យោង​តាម​គេ​ហ​ទំព័រ​​បរទេស​ចេ​ញផ្សាយ​កាល​ពី​ពេល​ ថ្មី​ៗ​នេះ​ បាន​ឱ្យ​ដឹង​ថា​ ​ក្រុម​ហ៊ុន​ Apple គ្រោង​នឹង​​បង្កើន​​ទំហំ​​អេ​ក្រង់​ទូរ​ស័ព្ទ​​ឱ្យ​កាន់​តែ​ធំ​ជាង​មុន​ គឺ​១០​មេ​ហ្គា​ភិច​ស៊ែល​លើ​ផលិត​ផល​​ស៊េរីចុង​ក្រោយ​របស់​ខ្លួន​ គឺ​ iPhone 6 ។ ក្រុម​ហ៊ុន​មួយ​នេះ​ ធ្លាប់​បាន​​ផលិត​កាមេរ៉ា​​ ៨មេហ្គាភិច​ស៊ែល​ ​ចាប់​តាំង​ពី​ឆ្នាំ​២០១១​មក​ម៉្លេះ​ដោយ​រួម​បញ្ចូល​​ទាំង​ផលិត​ផល​​ iPhone 5S និង​​ iPhone 5C ផងដែរ​ ។ ​លើ​ស​ពី​នេះ​ទៀត​ សម្រាប់​​កម្រិត​ពន្លឺ​​របស់​​វា​មាន​រហូត​ដល់​ f/1.8 ​ដែល​មាន​លក្ខណៈ​​ទំនើប​ជាង​ iPhone 5S ដែល​ប្រើ​ប្រាស់​​ f/2.2 ។ ​ទំហំ​​របស់​ aperture កាន់​តែ​តូច​ រូបភាព​​កាន​់​តែ​ច្បាស់​ ដូច​នេះ​មាន​ន័យ​ថា​ ​ទំហំ​របស់​ sensor ងាយ​​ស្រួល​ក្នុង​ការ​ចាប់​​យក​រូបភាព​ភ្លឺ​ច្បាស់​​ត្រជាក់​ភ្នែក​ ។

គេហ​ទំព័រ​​ដដែល​​បន្ត​ទៀត​ថា​ ​ក្រុម​ហ៊ុន​ Apple នឹង​បង្កើន​ lens ដែល​ជា​ភ្នែក​​របស់​កាមេរ៉ា​លើ​ផលិត​ផល​មួយ​​នេះ​ ដោយ​ប្រើ​ប្រាស់​ឧប​​ករ​ណ៍​​បច្ចេក​វិទ្យា​​តម្រង​ពន្លឺ​ធ្វើ​ទ្បើង​​ពី​សារធាតុ​​ម៉្យាងគឺ​ Resin ។ វត្ថុ​​ធាតុ​ដើម​​នេះ​ ​​នាំ​ចូល​​ពី​រោង​ចក្រ​ជប៉ុន​ JSR ។

​ក្រុម​ហ៊ុន​ Apple ​បន្ត​ការ​បង្កើត​​លើ​ទូរស័ព្ទ​​ iPhone 6 ​ដែល​មាន​ទំហំ​​អេ​ក្រង់​​ ៤.៧អីុញ​ និង​ ៥.៧អីុញ ​មិន​ត្រឹម​តែ​ប៉ុណ្ណោះ​ផលិត​ផល​​ស៊េរី​ថ្មី​មួយ​នេះ​ ​​បំពាក់​ដោយ​​បន្ទះ​កញ្ចក់​ ដែល​ធ្វើ​ពី​​ត្បូង​​កណ្តៀង​​ ហើយ​ជា​​ពិសេស​ជាង​នេះ​​ទៅ​ទៀត​នោះ​ គឺ​ការ​សាក​ថ្ម​ក្រោម​​ពន្លឺ​​ព្រះអាទិត្យ​​​ ៕​