រាជធានីភ្នំពេញ ៖ រថយន្ដយោធាចំនួន២៧គ្រឿង និងសម្ភារយោធាជាង២០កុងតឺន័រ ដែលជាជំនួយរបស់សាធារណរដ្ឋប្រជាមានិតចិន ត្រូវបានប្រគល់ដល់ក្រសួងការពារជាតិ កម្ពុជា ។ ពិធីប្រគល់ទទួលសម្ភារយោធាទាំងនោះបានធ្វើឡើងកាលពីព្រឹកថ្ងៃទី៧ កុម្ភៈ នៅបញ្ជាការដ្ឋានកងពលដឹកជញ្ជូនលេខ៩៩ ក្រោមអធិបតីភាពរដ្ឋលេខាធិការក្រសួងការពារជាតិ លោកនាយឧត្ដមសេនីយ៍ ម៉ឹង
រាជធានីភ្នំពេញ ៖ រថយន្ដយោធាចំនួន២៧គ្រឿង និងសម្ភារយោធាជាង២០កុងតឺន័រ ដែលជាជំនួយរបស់សាធារណរដ្ឋប្រជាមានិតចិន ត្រូវបានប្រគល់ដល់ក្រសួងការពារជាតិ កម្ពុជា ។ ពិធីប្រគល់ទទួលសម្ភារយោធាទាំងនោះបានធ្វើឡើងកាលពីព្រឹកថ្ងៃទី៧ កុម្ភៈ នៅបញ្ជាការដ្ឋានកងពលដឹកជញ្ជូនលេខ៩៩ ក្រោមអធិបតីភាពរដ្ឋលេខាធិការក្រសួងការពារជាតិ លោកនាយឧត្ដមសេនីយ៍ ម៉ឹង សំផន និងឯកអគ្គរដ្ឋទូតនៃសាធារណរដ្ឋប្រជាមានិតចិន ប្រចាំនៅកម្ពុជា លោកជំទាវ Bu Janguo ដោយមានការចូលរួមពីនាយទាហាន នាយទាហានរង និងពលទាហានជាច្រើនរូបទៀត ។
សម្ភារទាំងនោះមាន រថយន្ដទំនើប រថយន្ដដឹកជញ្ជូនកងទ័ព រថយន្ដដឹកដី រថយន្ដពេទ្យ រថយន្ដផលិតទឹកបរិសុទ្ធចល័ត និងសម្ភារដូចជា ម៉ាស៊ីនភ្លើង មួកការពារគ្រាប់ អាវក្រោះ ស្បែកជើង ខ្សែក្រវាត់ ប៊ីដុងទឹក កាមែលដាក់បាយ កាំបិត និងសម្ភារមួយចំនួនទៀតសរុបជាង១៧០តោន ។ ឯកអគ្គរដ្ឋទូតនៃសាធារណរដ្ឋប្រជាមានិតចិនប្រចាំនៅកម្ពុជា លោកជំទាវ Bu Janguo បានថ្លែងថា អំណោយទាំងនេះជាជំនួយឥតសំណងរបស់កងទ័ពរំដោះប្រជាជនចិន ដល់កងយោធពលខេមរភូមិន្ទ ដើម្បីជាការរឹតចំណងមិត្ដភាពរវាងកងទ័ពទាំង២ ។ លោកជំទាវបានបន្ដថា រថយន្ដនិងសម្ភារទាំងនេះគឺថ្មី និងទំនើប ដែលកងទ័ពចិនកំពុងប្រើសព្វថ្ងៃ និងខ្លះទៀតទំនើបដែលប្រទេសចិនមិនទាន់បានប្រើនៅឡើយ ។
លោកនាយឧត្ដមសេនីយ៍ ម៉ឹង សំផន បានថ្លែងថា ជំនួយទាំងនេះមិនមែនជាលើកទី១ទេ ដែលសាធារណរដ្ឋប្រជាមានិតចិនបានផ្ដល់ឱ្យកម្ពុជា ។ លោករដ្ឋលេខាធិការបានហៅជំនួយទាំងនោះថា មានភាពចាំបាច់សម្រាប់កងយោធពលខេមរភូមិន្ទ ដោយសារតែកម្ពុជានៅមានភាពខ្វះខាតនៅឡើយ ដើម្បីបំពេញរាល់សេចក្ដីត្រូវការរបស់កងឯកភាពនានា ក្នុងការបំពេញការងាររបស់ខ្លួនតាមអង្គភាព៕
ចែករំលែកព័តមាននេះ