Niki Terpstra បានបើករដូវកាលប្រណាំងឆ្នាំថ្មីរបស់ខ្លួនជាមួយនឹងជ័យជម្នះក្នុងដំណាក់បើកឆាកកម្មវិធី Tour of Qatar ឆ្នាំ២០១៤ ដែលបានរៀបចំធ្វើកាលពីថ្ងៃអាទិត្យ ទី៩ ខែកុម្ភៈ ។ ការប្រណាំងក្នុងដំណាក់នេះត្រូវបានបញ្ចប់នៅឆ្នេរខ្សាច់ទីក្រុង Dukhan Beach ប្រទេសកាតា ។
Niki Terpstra បានបើករដូវកាលប្រណាំងឆ្នាំថ្មីរបស់ខ្លួនជាមួយនឹងជ័យជម្នះក្នុងដំណាក់បើកឆាកកម្មវិធី Tour of Qatar ឆ្នាំ២០១៤ ដែលបានរៀបចំធ្វើកាលពីថ្ងៃអាទិត្យ ទី៩ ខែកុម្ភៈ ។ ការប្រណាំងក្នុងដំណាក់នេះត្រូវបានបញ្ចប់នៅឆ្នេរខ្សាច់ទីក្រុង Dukhan Beach ប្រទេសកាតា ។
Terpstra ដែលជាអ្នកជិះកង់ឱ្យក្រុម Omega Pharma -Quick-Step Cycling Team បានយកឈ្នះដំណាក់ដែលមានចម្ងាយផ្លូវ១៣៥,៥គីឡូម៉ែត្រចេញដំណើរពីទីក្រុង Al Wakra ឆ្ពោះទៅកាន់ឆ្នេរខ្សាច់ Dukhan Beachប្រទេសកាតា ដោយប្រើអស់ថិរវេលា៣ម៉ោង១៣នាទីនិង៤២វិនាទី យកឈ្នះកីឡាករជើងខ្លាំងរបស់បែលហ្ស៊ិក Jurgen Roelandts ជិះឱ្យក្រុម Lotto Belisol ដែលបានប្រើថិរវេលាច្រើនជាង ១វិនាទីស្មើជាមួយកីឡាករស្វ៊ីស Michael Schär ជិះឱ្យក្រុម BMC Racing Team ។
ថ្លែងបន្ទាប់ពីទទួលបានជ័យជម្នះកីឡាករNiki Terpstra បានបញ្ជាក់ដោយក្តីរីករាយថា៖ «ខ្ញុំមានជំនឿចិត្តថា ខ្លួនឯងនៅតែអាចចូលរួមប្រកួតប្រជែងជាមួយបណ្តាកីឡាករខ្លាំងៗបាន ។ ឆ្នាំទៅមិញនៅពេលនេះ ខ្ញុំកំពុងតែសម្រាកព្យាបាលរបួសជើងឆ្វេង ។ របួសនោះបានធ្វើឱ្យខ្ញុំខាតពេលអស់ជាច្រើនខែ ។ បន្ទាប់ពីនោះមក ខ្ញុំក៏បានរងគ្រោះម្តងទៀតដោយបាក់ឆ្អឹងដៃ។ ប៉ុន្តែក្នុងពេលនេះ អ្វីទាំងអស់នោះមិនកើតមានលើខ្លួនខ្ញុំទៀតទេ ។ ទីបំផុតខ្ញុំបានរួចចាកផុតពីរបួសអស់ហើយ»។
កីឡាករវ័យ២៩ឆ្នាំរូបនេះបានថ្លែងទៀតថា ខ្លួនពិតជាមានការភ្ញាក់ផ្អើលខ្លាំងដែលដណ្តើមបានជ័យជម្នះក្នុងថ្ងៃអាទិត្យ ហើយថា ជ័យជម្នះលើកនេះពិតជាមានន័យចំពោះរូបគេ ។
សូមបញ្ជាក់ថា ការប្រណាំងកម្មវិធី Tour of Qatar ឆ្នាំ២០១៤ នេះចែកចេញជា៦ដំណាក់ និងមានចម្ងាយផ្លូវសរុប៧១៤,៤គីឡូម៉ែត្រ ។ ដោយឡែកដំណាក់ទី២ ដែលជាដំណាក់បន្តមានចម្ងាយផ្លូវ១៦០,៥គីឡូម៉ែត្រចេញដំណើរពីទីក្រុង Camel Race Track ឆ្ពោះទៅកាន់ទីក្រុងAl Khor Corniche ប្រទេសកាតា ៕
ចែករំលែកព័តមាននេះ