មនុស្សយ៉ាងតិច១១នាក់ ក្នុងនោះមានសមាជិកសភាម្នាក់ផងបានត្រូវស្លា.ប់ក្នុងអំពើហិ.ង្សាថ្មីៗនៅអាហ្វ្រិកកណ្ដាល ចំណែកការប្លន់នៅតែមានទ្រង់ទ្រាយធំក្នុងរដ្ឋធានីបានហ្គី ។
នារសៀលថ្ងៃទី៩ កុម្ភៈ សមាជិកសភាបណ្ដោះអាសន្នអាហ្វ្រិកកណ្ដាលម្នាក់លោកស្រីJEAN-EMMANULE NDJAROUA បានត្រូវ
មនុស្សយ៉ាងតិច១១នាក់ ក្នុងនោះមានសមាជិកសភាម្នាក់ផងបានត្រូវស្លាប់ក្នុងអំពើហិង្សាថ្មីៗនៅអាហ្វ្រិកកណ្ដាល ចំណែកការប្លន់នៅតែមានទ្រង់ទ្រាយធំក្នុងរដ្ឋធានីបានហ្គី ។
នារសៀលថ្ងៃទី៩ កុម្ភៈ សមាជិកសភាបណ្ដោះអាសន្នអាហ្វ្រិកកណ្ដាលម្នាក់លោកស្រីJEAN-EMMANULE NDJAROUA បានត្រូវគេសម្លាប់ក្នុងខណ្ឌទី៤នៃរដ្ឋធានី ។ មុននេះសមាជិកសភារូបនោះឡើងថ្លែងនៅមុខក្រុមប្រឹក្សាជាតិបណ្ដោះអាសន្ន CNT ជាសភាបណ្ដោះអាសន្នដោយក្នុងពេលថ្លែងនោះ លោកស្រីបានប្រកាសពីការប្រឆាំងចំពោះអំពើហិង្សាដែលអ្នករងគ្រោះជាច្រើននាក់ជាមនុស្សរស់នៅក្នុងតំបន់លោកស្រីដែលកាលពីមុនគេហៅតំបន់ពួកអ៊ិស្លាម ។
កាលពីយប់ថ្ងៃទី៨ កុម្ភៈ នៅច្រកចូលសាលាខណ្ឌលេខ៥ កណ្ដាលក្រុងបានហ្គី មនុស្ស៥នាក់បានត្រូវស្លាប់ដែលគេពុំដឹងពីមូលហេតុច្បាស់លាស់ បន្ទាប់មកមនុស្ស៣នាក់ទៀតស្លាប់ក្នុងការប៉ះទង្គិចគ្នារវាងពួកគ្រឹស្ដ និងពួកអ៊ិស្លាមរួចមនុស្សម្នាក់ទៀតត្រូវបាញ់ស្លាប់ដោយកងទាហាននៃកងកម្លាំងសហភាពអាហ្រ្វិក MISCA ។ យោងតាមប្រជាជនថា ក្រោយការស្លាប់មនុស្ស៥នាក់ កាលពីយប់ថ្ងៃទី៨ កុម្ភៈ នារីគ្រឹស្ដម្នាក់ត្រូវសម្លាប់ដោយបុរសអ៊ិស្លាមម្នាក់ ។ ឃាតករត្រូវចាប់ខ្លួនហើយសម្លាប់ចោល រួចសពរបស់គេត្រូវគេដុតនៅមុខសាលាខណ្ឌ ៕
ចែករំលែកព័តមាននេះ