រាជធានីភ្នំពេញ ៖ នៅទីបញ្ជាការដ្ឋានកងរាជអាវុធហត្ថរាជធានីភ្នំពេញ នារសៀលថ្ងៃទី១០ កុម្ភៈ ២០១៤ មានធ្វើសន្និសីទសារព័ត៌មានបង្ហាញមុខក្រុមជនសង្ស័យប្លន់ប្រដាប់អាវុធ ១ក្រុម ចំនួន ៨នាក់ ដែលសមត្ថកិច្ចអាវុធហត្ថសហការជាមួយនគរបាល ទើបនឹងបង្រ្កាបបាន។
រាជធានីភ្នំពេញ ៖ នៅទីបញ្ជាការដ្ឋានកងរាជអាវុធហត្ថរាជធានីភ្នំពេញ នារសៀលថ្ងៃទី១០ កុម្ភៈ ២០១៤ មានធ្វើសន្និសីទសារព័ត៌មានបង្ហាញមុខក្រុមជនសង្ស័យប្លន់ប្រដាប់អាវុធ ១ក្រុម ចំនួន ៨នាក់ ដែលសមត្ថកិច្ចអាវុធហត្ថសហការជាមួយនគរបាល ទើបនឹងបង្រ្កាបបាន។
ពិធីសន្និសីទនេះ រៀបចំឡើងដោយ លោកវរសេនីយ៍ឯក ពូ ដាវី មេបញ្ជាការរង និងជាប្រធានមន្ទីរព័ត៌មាន និងសន្តិសុខកងរាជអាវុធហត្ថរាជធានីភ្នំពេញ លោកវរសេនីយ៍ឯក ខេន សុវណ្ណ មេបញ្ជាការរង លោកវរសេនីយ៍ទោ ផាន់ ដារាវុធ អនុប្រធានមន្ទីរ កងរាជអាវុធហត្ថរាជធានីភ្នំពេញ ព្រមទាំង លោកវរសេនីយ៍ត្រី ជឹម ឬទ្ធី មេបញ្ជាការកងរាជអាវុធហត្ថខណ្ឌពោធិ៍សែនជ័យ។
ជនសង្ស័យ ១. ឈ្មោះ មូល និត ភេទប្រុស អាយុ ២៦ឆ្នាំ ស្នាក់នៅផ្ទះជួលម្តុំរោងចក្រកាណាឌីយា សង្កាត់ចោមចៅ ខណ្ឌពោធិ៍សែនជ័យ ២. ឈ្មោះ ទុយ ម៉េងទី ភេទប្រុស អាយុ ២៧ឆ្នាំ ស្នាក់នៅផ្ទះគ្មានលេខ ផ្លូវបេតុង ភូមិដំបូកខ្ពស់ សង្កាត់បឹងទំពុន ខណ្ឌមានជ័យ ៣. ឈ្មោះ ឡោ សៀកហៃ ភេទស្រី អាយុ ២៦ឆ្នាំ នៅភូមិចំការចេក ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ ៤. ឈ្មោះ ហេង យុរី ភេទស្រី អាយុ ១៩ឆ្នាំ ស្នាក់នៅផ្ទះជួលភូមិព្រៃព្រីងខាងត្បូង សង្កាត់ចោមចៅ ខណ្ឌពោធិ៍សែនជ័យ។
៥. ឈ្មោះ អឿន ម៉ាប់ ភេទប្រុស អាយុ ១៧ឆ្នាំ ស្នាក់នៅផ្ទះជួលក្រោយផ្សារឯករាជ្យ ភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ ៦. ឈ្មោះ បាន សំណាង ភេទប្រុស អាយុ ១៧ឆ្នាំ ស្នាក់នៅផ្ទះជួលផ្លូវវ៉េងស្រេង សង្កាត់ចោមចៅ ខណ្ឌពោធិ៍សែនជ័យ ៧. ឈ្មោះ ឈឹម បូរ៉ា ហៅ រ័ត្ន ភេទប្រុស អាយុ ២៦ឆ្នាំ ស្នាក់នៅផ្ទះជួលផ្លូវវ៉េងស្រេង សង្កាត់ចោមចៅ ខណ្ឌពោធិ៍សែនជយ័ និង ៨. ឈ្មោះ ចាន់ ប្រុស ភេទប្រុស អាយុ ២៨ឆ្នាំ ស្នាក់នៅភូមិត្រពាំងវែង ឃុំឆក់ឈើនាង ស្រុកអង្គស្នួល ខេត្តកណ្តាល។
វត្ថុតាងដកហូត រួមមាន ១. ម៉ូតូ ៣គ្រឿង រថយន្ត ១២កៅអី ១គ្រឿង ពាក់ស្លាកលេខកែច្នៃ អាវុធខ្លីម៉ាកកា៥៤. ២ដើម ឧបករណ៍ ១ចំនួនទៀត ដែលជាមធ្យោបាយធ្វើសកម្មភាព និងឯកសារផ្សេងៗ របស់ជនរងគ្រោះ។
លោកវរសេនីយ៍ឯក ពូ ដាវី បានថ្លែងថា តាមចម្លើយជនសង្ស័យ ពួកគេធ្លាប់ធ្វើសកម្មភាពចំនួន ១៩លើក មានបាញ់ជនរងគ្រោះបណ្តាលឲ្យស្លាប់ និងរងរបួស ប្លន់ម៉ូតូបានសម្រេចជាច្រើនលើក។ ជាក់ស្តែង កាលពីវេលាម៉ោង ២យប់ រំលងអាធ្រាតឈានចូលថ្ងៃទី០៨ កុម្ភៈ ក្រុមនេះ បានធ្វើសកម្មភាពប្លន់បាញ់ត្រូវកំប៉េះគូទជនរងគ្រោះឈ្មោះ ខា សុឃីម ភេទប្រុស អាយុ ២៥ឆ្នាំ មុខរបរជាមេការសំណង់ នៅចំណុចផ្លូវវ៉េងស្រេង សង្កាត់ចោមចៅ ខណ្ឌពោធិ៍សែនជ័យ។
លោក ពូ ដាវី បន្តថា ក្រោយពីចប់ពិធីសន្និសីទកាសែត ជនសង្ស័យទាំង ៨នាក់ ត្រូវកសាងសំណុំរឿងបញ្ជួនទៅកាន់សាលាដំបូងរាជធានីភ្នំពេញ តាមនីតិវិធី៕
ចែករំលែកព័តមាននេះ