រាជធានីភ្នំពេញ ៖ មន្ត្រីអត្រានុកូលដ្ឋានសាលារាជធានីភ្នំពេញ បានឱ្យកោះសន្តិភាពដឹងតាមរយៈទូរស័ព្ទនៅព្រឹកថ្ងៃទី១២ កុម្ភៈថា នៅរាជធានីភ្នំពេញក្នុងឆ្នាំ២០១៣ កន្លងមកនេះ មានអ្នករៀបអាពាហ៍ពិពាហ៍ចំនួន១១.១៦៩គូ កើត៣១.៣៥១នាក់ និងស្លា.ប់៦.០៨០នាក់ ។
រាជធានីភ្នំពេញ ៖ មន្ត្រីអត្រានុកូលដ្ឋានសាលារាជធានីភ្នំពេញ បានឱ្យកោះសន្តិភាពដឹងតាមរយៈទូរស័ព្ទនៅព្រឹកថ្ងៃទី១២ កុម្ភៈថា នៅរាជធានីភ្នំពេញក្នុងឆ្នាំ២០១៣ កន្លងមកនេះ មានអ្នករៀបអាពាហ៍ពិពាហ៍ចំនួន១១.១៦៩គូ កើត៣១.៣៥១នាក់ និងស្លាប់៦.០៨០នាក់ ។ ចំនួនតួលេខនេះគិតទាំងប្រជាពលរដ្ឋខ្មែរ និងជនបរទេសរស់នៅរាជធានីភ្នំពេញ ដែលអាជ្ញាធរបានចុះបញ្ជីត្រឹមត្រូវ និងផ្ញើមកសាលារាជធានីភ្នំពេញ ។
មន្ត្រីអត្រានុកូលដ្ឋានសាលារាជធានីភ្នំពេញបានឱ្យដឹងទៀតថា ប្រជាពលរដ្ឋដែលបានចុះបញ្ជីអត្រានុកូលដ្ឋានស្នាក់នៅរាជធានីភ្នំពេញ មានចំនួនសរុប២៥៩.៩៩៩គ្រួសារ មានមនុស្ស១.៣៧៥.១៧១នាក់ ។ ក្នុងឆ្នាំ២០១៣ គិតពីថ្ងៃទី១ មករា ដល់៣១ ធ្នូ ប្រជាពលរដ្ឋដែលបានចុះបញ្ជីអត្រានុកូលដ្ឋានមានចំនួន៩៧.៩២១នាក់ ក្នុងនោះមានចុះបញ្ជីកំណើតតាមច្បាប់កំណត់ កូនដែលកើតក្នុងរយៈពេល៣០ថ្ងៃមានចំនួន៣១.៣៥១នាក់ (ស្រី១៥.៤១៥នាក់) និងបញ្ជាក់កំណើតក្រោយ៣០ថ្ងៃមានចំនួន៣៦.៧៤៨នាក់ (ស្រី១៧.៩៨៩នាក់) ។ អ្នករៀបអាពាហ៍ពិពាហ៍ខ្មែរនិងខ្មែរចំនួន១១.១៦៩គូ ខ្មែរនិងជនបរទេសចំនួន៦៥២គូ និងមរណភាពមានចំនួន៦.០៨០នាក់ (ស្រី២.៧៨៦នាក់)។ ចំណែកឯជនបរទេសដែលរស់នៅស្របច្បាប់ក្នុងរាជធានីភ្នំពេញ កើតចំនួន២០នាក់ (ស្រី៧នាក់)។
មន្ត្រីសាលារាជធានីភ្នំពេញដដែលនេះបានបញ្ជាក់ថា នៅរាជធានីភ្នំពេញ កាលពីឆ្នាំ២០១២ កូនដែលកើតក្នុងរយៈពេល៣០ថ្ងៃ ហើយចុះបញ្ជីកំណើតមានចំនួន១៦.៤៧៣នាក់ (ស្រី៧.៩៣៩នាក់) និងបញ្ជាក់កំណើតក្រោយ៣០ថ្ងៃមានចំនួន២២.៩០៨នាក់ (ស្រី១១.១៧២នាក់) ។ អ្នករៀបអាពាហ៍ពិពាហ៍ខ្មែរនិងខ្មែរចំនួន៦.០៩១គូ ខ្មែរនិងជនបរទេសចំនួន២៩២គូ និងមរណភាពចំនួន៣.០៣១នាក់ (ស្រី១.២៨៣នាក់) ។
បើយើងធ្វើការប្រៀបធៀបទៅឆ្នាំ២០១២ និងឆ្នាំ២០១៣ ចំនួនអ្នករៀបអាពាហ៍ពិពាហ៍ កូនដែលទើបតែកើត និងអ្នកស្លាប់កើនឡើងទ្វេដង ៕
ចែករំលែកព័តមាននេះ