កីឡាករបារាំង Gael Monfils បានក្លាយជាអ្នកលើកពានព្រឹត្តិការណ៍វាយកូនបាល់ Open Sud de France ប្រចាំឆ្នាំ២០១៤ ក្រោយពីបានយកឈ្នះកីឡាករមិត្តរួមជាតិរបស់ខ្លួននៅវគ្គផ្តាច់ព្រ័ត្រកាលពីថ្ងៃអាទិត្យ ទី៩ ខែកុម្ភៈ ។
Monfils ដែលជាម្ចាស់ពាននេះកាលឆ្នាំ២០១០ បានបំបាក់កីឡាករ Richard Gasquetក្នុងលទ្ធផល២សិតទល់នឹង
កីឡាករបារាំង Gael Monfils បានក្លាយជាអ្នកលើកពានព្រឹត្តិការណ៍វាយកូនបាល់ Open Sud de France ប្រចាំឆ្នាំ២០១៤ ក្រោយពីបានយកឈ្នះកីឡាករមិត្តរួមជាតិរបស់ខ្លួននៅវគ្គផ្តាច់ព្រ័ត្រកាលពីថ្ងៃអាទិត្យ ទី៩ ខែកុម្ភៈ ។
Monfils ដែលជាម្ចាស់ពាននេះកាលឆ្នាំ២០១០ បានបំបាក់កីឡាករ Richard Gasquetក្នុងលទ្ធផល២សិតទល់នឹងសូន្យ គឺ ៦-៤និង៦-៤។ នេះគឺជាពានសមាគម ATP Tour លើកទី៥ក្នុងអាជីពរបស់គេហើយ ។ ដោយឡែកសម្រាប់រដូវកាលនេះគឺជាពានលើកទី១ ។ កីឡាករបារាំងរូបនេះបានបើករដូវកាលថ្មីរបស់ខ្លួននៅប្រទេសកាតា ។ នៅក្នុងកម្មវិធី Qatar Open ខែមករាកន្លងទៅ គេដណ្តើមបានត្រឹមចំណាត់ថ្នាក់លេខ២ ប៉ុណ្ណោះបន្ទាប់ពីចាញ់ក្រោមដៃកីឡាករអេស្ប៉ាញរ៉ាហ្វាអែល ណាដាល់ ។ កាលឆ្នាំ២០១២ Monfils បានធ្លាក់ទៅលំដាប់ទី១១៩លើតារាងចំណាត់ថ្នាក់ពិភពលោក ក្រោយពីរូបគេអាក់ខានការប្រកួតអស់ជាច្រើនកម្មវិធីដោយសារតែរបួសក្បាលជង្គង់ស្តាំ ។ យ៉ាងណាក៏ដោយ ជ័យជម្នះលើកនេះពិតជាធ្វើឱ្យគេសប្បាយចិត្តជាខ្លាំង ហើយថា វាជាការស្តារមុខមាត់ថ្មីមួយ ។ គេបានបញ្ជាក់ថា ៖«ចាប់ផ្តើមសប្តាហ៍ថ្មីភ្លាម ខ្ញុំមានបញ្ហាជាច្រើន ហើយខ្ញុំក៏មិននឹកស្មានថា ខ្លួនអាចមកចូលរួមការប្រកួតនេះ និងឈ្នះពានជើងឯកដូច្នេះទេ ។ ខ្ញុំបានកែប្រែបច្ចេកទេសលេងជាប់ជាហូរហែពីមួយប្រកួតទៅមួយប្រកួត ហើយខ្ញុំមានមោទនភាពយ៉ាងខ្លាំងចំពោះជ័យជម្នះលើកនេះ»។
សូមបញ្ជាក់ថា Monfils ធ្លាប់ជួប Gasquetចំនួន១០លើករួចមកហើយដោយក្នុងនោះឈ្នះ៦និងចាញ់៤ ។ សម្រាប់ Gasquet ការប្រកួតលើកនេះគឺគេបានធ្វើឱ្យមានកំហុសច្រើន ។ ប៉ុន្តែគេបានទទួលស្គាល់ថា ដៃគូខ្លួនពិតជាលេងបានល្អ ។ គេបាននិយាយថា ៖«ខ្ញុំសូមអបអរសាទរចំពោះកីឡាករ Monfils ។ ពេញមួយសប្តាហ៍នេះ ការប្រកួតរបស់គេពិតជាបានល្អខ្លាំងណាស់ ។ ខ្ញុំមិនយល់ពីបច្ចេកទេសវាយសឺវីសរបស់គេនោះទេ»៕
ចែករំលែកព័តមាននេះ