ខេត្តកំពត៖ ផ្ទះមួយខ្នងបានត្រូវអគ្គិភ័យឆាបឆេះបំផ្លាញទំាងស្រុង កាលពីម៉ោង៦និង៣០នាទីល្ងាចថ្ងៃទី០៨ កុម្ភៈ ២០១៤ នៅចំណុចភូមិតាអង់ សង្កាត់ត្រើយស្លា ក្រុងកំពត ដោយសារទំនាស់ក្នុងគ្រួសារប្តីប្រចណ្ឌប្រពន្ឋដុតចោល ។
បើតាមអ្នកឆ្លើយឆ្លងព័ត៌មានកោះសន្តិភាពបានបញ្ជាក់ឲ្យដឹងថា បុរសជាប្តីឈ្មោះ កែវ រ័ត្ន អាយុ២៩ឆ្នាំ ជាកម្មករចុះទូកនេសាទ មានទីលំនៅក្នុងភូមិ-សង្កាត់ខាងលើ ។ ចំណែកប្រពន្ឋឈ្មោះ ណុប
ខេត្តកំពត៖ ផ្ទះមួយខ្នងបានត្រូវអគ្គិភ័យឆាបឆេះបំផ្លាញទំាងស្រុង កាលពីម៉ោង៦និង៣០នាទីល្ងាចថ្ងៃទី០៨ កុម្ភៈ ២០១៤ នៅចំណុចភូមិតាអង់ សង្កាត់ត្រើយស្លា ក្រុងកំពត ដោយសារទំនាស់ក្នុងគ្រួសារប្តីប្រចណ្ឌប្រពន្ឋដុតចោល ។
បើតាមអ្នកឆ្លើយឆ្លងព័ត៌មានកោះសន្តិភាពបានបញ្ជាក់ឲ្យដឹងថា បុរសជាប្តីឈ្មោះ កែវ រ័ត្ន អាយុ២៩ឆ្នាំ ជាកម្មករចុះទូកនេសាទ មានទីលំនៅក្នុងភូមិ-សង្កាត់ខាងលើ ។ ចំណែកប្រពន្ឋឈ្មោះ ណុប សុខរីណា អាយុ២៥ឆ្នាំ ធ្វើការផ្នែកចាក់ឌីស នៅហាងខាងខារ៉ាអូខេយីហោ ណាយស្តា អ្នកទំាងពីរមានកូន២នាក់ ។ សេចក្តីរាយការណ៏បានស្រង់សម្តីម្តាយក្មេកជនបង្កឲ្យដឹងថា ដើមចមទំនាស់ប្តី ប្រពន្ឋនេះ គឺកើតចេញពីការប្រចណ្ឌរបស់ប្តី ។
ផ្ទះដែលឆេះទំាងស្រុងនេះមានទំហំ ៥ម៉ែត្រ គុណ ៤ម៉ែត្រ ជញ្ជាំងស្លឹក ដំបូលប្រក់ស័ង្កសី មានកម្ពស់ពីដីជាង១ម៉ែត្រ ជាផ្ទះនៅដាច់ពីគេប្រមាណ១០០ម៉ែត្រ ។ សេចក្តីរាយការណ៏បានបន្តថា ហេតុការណ៏នេះដែរ បណ្តាលឲ្យឆេះម៉ូតូប្រើអាគុយផលិតនៅប្រទេសចិនឆ្នាំ២០១៣ ចំនួន១គ្រឿង និងកង់២គ្រឿង ព្រមទំាងសម្ភារ សម្លៀកបំពាក់ ហើយថាពីរនាក់ប្តីប្រពន្ឋ ព្រមទំាងម្តាយក្មេកនៅសល់តែខោអាវជាប់នឹងខ្លួនម្នាក់ៗមួយសម្រាប់តែប៉ុណ្ណោះ។
ប្រភពបន្ថែមថា ក្នុងហេតុការណ៏អគ្គិភ័យនេះផងដែរ រថយន្តពន្លត់អគ្គិភ័យនៃស្នងការដ្ឋាននគរបាលខេត្តកំពត បានចេញអន្តរាគមន៏ ប៉ុន្តែយឺតពេលដោយសារអំណាចភ្លើងបានលេបត្របាក់ផ្ទះនេះបានត់ទៅហើយ ។ ពេលនេះសមត្ថកិច្ចកំពុងឃុំខ្លួនបុរសជាប្តី នៅស្នងការដ្ឋាននគរបាលខេត្ត ៕
ចែករំលែកព័តមាននេះ