ខេត្តកណ្តាល ៖ បុរសម្នាក់ស្រវឹងធ្លាក់ភ្នែកអាងខ្លួនជាកូនឧត្តមសេនីយ៍បានបើករថយន្តមួយគ្រឿងម៉ាកហាយឡិនឌ័រ ពាក់ស្លាកលេខភ្នំពេញ២Y៥៥៤៥ បុកម៉ូតូនិស្សិតស្រី២នាក់បណ្តាលឱ្យដួលរងរបួសស្រាល ហើយបើកគេច ពេលនគរបាលឃាត់ឱ្យឈប់បានជេរប្រមាថ និងក្របួចក.អាវនគរបាលទៀត។
ខេត្តកណ្តាល ៖ បុរសម្នាក់ស្រវឹងធ្លាក់ភ្នែកអាងខ្លួនជាកូនឧត្តមសេនីយ៍បានបើករថយន្តមួយគ្រឿងម៉ាកហាយឡិនឌ័រ ពាក់ស្លាកលេខភ្នំពេញ២Y៥៥៤៥ បុកម៉ូតូនិស្សិតស្រី២នាក់បណ្តាលឱ្យដួលរងរបួសស្រាល ហើយបើកគេច ពេលនគរបាលឃាត់ឱ្យឈប់បានជេរប្រមាថ និងក្របួចក.អាវនគរបាលទៀត។
ហេតុការណ៍នេះបានកើតឡើងកាលពីវេលាម៉ោង៥ល្ងាច ថ្ងៃទី៨ កុម្ភៈ នៅលើផ្លូវជាតិលេខ២១B ចំណុចមុខវត្តកណ្តាល ស្ថិតក្នុងឃុំទឹកវិល ស្រុកស្អាង ។ មន្ត្រីនគរបាលបានឱ្យដឹងថា បន្ទាប់ពីឈ្លោះប្រកែកគ្នាមួយប្រាវហើយ នគរបាលបានព្យាយាមហៅបុរសរូបនោះមកដោះស្រាយគ្នានៅប៉ុស្តិ៍ ពេលមកដល់គេបានបញ្ចេញចរិតមើលងាយ និងជេរប្រមាថនគរបាលដោយអាងខ្លួនជាកូនឧត្តមសេនីយ៍។ ដោយសារតែនិយាយស្តាប់គ្នាមិនបាននគរបាលប៉ុស្តិ៍ក៏បញ្ជូនបន្តទៅដោះស្រាយនៅអធិការដ្ឋាននគរបាលស្រុកស្អាង។
មន្ត្រីនគរបាលស្រុកស្អាងបានឱ្យដឹងថា អ្នកបើករថយន្តរូបនេះមិនបានប្រាប់ឈ្មោះរបស់គេទេ ។ នគរបាលបានវាស់ជាតិអាល់កុលលើបុរសទំនើងរូបនេះឃើញថាមានជាតិអាល់កុលកម្រិត៤០ បើតាមច្បាប់គឺអាចឃុំខ្លួនបាន ប៉ុន្តែដោយសារមានការអន្តរាគមន៍ពីឪពុកចូលមកដោះស្រាយសម្របសម្រួលជាមួយជនរងគ្រោះ និងសុំទោសមន្ត្រីនគរបាលដែលត្រូវកូនទំនើងជេរប្រមាថ ទើបនគរបាលដោះលែងវិញដើម្បីបញ្ចប់រឿង។
ចែករំលែកព័តមាននេះ