នាង Cheyenne Woods បាននាំមុខព្រឹត្តិការណ៍ប្រកួតវាយកូនគោល Women’s Australian Open នៅក្រុង Melbourne ប្រទេសអូស្ត្រាលី បន្ទាប់ពីធ្វើបានពិន្ទុ២អាន់ឌ័រប៉ា ៧១បន្ថែមទៀតក្នុងជុំទី៣ កាលពីថ្ងៃសៅរ៍ ទី៨ កុម្ភៈកន្លងមកនេះ ។
នាង Cheyenne Woods បាននាំមុខព្រឹត្តិការណ៍ប្រកួតវាយកូនគោល Women’s Australian Open នៅក្រុង Melbourne ប្រទេសអូស្ត្រាលី បន្ទាប់ពីធ្វើបានពិន្ទុ២អាន់ឌ័រប៉ា ៧១បន្ថែមទៀតក្នុងជុំទី៣ កាលពីថ្ងៃសៅរ៍ ទី៨ កុម្ភៈកន្លងមកនេះ ។
Cheyenne ជាក្មួយស្រីវ័យ២៣ឆ្នាំរបស់កីឡាករជើងខ្លាំងថៃហ្គ័រ វូដ ឆ្លងកាត់៣ជុំប្រកួតធ្វើបានលទ្ធផលសរុប១២អាន់ឌ័រ ២០៧ ។
ថ្លែងបន្ទាប់ពីទទួលបានជ័យជម្នះ កីឡាការិនីរបស់អាមេរិករូបនេះបានបញ្ជាក់ថា៖«ជ័យជម្នះលើកនេះមានន័យខ្លាំងណាស់។ ខ្ញុំមានមោទនភាពជាខ្លាំងចំពោះលទ្ធផលនេះ ។ ការប្រកួតនៅថ្ងៃស្អែក ខ្ញុំនឹងធ្វើឱ្យបានល្អដូចជាថ្ងៃនេះ ។ វាជាស្នាដៃធំធេងមួយដែលដណ្តើមបានជ័យជម្នះបែបនេះ ។ និយាយជារួមសប្តាហ៍នេះ ការប្រកួតរបស់ខ្ញុំពិតជាបានល្អខ្លាំងណាស់»។ Cheyenne Woods ចូលប្រកួតក្នុងកម្មវិធីរបស់សមាគម LPGA Tour ជាលើកដំបូងនៅឆ្នាំ២០០៩ ក្នុងកម្មវិធីឈ្មោះ Wegmans LPGA ប៉ុន្តែនាងមិនទទួលបានជោគជ័យនោះទេ ។ ទោះជាយ៉ាងណា នៅខែមេសាឆ្នាំ ២០១១ ក្នុងនាមជាកីឡាការិនីដែលទទួលបានការអនុគ្រោះពិសេស នាងបានយកឈ្នះជើងឯកកម្មវិធី Atlantic Coast Conference ។ នៅឆ្នាំ២០១២ នាងទទួលបានជោគជ័យដ៏ធំលើកទី១ ក្នុងអាជីពរបស់ខ្លួនក្រោយពីយកឈ្នះពាន LPGA Championship ។
នាង Stacey Lee Bregman មកពីអាហ្វ្រិកខាងត្បូងដែលដណ្តើមបានចំណាត់ថ្នាក់លេខ១ស្ទួនជាមួយនាង Cheyenne កាលពីជុំទី១ ធ្វើបានពិន្ទុ៧២ស្ថិតនៅចំណាត់ថ្នាក់លេខ២ នាំមុខ១ស្ត្រូកលើកីឡាការិនីវ័យ១៧របស់អូស្ត្រាលី Minjee Lee ដែលធ្វើបានពិន្ទុ៦៩ ៕
ចែករំលែកព័តមាននេះ