for Cambodia ថ្នាក់ដឹកនាំ អិុន ធី សីុ គ្រុប ថ្នាក់ដឹកនាំសាលារៀនសុវណ្ណភូមិ សាលារៀនប្រ៊ីជតុន និងសាលាញូវតុនធីឡាយ លោកគ្រូ-អ្នកគ្រូ មាតាបិតា អាណាព្យាបាលសិស្ស និងសិស្សានុសិស្សជ័យលាភីទាំងអស់ ។
លោក ឃឹម ផុន នាយកប្រតិបត្តិ អិុន ធី សីុ គ្រុប បានមានប្រសាសន៍ថា សាលារៀនសុវណ្ណភូមិ សាលារៀនប្រ៊ីជតុន និងសាលាញូវតុនធីឡាយ មានតួនាទីនិងទំនួលខុសត្រូវខ្ពស់ក្នុងការបណ្តុះបណ្តាលប្អូនៗសិស្សានុសិស្សទាំងអស់ឱ្យបានសម្រេចនូវលទ្ធផលល្អក្នុងការសិក្សា តាមរយៈលោកគ្រូ-អ្នកគ្រូដែលមានបទពិសោធន៍ និងជំនាញច្បាស់លាស់គួបផ្សំជាមួយការខិតខំប្រឹងប្រែងរបស់ប្អូនៗដោយខ្លួនឯងផ្ទាល់ និងមានការជួយគាំទ្រពីសំណាក់មាតាបិតាអាណាព្យាបាលផង ។
ជាក់ស្តែងសិស្សរបស់សាលារៀនសុវណ្ណភូមិ និងសាលារៀនប្រ៊ីជតុនក្នុងឆ្នាំសិក្សា ២០១២-២០១៣ កន្លងទៅនេះ ទទួលបាននូវជ័យលាភីធំៗជាច្រើន ក្នុងការប្រកួតប្រជែងជាលក្ខណៈជាតិ និងអន្តរជាតិ ទាំងភាសាខ្មែរ និងភាសាអង់គ្លេសរួមមាន ៖
១-ការប្រកួតវិញ្ញាសាគណិតវិទ្យាជាភាសាអង់គ្លេស រៀបចំដោយ Rexpo ទទួលចំណាត់ថ្នាក់លេខ១ និងលេខ២
សម្រាប់រង្វាន់គឺអាហារូបករណ៍១០០% សម្រាប់លេខ១ និង៥០%សម្រាប់ចំណាត់ថ្នាក់លេខ២ ទៅសិក្សានៅសាកលវិទ្យាល័យ UCSI នៃប្រទេសមា៉ឡេសីុ ។
២-ការប្រកួតប្រជែងផ្នែកនិយាយភាសាអង់គ្លេសរៀបចំដោយ Spring Board for Cambodia ទទួលជ័យលាភីលេខ២ សម្រាប់រង្វាន់គឺដំណើរទស្សនកិច្ចសិក្សាទៅប្រទេសសិង្ហបុរី១សប្តាហ៍ ។
៣-ការប្រកួតប្រជែងថតរូបយុវជនស្តីពី «ស្ថានភាពទន្លេមេគង្គ» រៀបចំដោយសហភាពអឺរ៉ុប ទទួលជ័យលាភីចំនួន៤នាក់ពីលេខ១-៤សម្រាប់រង្វាន់គឺទឹកប្រាក់ និងមា៉សីុនថត Canon ។
៤-ការប្រឡងមធ្យមសិក្សាទុតិយភូមិឆ្នាំសិក្សា២០១២-២០១៣ ជាប់១០០% និទ្ទេស A និង B ទូទាំងប្រទេស ។
៥-ការប្រឡងជ្រើសរើសសិស្សពូកែថ្នាក់ទី៥ ចូលរួមក្នុងកម្មវិធីទូរទស្សន៍ CTN ទទួលជ័យលាភីក្នុងចំណោមសិស្សសរុប៣០០នាក់មកពីសាលាផ្សេងៗទៀត ។
លោក ជា ធីឡាយ អគ្គនាយក អិុន ធី សីុ គ្រុប បានមានប្រសាសន៍នាឱកាសនោះថា ចលករយា៉ងសំខាន់ និងប្រកបដោយប្រសិទ្ធភាពដែលជួយឱ្យសេវាកម្មអប់រំរបស់ អិុន ធី សីុ គ្រុប មានការទទួលស្គាល់ និងប្រកបដោយការប្រកួតប្រជែង គឺស្តែងចេញតាមរយៈគុណភាពសិក្សារបស់សិស្ស ។
ជាលទ្ធផល សមិទ្ធផលនាថ្ងៃនេះ គឺជាអំណះអំណាងមួយក្នុងការគូសបញ្ជាក់យា៉ងច្បាស់ថា សេវាកម្មរបស់ អិុន ធី សីុ គ្រុប ដែលមានសាលារៀនសុវណ្ណភូមិ សាលារៀនប្រ៊ីជតុន សាលាញូវតុនធីឡាយ ពិតជាស្ថាប័នអប់រំដែលគិតដល់គុណភាពសិក្សាជាចម្បងយា៉ងពិតប្រាកដ ។ ការវិវត្តដ៏ប្រសើរនេះ គឺជាការចូលរួមចំណែកយា៉ងសកម្មក្នុងវិស័យអប់រំកម្ពុជា ជាពិសេសការអភិវឌ្ឍធនធានមនុស្សប្រកបដោយនិរន្តរភាព ស្របតាមចតុស្តម្ភទាំង៤របស់ក្រសួងអប់រំគឺ៖
១-រៀនដើម្បីចេះដឹង
២-រៀនដើម្បីចំណេះធ្វើ
៣-រៀនដើម្បីមានសីលធម៌ល្អ
៤-រៀនដើម្បីរួមរស់ជាមួយគ្នា ៕
ចែករំលែកព័តមាននេះ