ពួកអ្នករត់តាក់ស៊ីបារាំង បានប្រមូលផ្តុំគ្នាធ្វើបាតុកម្មម្តងទៀត កាលពីថ្ងៃទី១០ កុម្ភៈ ប្រឆាំងនឹងការប្រើរថយន្តទេសចរណ៍មានអ្នកបើក (រថយន្តដឹកជញ្ជូនរួម) VTC ដោយពួកគេយល់ថា នោះជាការប្រកួតប្រជែងមិនស្មោះត្រង់ ដែលបាតុកម្មនោះយករថយន្តតាក់ស៊ីទៅតម្រៀបគ្នាជាជួរលើដងផ្លូវនាំឱ្យមានការកកស្ទះចរាចរណ៍យ៉ាងខ្លាំង ពិសេសត្រង់ច្រកចូលក្រុងប៉ារីស ។
ពួកអ្នករត់តាក់ស៊ីបារាំង បានប្រមូលផ្តុំគ្នាធ្វើបាតុកម្មម្តងទៀត កាលពីថ្ងៃទី១០ កុម្ភៈ ប្រឆាំងនឹងការប្រើរថយន្តទេសចរណ៍មានអ្នកបើក (រថយន្តដឹកជញ្ជូនរួម) VTC ដោយពួកគេយល់ថា នោះជាការប្រកួតប្រជែងមិនស្មោះត្រង់ ដែលបាតុកម្មនោះយករថយន្តតាក់ស៊ីទៅតម្រៀបគ្នាជាជួរលើដងផ្លូវនាំឱ្យមានការកកស្ទះចរាចរណ៍យ៉ាងខ្លាំង ពិសេសត្រង់ច្រកចូលក្រុងប៉ារីស ។
លោក Christian Delomel ប្រធានសហជីពអ្នកបើកតាក់ស៊ី បានព្រមានថា ទិវាសកម្មភាពជាតិមួយ ត្រូវបានគ្រោងរួចហើយ ធ្វើនាថ្ងៃទី១៣ មីនា ខាងមុខនេះ តាមការអំពាវនាវរបស់អង្គការតាក់ស៊ី៨ លើកលែងតែមានកិច្ចព្រមព្រៀងមួយមុន ។ តាមទូរទស្សន៍ BFM TV ប្រធានសហជីពរូបនោះ និយាយថាគេពុំចង់លុបបំបាត់ចោលរថយន្ត VTC ឡើយ តែគេចង់ធ្វើការដោយសមស្រប ហើយត្រូវអនុវត្តច្បាប់គ្រប់គ្នា និងដូចៗគ្នា ។
ការធ្វើបាតុកម្មថ្មីនេះរបស់ពួកអ្នករត់តាក់ស៊ី គឺជាលើកទី២ បន្ទាប់ពីបាតុកម្មថ្ងៃទី១៣ មករា មកពីក្រុមប្រឹក្សារដ្ឋផ្អាកក្រិត្យរបស់រដ្ឋាភិបាល ដែលតម្រូវកម្រិតពេលវេលាយ៉ាងតិចបំផុតត្រឹម១៥នាទីសម្រាប់អ្នកជិះរថយន្ត VTC ម្នាក់ មុនពេលទារលុយពីគេ ។ ក្រុមប្រឹក្សារដ្ឋយល់ថា បែបនោះវាធ្វើឱ្យប៉ះពាល់ខ្លាំង និងភ្លាមៗដល់ផលប្រយោជន៍សេដ្ឋកិច្ចរបស់បណ្តាក្រុមហ៊ុន VTC ៕
ចែករំលែកព័តមាននេះ