រាជធានីភ្នំពេញ ៖ បុរសម្នាក់បើករថយន្តកុងតឺន័រមិនបានប្រយ័ត្នក៏ជ្រុលទៅកៀរចំរថយន្តឡិចស៊ីស RX-300 បណ្តាលអោយរងការខូចខាតក្រពឹតអស់មួយចំហៀង ហេតុការណ៍នេះបានកើតឡើងកាលពីវេលាម៉ោង8និង30នាទីយប់ថ្ងៃទី31 ខែកក្កដា ឆ្នាំ2019 តាមបណ្តោយផ្លូវ ម៉ុង រិទ្ធី នៅចំណុចរង្វង់មូលកាំកូស៊ីធី ស្ថិតនៅក្នុងសង្កាត់ទួលសង្កែ២ ខណ្ឌឬស្សីកែវ ។
សាក្សីដែលឃើញហេតុការណ៍បានអោយដឹងថា មុនពេលកើតហេតុគេបានឃើញបុរសម្នាក់វ័យចំណាស់មិនស្គាល់អត្តសញ្ញាណនោះទេ បើករថយន្តមួយគ្រឿងម៉ាកឡិចស៊ីស RX-300 ពណ៌ស្ករ ពាក់ផ្លាកលេខ ភ្នំពេញ 2G-7323 ដឹកប្រពន្ធ និងកូនស្រីម្នាក់ធ្វើដំណើរតាមបណ្តោយផ្លូវ ម៉ុង រិទ្ធី ក្នុងទិសដៅពីត្បូងទៅជើង ខណៈ ដែលកើតហេតុខាងលើនេះគោលបំណងឈប់ហើយដល់ពេលភ្លើងខៀវអោយរថយន្តនៅពីមុខទៅអោយផុត ។
ស្រាប់តែមានរថយន្តកុងតឺន័រមួយគ្រឿង ពណ៌ស ពាក់ផ្លាកលេខ 0070ភព៤ បើកបរស្របទិសដៅគ្នាតាមបណ្តោយផ្លូវ ម៉ុង រិទ្ធី រថយន្តកុងតឺទ័រនឺបើកមិនបានប្រយ័ត្នក៏ជ្រុលទៅកៀររថយន្តឡិចស៊ីស RX-300 បណ្តាលអោយរងការខូចខាតក្រពឹតទ្វារក្រោយផ្នែកខាងឆ្វេង និងបាក់កញ្ចក់មុខផ្នែកជំហៀងខាងឆ្វេងរីឯរថយន្តកុងតឺន័រវិញខូចខាតតិចតួច ។
ក្នុងហេតុការណ៍ថ្នាក់ចរាចរណ៍ខាងលើនេះបង្កអោយស្ទុះចរាចរណ៍យ៉ាងខ្លាំងអស់រយៈពេលជិតកន្លះម៉ោងបានសមត្ថកិច្ចជួយសម្រប់សម្រួលអោយគូសវាសហើយបាញ់ថ្នាំចូលអែបគៀនដើម្បីចរចាគ្នា ។ ក្រោយពេលកើតហេតុខាងលើនេះខាងរថយន្តកុងតឺន័រយប់ព្រមធានាជួសជុលទៅអោយខាងរថយន្តឡិចស៊ីស RX-30 0ដើម្បីបញ្ចប់រឿងនៅនឹងកន្លែងកើតហេតុ ៕
កែសម្រួលដោយ ៖ សំណាង
ចែករំលែកព័តមាននេះ