បុត្រីពៅរបស់ព្រះមហាក្សត្រអេស្ប៉ាញ ហ្សង់កាឡូស ម្ចាស់ក្សត្រី INFANTE CRISTINA DE BOURBON កាលពីថ្ងៃទី៨ កុម្ភៈ បានបដិសេធពីការជាប់ទាក់ទិនរបស់ព្រះនាងក្នុងរឿងអាស្រូវពុករលួយ ហៅរឿង NOOS ក្នុងឱកាសដែលចៅក្រមហៅសួរនៅឯតុលាការ PALMA DE MAJORQUE ទីប្រជុំជននៃប្រជុំកោះ BALEARES ។
បុត្រីពៅរបស់ព្រះមហាក្សត្រអេស្ប៉ាញ ហ្សង់កាឡូស ម្ចាស់ក្សត្រី INFANTE CRISTINA DE BOURBON កាលពីថ្ងៃទី៨ កុម្ភៈ បានបដិសេធពីការជាប់ទាក់ទិនរបស់ព្រះនាងក្នុងរឿងអាស្រូវពុករលួយ ហៅរឿង NOOS ក្នុងឱកាសដែលចៅក្រមហៅសួរនៅឯតុលាការ PALMA DE MAJORQUE ទីប្រជុំជននៃប្រជុំកោះ BALEARES ។
ម្ចាស់ក្សត្រី INFANTE CRISTINA ត្រូវឃាត់ខ្លួនកាលពីថ្ងៃទី៧ មករា កន្លងមកនេះ ជាលើកទី២ ដោយសារជាប់សង្ស័យពីបទក្លែងបន្លំពន្ធ និងលាងលុយកខ្វក់ក្នុងការគ្រប់គ្រងមូលនិធិបានមកពីកិច្ចការជំនួញរបស់ស្វាមីព្រះនាង លោក INAKI URDANGARIN ដែលក៏ត្រូវឃាត់ខ្លួនដែរ ដោយចៅក្រមលោក JOSE CASTRO ។
យោងតាមសារព័ត៌មានក្នុងស្រុកថា ម្ចាស់ក្សត្រី INFANTE CRISTINA បានមកកាន់តុលាការនាវេលាម៉ោង៩ និង៤៥នាទី ម៉ោងក្នុងស្រុក ដើម្បីឆ្លើយការចោទសួររយៈពេលដល់ទៅជាង៦ម៉ោង របស់លោក CASTRO តែព្រះនាងបានបដិសេធថា ពុំដឹងពីកិច្ចការជំនួញរបស់លោក URDANGARIS ឡើយ តែព្រះនាងថា មានការជឿទុកចិត្តលើស្វាមី រួចព្រះនាងចុះហត្ថលេខាលើរាល់អ្វីដែលស្វាមីស្នើឱ្យចុះ ។
វិទ្យាស្ថាន NOOS ដំបូងបង្កើតឡើងដោយលោក URDANGARIN និងដៃគូ លោក DIEGO TORRES ជាអង្គការពុំរកកម្រៃមួយរួមជាមួយម្ចាស់ក្សត្រី INFANTE CRISTINA ដែលជាសមាជិកគណៈនាយក ។ វិទ្យាស្ថាន NOOS ទទួលការចោទប្រកាន់ថា ពង្វាងយកប្រាក់ជាង៦លានអឺរ៉ូ នៃប្រាក់សាធារណៈ ៕
ចែករំលែកព័តមាននេះ