រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា រថយន្តស្តារិចមួយគ្រឿង អ្នកបើកបរ និងអ្នករួមដំណើរម្នាក់ទៀតជាជនជាតិចិន កំពុងធ្វើចរាចរណ៍លើដងផ្លូវ ដោយយកប្លាស្ទិចបិទរុំស្កុត ស្លាកលេខជិតទាំងមុខក្រោយ មិនដឹងថា…
រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា រថយន្តស្តារិចមួយគ្រឿង អ្នកបើកបរ និងអ្នករួមដំណើរម្នាក់ទៀតជាជនជាតិចិន កំពុងធ្វើចរាចរណ៍លើដងផ្លូវ ដោយយកប្លាស្ទិចបិទរុំស្កុត ស្លាកលេខជិតទាំងមុខក្រោយ មិនដឹងថា មានបំណងអ្វី ឬពាក់ព័ន្ធនឹងបទល្មើសអ្វីនោះទេ
តែត្រូវកម្លាំងល្បាតរបស់អធិការដ្ឋាននគរបាលខណ្ឌពោធិ៍សែនជ័យ ប្រទះជួបតាមផ្លូវសង្ស័យក៏ឃាត់នាំទាំងរថយន្ត ទាំងជនជាតិចិន២នាក់ បង្កឱ្យមានការភ្ញាក់ផ្អើលកាលពីម៉ោង៨និង៥០នាទីយប់ ថ្ងៃទី០២ ខែសីហា ឆ្នាំ២០១៩ នៅលើផ្លូវសហព័ន្ធរុស្សី ភ្លើងស្តុប មុខព្រលានយន្តហោះ ស្ថិតក្នុងភូមិក្បាលរំរី២ សង្កាត់កាកាប២ ខណ្ឌពោធិ៍សែនជ័យ ។
សេចក្តីរាយការណ៍បន្តថា រថយន្តដែលសមត្ថកិច្ចឃាត់ខាងលើនោះ ម៉ាកស្តារិច HVX ពណ៌ទឹកប្រាក់ បិទស្លាកលេខ ជិតទាំងមុខ ទាំងក្រោយ មិនដឹងថា មានមូលហេតុអ្វី ឬជាប់ពាក់ព័ន្ធនឹងបទល្មើសអ្វីដែរ ដោយអ្នកបើកបរ និងរួមដំណើរជាបុរសជនជាតិចិនមានវ័យជាង២០ឆ្នាំ បើកបរលើដងផ្លូវសហព័ន្ធរុស្សីពីលិចទៅកើត។
ប្រភពដដែលបន្តថា ស្របពេលដែលកម្លាំងល្បាតរបស់អធិការដ្ឋាននគរបាលពោធិ៍សែនជ័យ ដឹកនាំផ្ទាល់ដោយលោកវរសេនីយ៍ឯក យឹម សារ៉ាន់ អធិការខណ្ឌ បានប្រទះឃើញ ហើយសង្ស័យក៏ឃាត់នាំរថយន្តមានស្លាកលេខមិនប្រក្រតី រួចនាំទាំងជនជាតិចិន២នាក់ ទៅសាកសួរនៅផ្នែកជំនាញហើយ ។ (កែសម្រួលដោយ ៖ បុប្ផា)
ចែករំលែកព័តមាននេះ