ទូរទស្សន៍រដ្ឋអុីរ៉ង់បានដកស្រង់សម្តីរដ្ឋមន្ត្រីការពារប្រទេសអុីរ៉ង់ ដែលថ្លែងកាលពីថ្ងៃទី១០ កុម្ភៈថា ប្រទេសអីុរ៉ង់បានបា.ញ់សាកល្បងប្រកបដោយជោគជ័យនូវមីស៊ីលផលិតក្នុងស្រុកថ្មី២ ។ រដ្ឋមន្ត្រីរូបនេះ ឧត្តមសេនីយ៍ HOSSEIN DEHQAN និយាយថា ក្នុងចំណោមមីស៊ីលដែលបា.ញ់សាកល្បងទាំងពីរនោះមានមីស៊ីលបាលីស្ទិកបំបាំងខ្លួនបា.ញ់បានឆ្ងាយមួយ ។
ទូរទស្សន៍រដ្ឋអុីរ៉ង់បានដកស្រង់សម្តីរដ្ឋមន្ត្រីការពារប្រទេសអុីរ៉ង់ ដែលថ្លែងកាលពីថ្ងៃទី១០ កុម្ភៈថា ប្រទេសអីុរ៉ង់បានបាញ់សាកល្បងប្រកបដោយជោគជ័យនូវមីស៊ីលផលិតក្នុងស្រុកថ្មី២ ។ រដ្ឋមន្ត្រីរូបនេះ ឧត្តមសេនីយ៍ HOSSEIN DEHQAN និយាយថា ក្នុងចំណោមមីស៊ីលដែលបាញ់សាកល្បងទាំងពីរនោះមានមីស៊ីលបាលីស្ទិកបំបាំងខ្លួនបាញ់បានឆ្ងាយមួយ ។
លោកបន្តថា ជំនាន់ថ្មីនៃមីស៊ីលបាលីស្ទិកបាញ់ពីដីទៅដីរយៈឆ្ងាយជាមួយក្បាលគ្រាប់អំបែក និងមីស៊ីលបាញ់ពីអាកាសមកដី និងបាញ់ពីដីទៅដីដែលមានឧបករណ៍បញ្ជាឡាស៊ែរហៅ BINA ត្រូវបាញ់សាកល្បងប្រកបដោយជោគជ័យ ។ មីស៊ីលធុន BINA អាចវាយប្រហារត្រង់ចំគោលដៅសំខាន់នានាដូចជា បណ្តាស្ពាន រថក្រោះ និងបណ្តាទីតាំងបញ្ជាការរបស់ពួកសត្រូវ។
ប្រទេសអុីរ៉ង់មានរួចហើយនូវបណ្តាមីស៊ីលបាញ់ពីដីទៅដីរយៈឆ្ងាយ (ប្រមាណជា២.០០០គីឡូម៉ែត្រ) ធុន SHAHAB ដែលអាចបាញ់ដល់ប្រទេសអុីស្រាអែល និងមូលដ្ឋានយោធាអាមេរិកទាំងឡាយនៅមជ្ឈឹមបូព៌ា ។ បុ៉ន្តែពួកអ្នកជំនាញការខាងគ្រឿងសព្វាវុធសង្ស័យថា អុីរ៉ង់អាចបំផ្លើសពីសមត្ថភាពយោធារបស់ខ្លួន ។ ប្រធានាធិបតីអុីរ៉ង់ លោកហាសាន់ រ៉ូហានី បានបញ្ជូនសារអបអរសាទរមួយ ។ លោកមានប្រសាសន៍ថា កុលបុត្រអុីរ៉ង់ទទួលបានជោគជ័យក្នុងការបាញ់សាកល្បងមីស៊ីលជំនាន់ថ្មីមួយ។
ប្រទេសអុីរ៉ង់បានចុះហត្ថលេខាកាលពីខែវិច្ឆិកា កន្លងមកនេះលើកិច្ចព្រមព្រៀងបណ្តោះអាសន្នមួយជាមួយប្រទេសមហាអំណាច៦ ហៅក្រុម P5+1 ដែលក្នុងកិច្ចព្រមព្រៀងនោះអុីរ៉ង់សន្យាផ្អាកសកម្មភាពនុយក្លេអ៊ែរមួយចំនួនជាថ្នូរនឹងការសម្រាលទណ្ឌកម្មអន្តរជាតិប្រឆាំងខ្លួន ។
អុីរ៉ង់ និងក្រុម P5+1 (សហរដ្ឋអាមេរិក រុស្ស៊ី ចិន បារាំង អង់គ្លេស និងអាល្លឺម៉ង់) ត្រូវចាប់ផ្តើមនាថ្ងៃទី១៨ កុម្ភៈ ក្នុងទីក្រុងវីយែន នូវការចរចាស្តីពីកិច្ចព្រមព្រៀងស្ថាពរមួយដើម្បីដោះស្រាយបញ្ហាកម្មវិធីនុយក្លេអ៊ែរដ៏ចម្រូងចម្រាស់របស់អុីរ៉ង់ ។ ដំណើរការនៃការកែលម្អទំនាក់ទំនងជាមួយពួកលោកខាងលិចនេះដែលចាប់ផ្តើមតាំងពីលោកហាសាន់ រូ៉ហានី ជាប់ឆ្នោតប្រធានាធិបតីពីខែមិថុនា មករងការរិះគន់យ៉ាងខ្លាំងពីពួកអភិរក្សនិយមអីុរ៉ង់ ។
ប្រមុខអ្នកចរចាអាមេរិកជាមួយអីុរ៉ង់ លោក WENDY SHERMAN ជាអនុរដ្ឋមន្ត្រីការបរទេស១រូបថ្លែងកាលពីសប្តាហ៍មុនពេលធ្វើសវនកម្មមួយក្នុងព្រឹទ្ធសភាអាមេរិកថា បញ្ហាកម្មវិធីមីស៊ីលបាលីស្ទិករបស់អុីរ៉ង់នឹងត្រូវពិភាក្សាគ្នាក្នុងក្របខណ្ឌនៃកិច្ចព្រមព្រៀងជាសាកលមួយស្តីពីនុយក្លេអ៊ែរអុីរ៉ង់ ។ ចំណែកប្រមុខអ្នកចរចាអុីរ៉ង់លោក ABBAS ARAQCHI វិញបានបដិសេធលទ្ធភាពនេះ ។
អនុរដ្ឋមន្ត្រីការបរទេសអុីរ៉ង់រូបនេះថ្លែងកាលពីថ្ងៃទី៩ កុម្ភៈ តាមទូរទស្សន៍រដ្ឋថា បណ្តាបញ្ហាដែលទាក់ទិនដល់កិច្ចការពាររបស់សាធារណរដ្ឋអ៊ិស្លាម អុីរ៉ង់នឹងពុំអាចចរចា ឬអាចធ្វើការសម្របសម្រួលនោះទេ ។ បែបនោះជាការដើរហួសពីខ្សែបន្ទាត់ក្រហមរបស់យើងក្នុងរាល់ការចរចា ។ យើងនឹងមិនលើកពីប្រធានបទណាមួយក្រៅពីសំណុំរឿងនុយក្លេអ៊ែរក្នុងការចរចាឡើយ៕
ចែករំលែកព័តមាននេះ