រដ្ឋមន្ដ្រីការពារប្រទេសកូរ៉េខាងត្បូងលោក KIM KWAN-JIN អះអាងកាលពីថ្ងៃទី១០ កុម្ភៈ ក្នុងឱកាសនៃសម័យប្រជុំសភាសួរដេញដោលពីសកម្មភាពរបស់រដ្ឋាភិបាលថា ទីតាំងសាកល្បងនុយក្លេអ៊ែរ PUNGGYE-RI នៅភាគឦសានប្រទេសកូរ៉េខាងជើងកំពុងត្រៀមសម្រាប់ការសាកល្បងនុយក្លេអ៊ែរថ្មីមួយ ទោះបីពុំទាន់មានសញ្ញាណាមួយនៃការសាកល្បងក្នុងពេលឆាប់ៗត្រូវបានកត់សម្គាល់
រដ្ឋមន្ដ្រីការពារប្រទេសកូរ៉េខាងត្បូងលោក KIM KWAN-JIN អះអាងកាលពីថ្ងៃទី១០ កុម្ភៈ ក្នុងឱកាសនៃសម័យប្រជុំសភាសួរដេញដោលពីសកម្មភាពរបស់រដ្ឋាភិបាលថា ទីតាំងសាកល្បងនុយក្លេអ៊ែរ PUNGGYE-RI នៅភាគឦសានប្រទេសកូរ៉េខាងជើងកំពុងត្រៀមសម្រាប់ការសាកល្បងនុយក្លេអ៊ែរថ្មីមួយ ទោះបីពុំទាន់មានសញ្ញាណាមួយនៃការសាកល្បងក្នុងពេលឆាប់ៗត្រូវបានកត់សម្គាល់ឃើញក្ដី ។
ឆ្លើយតបសំណួររបស់លោក WON YOO-CHUL សមាជិកសភាមួយរូបលោក KIM KWAN-JIN បានរៀបរាប់ដូចខាងលើរួចលោកក៏ផ្ដល់ភាពលម្អិតផងដែរលើការរៀបចំសម្រាប់ការបាញ់បង្ហោះមីស៊ីលបាញ់បានឆ្ងាយរបស់កូរ៉េខាងជើងដោយពន្យល់ថា យើងបានកំណត់ឃើញដំណើរការជាមូលដ្ឋាននៃការរៀបចំនៅទីតាំងបាញ់បង្ហោះមីស៊ីល TONGCH-ANG-RI ។
រដ្ឋមន្ដ្រីរូបនេះបន្ដថា អ្វីៗអាចដំណើរការតាមការសម្រេចរបស់ក្រុមមេដឹកនាំកូរ៉េខាងជើង។ ការបាញ់សាកល្បងមីស៊ីលបាញ់បានឆ្ងាយ និងការសាកល្បងនុយក្លេអ៊ែរមានការជាប់ទាក់ទិនជាមួយគ្នា ដូចដែលគេកត់សម្គាល់ឃើញកាលពីពេលកន្លងមក ។ យើងខិតខំតាមដានយ៉ាងប្រកិតហើយចាត់វិធានការនានាទុកជាមុន ៕
ចែករំលែកព័តមាននេះ