ប្រធានាធិបតីអាល្លឺម៉ង់លោក JOACHIM GAUCK បានមកដល់ទីក្រុងរ៉ង់ហ្គូន កាលពីថ្ងៃទី៩ កុម្ភៈ សម្រាប់ទស្សនកិច្ចផ្លូវការលើកដំបូងរបស់លោកនៅប្រទេសមីយ៉ាន់ម៉ា (ភូមា) សំដៅពង្រឹងទំនាក់ទំនងទ្វេភាគី ។
លោក GAUCH ត្រូវជួបពិភាក្សាជាមួយប្រធានាធិបតីភូមាលោកថេនសេន អំពីទំនាក់ទំនងទ្វេភាគី និងពីកិច្ចសហ
ប្រធានាធិបតីអាល្លឺម៉ង់លោក JOACHIM GAUCK បានមកដល់ទីក្រុងរ៉ង់ហ្គូន កាលពីថ្ងៃទី៩ កុម្ភៈ សម្រាប់ទស្សនកិច្ចផ្លូវការលើកដំបូងរបស់លោកនៅប្រទេសមីយ៉ាន់ម៉ា (ភូមា) សំដៅពង្រឹងទំនាក់ទំនងទ្វេភាគី ។
លោក GAUCH ត្រូវជួបពិភាក្សាជាមួយប្រធានាធិបតីភូមាលោកថេនសេន អំពីទំនាក់ទំនងទ្វេភាគី និងពីកិច្ចសហប្រតិបត្តិការ ។ ពេលស្នាក់អាស្រ័យនៅភូមា ប្រធានាធិបតីអាល្លឺម៉ង់នឹងចូលរួមក្នុងពិធីបើកសម្ពោធវិទ្យាស្ថាន GOETHE ដំបូងគេនៅមីយ៉ាន់ម៉ា ហើយនឹងថ្លែងសុន្ទរកថាមួយនៅឯសាកលវិទ្យាល័យក្រុងរ៉ង់ហ្គូន ។ លោកក៏នឹងចូលរួមផងដែរក្នុងវេទិកាដំបូងមួយស្តីពីពាណិជ្ជកម្មរវាងភូមា និងអាល្លឺម៉ង់ ។
កិច្ចសហប្រត្តិបត្តិការសេដ្ឋកិច្ច និងវប្បធម៌រវាងប្រទេសទាំងពីរត្រូវបានលើកទឹកចិត្តកាលពីឆ្នាំ២០១៣ តាមរយៈទស្សនកិច្ចនៅមីយ៉ាន់ម៉ារបស់រដ្ឋមន្ត្រីការបរទេសអាល្លឺម៉ង់លោក GUIDO WESTERWELLES កាលពីឆ្នាំ២០១២ ។ កាលពីឆ្នាំ២០១៣ សភាពាណិជ្ជកម្ម និងឧស្សាហកម្មអាល្លឺម៉ង់បានចុះហត្ថលេខាលើកិច្ចព្រមព្រៀងមួយជាមួយសភាពាណិជ្ជកម្ម និងឧស្សាហកម្មភូមា ដើម្បីបើកការិយាល័យតំណាងរបស់ខ្លួននៅក្រុងរ៉ង់ហ្គូន ។ កិច្ចព្រមព្រៀងនោះអាចឱ្យបណ្តាសហគ្រាសអាល្លឺម៉ង់ចូលមករកស៊ីនៅភូមាចាប់ដៃគូជាមួយបណ្តាសហគ្រាសក្នុងស្រុក ។
យោងតាមតួលេខផ្លូវការថា ទំហំពាណិជ្ជកម្មទ្វេភាគីរវាងប្រទេសទាំងពីរឡើងដល់១៨៧,៥៣លានដុល្លារក្នុងឆ្នាំសារពើពន្ធ២០១២-២០១៣ ។ ការនាំចូលពីភូមារបស់អាល្លឺម៉ង់ឡើងដល់៤២,៩៨លានដុល្លារ ហើយទំហំនៃការនាំចេញរបស់អាល្លឺម៉ង់មកកាន់ភូមាវិញឡើងដល់១៤៤,៥៥លានដុល្លារ ៕
ចែករំលែកព័តមាននេះ