យោងតាមប្រភពព័ត៌មាន ស៊ី អិន អិន ចេញផ្សាយ កាលពីថ្ងៃអាទិត្យ ទី៩ កុម្ភៈ ឆ្នាំ២០១៤ បានឱ្យដឹងថា លោកស៊ែប បា្លធ័រ ប្រធានសហព័ន្ធបាល់ទាត់អន្តរជាតិ FIFA ចង់បន្តតំណែងធ្វើជាប្រធានអាណត្តិទី៥ជាថ្មីទៀត បើទោះជាលោកធ្លាប់សន្យាលាឈប់ពីតំណែងត្រឹមឆ្នាំ២០១៥ក៏ដោយ ។
យោងតាមប្រភពព័ត៌មាន ស៊ី អិន អិន ចេញផ្សាយ កាលពីថ្ងៃអាទិត្យ ទី៩ កុម្ភៈ ឆ្នាំ២០១៤ បានឱ្យដឹងថា លោកស៊ែប បា្លធ័រ ប្រធានសហព័ន្ធបាល់ទាត់អន្តរជាតិ FIFA ចង់បន្តតំណែងធ្វើជាប្រធានអាណត្តិទី៥ជាថ្មីទៀត បើទោះជាលោកធ្លាប់សន្យាលាឈប់ពីតំណែងត្រឹមឆ្នាំ២០១៥ក៏ដោយ ។
នៅក្នុងកិច្ចសំភាសន៍ជាមួយវិទ្យុស្វ៊ីស កាលពីថ្ងៃសុក្រ ទី៧ កុម្ភៈ លោកស៊ែប ប្លាធ័រ បាននិយាយថា៖ «ប្រសិនបើសុខភាពរបស់ខ្ញុំនៅល្អដូចបច្ចុប្បន្ននេះ ខ្ញុំគួរតែបន្តធ្វើការងារតទៅទៀត» ។ លោកបានបន្តទៀតថា ប្រសិនបើមនុស្សភាគច្រើននៅតែពេញចិត្តយើង យើងមិនត្រូវនិយាយថា «ទេ» នោះទេ ហើយម្យ៉ាងវិញទៀតសហព័ន្ធបាល់ទាត់អន្តរជាតិ FIFA កំពុងត្រូវការកម្លាំងរួបរួមគ្នា ដើម្បីលើកស្ទួយវិស័យបាល់ទាត់ឱ្យកាន់តែប្រសើរឡើង ។
គួររំលឹកថា លោក ស៊ែប ប្លាធ័រ បានចូលបម្រើការជាមួយស្ថាប័ន FIFA អស់រយៈពេល៣៩ ឆ្នាំកន្លងមកហើយ ចាប់តាំងពីឆ្នាំ១៩៧៥ ក្នុងឋានៈជានាយកបច្ចេកទេស ។ សម្រាប់តំណែងប្រធាន FIFA វិញគឺមានរយៈពេល៤អាណត្តិ គិតចាប់ពីឆ្នាំ១៩៩៨ ហើយសម្រាប់អាណត្តិទី៥នេះ លោកនៅតែបង្ហាញសុឆន្ទៈចង់ឈរឈ្មោះបោះឆ្នោតធ្វើជាប្រធានបន្តទៀត ៕
ចែករំលែកព័តមាននេះ