ក្រសួងបង្រួបបង្រួមកូរ៉េខាងត្បូងរាយការណ៍កាលពីថ្ងៃទី១១ កុម្ភៈថា កូរ៉េខាងត្បូងនិងកូរ៉េខាងជើងរៀបចំធ្វើនាថ្ងៃទី១២ កុម្ភៈ នូវការចរចាកម្រិតខ្ពស់មួយ ។ ក្នុងសន្និសីទសារព័ត៌មានបន្ទាន់មួយ អ្នកនាំពាក្យក្រសួងបង្រួបបង្រួមលោក KIM EUI-DO អះអាងថា ភាគីទាំងពីរបានព្រមព្រៀងធ្វើការចរចាកម្រិតខ្ពស់នាថ្ងៃទី១២ កុម្ភៈ ចាប់ពីម៉ោង១០ព្រឹកម៉ោងក្នុងស្រុកទៅនៅឯផ្ទះសន្តិភាព ស្ថិតនៅ
ក្រសួងបង្រួបបង្រួមកូរ៉េខាងត្បូងរាយការណ៍កាលពីថ្ងៃទី១១ កុម្ភៈថា កូរ៉េខាងត្បូងនិងកូរ៉េខាងជើងរៀបចំធ្វើនាថ្ងៃទី១២ កុម្ភៈ នូវការចរចាកម្រិតខ្ពស់មួយ ។ ក្នុងសន្និសីទសារព័ត៌មានបន្ទាន់មួយ អ្នកនាំពាក្យក្រសួងបង្រួបបង្រួមលោក KIM EUI-DO អះអាងថា ភាគីទាំងពីរបានព្រមព្រៀងធ្វើការចរចាកម្រិតខ្ពស់នាថ្ងៃទី១២ កុម្ភៈ ចាប់ពីម៉ោង១០ព្រឹកម៉ោងក្នុងស្រុកទៅនៅឯផ្ទះសន្តិភាព ស្ថិតនៅផ្នែកកូរ៉េខាងត្បូងនៃភូមិតាមព្រំដែនប៉ានមុនហ្សូម ។
លោក KIM KYOU-HYUN អនុប្រធានទីមួយនៃការិយាល័យសន្តិសុខជាតិ និងជាអតីតអនុរដ្ឋមន្ត្រីទីមួយក្រសួងការបរទេស ជាប្រធានគណៈប្រតិភូកូរ៉េខាងត្បូង ដែលរួមមានមន្ត្រីនៃខុទ្ទកាល័យប្រធានាធិបតី មន្ត្រីក្រសួងបង្រួបបង្រួម និងមន្ត្រីក្រសួងការពារជាតិ ។ខាងគណៈប្រតិភូកូរ៉េខាងជើងវិញ ដឹកនាំដោយលោក WON DONG-YON អនុប្រធាននាយកដ្ឋាននៃរណសិរ្សរួបរួមរបស់បក្សពលករកូរ៉េខាងជើង ។
គណៈប្រតិភូកូរ៉េទាំងពីរនឹងពិភាក្សាគ្នាពីរាល់កិច្ចការអន្តរកូរ៉េ ដោយពុំមានកម្មវិធីពិសេសជាមុនណាមួយឡើយ ។ លោក KIM KYOU-HYUN គូសបញ្ជាក់ថា កម្មវិធីត្រូវរួមបញ្ចូលការបង្កើតឱ្យមានការជួបជុំសាច់ញាតិគ្រួសារព្រាត់គ្នា និងរៀបចំការជួបគ្នានោះ ។ក្រុងសេអ៊ូល និងក្រុងព្យុងយ៉ាងបានព្រមព្រៀងគ្នារៀបចំការជួបជុំសាច់ញាតិគ្រួសារព្រាត់គ្នាដោយសារសង្គ្រាមកូរ៉េរវាងពីថ្ងៃទី២០ ទៅ ២៥ កុម្ភៈ នៅភ្នំ KUMGANG កូរ៉េខាងជើង ៕
ចែករំលែកព័តមាននេះ