រាជធានីភ្នំពេញ ៖ ឃាតករ ដែលសម្លាប់ស្ត្រីម្នាក់នៅក្នុងបន្ទប់ទឹក នៃសណ្ឋាគារ ណាហ្គា១ កាលពីឆ្នាំ២០២៣ ត្រូវបានកម្លាំងនាយកដ្ឋាននគរបាលព្រហ្មទណ្ឌ ស្រាវជ្រាវបង្ក្រាបបានហើយ នៅថ្ងៃទី២៨…
រាជធានីភ្នំពេញ ៖ ឃាតករ ដែលសម្លាប់ស្ត្រីម្នាក់នៅក្នុងបន្ទប់ទឹក នៃសណ្ឋាគារ ណាហ្គា១ កាលពីឆ្នាំ២០២៣ ត្រូវបានកម្លាំងនាយកដ្ឋាននគរបាលព្រហ្មទណ្ឌ ស្រាវជ្រាវបង្ក្រាបបានហើយ នៅថ្ងៃទី២៨ ខែសីហា ឆ្នាំ២០២៥នេះ នៅចំណុចភូមិព្រែកស៉ឹង សង្កាត់សំពៅពួន ក្រុងសំពៅពូន ខេត្តកណ្ដាល ។
ឃាតកររូបនោះ ឈ្មោះ សេង ពៅ ភេទប្រុស អាយុ២៥ឆ្នាំ ជនជាតិខ្មែរ អាសយដ្ឋានបន្ទប់ជួល ផ្លូវលេខ១៩៧៤ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ត្រូវបានឃាត់ខ្លួន ពីបទ «ឃាតកម្ម និងលួចមានស្ថានទម្ងន់ទោស ដោយសារការប្រព្រឹត្តិអំពើហិង្សា» ។
បើតាមនាយកដ្ឋានព្រហ្មទណ្ឌ នៃក្រសួងមហាផ្ទៃ បានឲ្យដឹងថា ដោយអនុវត្តតាមបទរបស់ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងលោកឧត្តមសេនីយ៍ឯក ង៉េង ជួ ប្រធាននាយកដ្ឋាននគរបាលព្រហ្មទណ្ឌ នៅថ្ងៃទី២៨ ខែសីហា ឆ្នាំ២០២៥នេះ លោកឧត្តមសេនីយ៍ត្រី ខេង ម៉េងឈាង អនុប្រធាននាយកដ្ឋាន បានដឹកនាំកម្លាំងជំនាញ សហការជាមួយស្នងការដ្ឋាននគរបាលខេត្តកណ្ដាល ចាប់ខ្លួនជនដៃដល់ម្នាក់ ពាក់ព័ន្ធករណីឃាតកម្មសម្លាប់ស្ដ្រីម្នាក់ នៅបន្ទប់ទឹក នៃសណ្ឋាគារណាហ្គា១ កាលពីឆ្នាំ២០២៣ ។
បើតាមនគរបាល បានអោយដឹងទៀតថា ការចាប់ខ្លួនឃាតកររូបនោះ ធ្វើឡើងដោយអនុវត្តតាមដីកាបង្គាប់ឲ្យចាប់ខ្លួន-ឃុំខ្លួន លេខ១២០២ (ឆ.១)ដ.ច.ន/២៤ ចុះថ្ងៃទី១ ខែសីហា ឆ្នាំ២០២៤ របស់លោក ហម ម៉េងសែ ប្រធានក្រុមប្រឹក្សាជំនុំជម្រះ នៃសាលាដំបូងរាជធានីភ្នំពេញ លើឈ្មោះ សេង ពៅ ភេទប្រុស អាយុ២៥ឆ្នាំ ជនជាតិខ្មែរ អាសយដ្ឋានបន្ទប់ជួល ផ្លូវលេខ១៩៧៤ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ពីបទ «ឃាតកម្ម និងលួចមានស្ថានទម្ងន់ទោសដោយសារការប្រព្រឹត្តិអំពើហិង្សា» ។
បច្ចុប្បន្ន ឃាតកររូបនោះ ត្រូវបានបញ្ជូនមកកាន់នាយកដ្ឋាននគរបាលព្រហ្មទណ្ឌ ក្រសួងមហាផ្ទៃ ដើម្បីចាត់ការបន្ដតាមនីតិវិធី ៕
ចែករំលែកព័តមាននេះ