ក្រុមប្រឹក្សាសន្តិសុខអ.ស.ប ចាប់ផ្តើមកាលពីថ្ងៃទី១១ កុម្ភៈ ពិនិត្យគម្រោងដំណោះស្រាយដែលទាមទារឱ្យបញ្ជូនជំនួយមនុស្សធម៌មួយទៅកាន់បណ្តាតំបន់ស៊ីរីជាប់ក្នុងការឡោមព័ទ្ធ ដែលគម្រោងដំណោះស្រាយនោះត្រូវបានរុស្ស៊ីចាត់ទុកថា និយាយខុសពីការពិត។
ក្រុមប្រឹក្សាសន្តិសុខអ.ស.ប ចាប់ផ្តើមកាលពីថ្ងៃទី១១ កុម្ភៈ ពិនិត្យគម្រោងដំណោះស្រាយដែលទាមទារឱ្យបញ្ជូនជំនួយមនុស្សធម៌មួយទៅកាន់បណ្តាតំបន់ស៊ីរីជាប់ក្នុងការឡោមព័ទ្ធ ដែលគម្រោងដំណោះស្រាយនោះត្រូវបានរុស្ស៊ីចាត់ទុកថា និយាយខុសពីការពិត។
រៀបចំតាក់តែងដោយប្រទេសអូស្ត្រាលី លុចហ្សំបួរ និងហ្ស៊កដានី គម្រោងដំណោះស្រាយនោះប្រគល់ជូនសមាជិកអចិន្ត្រៃយ៍ក្រុមប្រឹក្សាសន្តិសុខអ.ស.ប កាលពីសប្តាហ៍មុន ។ ការបោះឆ្នោតអនុម័តលើគម្រោងដំណោះស្រាយនេះប្រហែលជាពុំអាចធ្វើមុនសប្តាហ៍ខាងមុខនេះឡើយ ដោយសារការប្រឆាំងរបស់រុស្ស៊ី។
កាលពីថ្ងៃទី១១ កុម្ភៈ លោកស័រហ្គេយឡាវរូ៉វ រដ្ឋមន្ត្រីការបរទេសរុស្ស៊ីបានចាត់ទុកគម្រោងដំណោះស្រាយនោះថា មានន័យខុសពីការពិតជាក់ស្តែង ហើយពុំមានលក្ខណៈស្មើភាពទៀតផង ។ លោកឡាវរ៉ូវ ក្នុងសន្និសីទសារព័ត៌មានមួយថ្លែងថា សំណើបើកច្រកជំនួយមនុស្សធម៌នោះធ្វើមិនដឹងមិនឮចំពោះការខិតខំប្រឹងប្រែងទាំងឡាយ ដើម្បីចែកចាយជំនួយមនុស្សធម៌នៅស៊ីរី ហើយចោទប្រកាន់រដ្ឋាភិបាលស៊ីរីថា ជាអ្នកទទួលខុសត្រូវលើសភាពការណ៍នោះ ខណៈដែលពួកឧទ្ទាមប្រដាប់អាវុធដែលរារាំងការផ្គត់ផ្គង់ជំនួយនោះបែរជារួចខ្លួន ។ លោកឡាវរ៉ូវ ក៏រិះគន់ផងដែរដល់ពួកលោកខាងលិច ដែលធ្វើមិនដឹងមិនឮចំពោះបណ្តាសកម្មភាពរបស់ពួកភេរវករនៅស៊ីរី ហើយបែរជាមករៀបចំដំណោះស្រាយមួយទៀតរបស់ក្រុមប្រឹក្សាសន្តិសុខអ.ស.ប ។
នៅឯសន្និសីទហ្សឺណែវ-២ ស្តីពីស៊ីរី វគ្គទី២ រដ្ឋមន្ត្រីបង្រួបបង្រួមជាតិស៊ីរីលោកអាលីហៃដា វាយតម្លៃកាលពីថ្ងៃទី១១ កុម្ភៈថា ការចរចាដែលកំពុងធ្វើនៅហ្សឺណែវស្តីពីដំណោះស្រាយជម្លោះនឹងត្រូវបរាជ័យ បើស្ថិតក្នុងសភាពដូចពេលបច្ចុប្បន្ន ។ រដ្ឋមន្ត្រីរូបនេះនិយាយថា ពុំមានការទម្លុះលើបញ្ហាតស៊ូប្រឆាំងភេរវកម្ម ឬលើបញ្ហាដំណើរការនយោបាយឡើយ ៕
ចែករំលែកព័តមាននេះ