រដ្ឋបាលព្រែកជីកប៉ាណាម៉ារាយការណ៍កាលពីថ្ងៃទី៨ កុម្ភៈថា នាវាកូរ៉េខាងជើង១គ្រឿងដែលប៉ាណាម៉ាឃាត់ទុកចាប់តាំងពីពាក់កណ្តាលឆ្នាំ២០១៣ មក ក្រោយចាប់ជាមួយអាវុធទាំងឡាយដឹកមកពីគុយបា ដែលពុំចុះក្នុងសេចក្តីប្រកាសត្រូវបានដោះលែងវិញហើយ ក្រោយពីបង់ប្រាក់ពិន័យប្រមាណជា៧០០.០០០ដុល្លារមក ។
រដ្ឋបាលព្រែកជីកប៉ាណាម៉ារាយការណ៍កាលពីថ្ងៃទី៨ កុម្ភៈថា នាវាកូរ៉េខាងជើង១គ្រឿងដែលប៉ាណាម៉ាឃាត់ទុកចាប់តាំងពីពាក់កណ្តាលឆ្នាំ២០១៣ មក ក្រោយចាប់ជាមួយអាវុធទាំងឡាយដឹកមកពីគុយបា ដែលពុំចុះក្នុងសេចក្តីប្រកាសត្រូវបានដោះលែងវិញហើយ ក្រោយពីបង់ប្រាក់ពិន័យប្រមាណជា៧០០.០០០ដុល្លារមក ។
លោក JORGE QUIJANO អភិបាលព្រែកជីកប៉ាណាម៉ាថ្លែងថា កូរ៉េខាងជើងទើបបង់នាពេលថ្មីៗនេះនូវប្រាក់ពិន័យសរុបចំនួន៦៩៣.៣៣៣ដុល្លារ ហើយក្រោយពីបំពេញកាតព្វកិច្ចនោះរួចហើយនាវានេះមានសេរីភាពចាកចេញទៅបាន ។
កាលពីថ្ងៃទី១០ កក្កដា ឆ្នាំ២០១៣ នាវាឈ្មោះ CHONG CHON GANG មកពីគុយបា ត្រូវឃាត់ឆែកពេលចូលដល់ក្នុងព្រែកជីកប៉ាណាម៉ា ហើយរកឃើញកុងតឺន័រ២៥ ដឹកលើនាវានោះមានផ្ទុកសម្ភារយោធាលាក់ក្រោមបាវស្ករសជាច្រើនតោន ។ សមាជិកក្រុមនាវិក៣៥នាក់នៃនាវាត្រូវឃុំខ្លួន ។ ពេលនោះក្រុងឡាហាវ៉ាន និងក្រុងព្យុងយ៉ាងអះអាងថាវាជាអាវុធការពារដែលលែងប្រើ ផលិតតាំងពីពាក់កណ្តាលសតវត្សមុន ហើយដែលត្រូវយកទៅជួសជុលនៅកូរ៉េខាងជើង បន្ទាប់មកបញ្ជូនមកគុយបាវិញប៉ុណ្ណោះ ។ ក៏ប៉ុន្តែយោងតាមអាជ្ញាធរប៉ាណាម៉ាថា នោះជាគ្រឿងអាវុធសម្រាប់បណ្តាយន្តហោះប្រយុទ្ធធុន MIG-21 ជើងទម្របាញ់មីស៊ីល និងបណ្តារថយន្តយោធា។
នាវានេះវិលត្រឡប់ឆ្ពោះទៅកាន់ប្រទេសគុយបាវិញ ។ តុលាការប៉ាណាម៉ាគូសបញ្ជាក់ថា បាវស្ករសចំនួន២០០.០០០បាវស្ថិតនៅលើនាវានោះនឹងត្រូវដាក់លក់ដោយដេញថ្លៃ តែពុំទាន់មានព័ត៌មានលម្អិតពីបញ្ហាអាវុធដែលដឹករួមជាមួយស្ករសទាំងនេះឡើយ ៕
ចែករំលែកព័តមាននេះ