ADផ្ទាំងផ្សព្វផ្សាយពាណិជ្ជកម្ម

បុរសម្នាក់ប្រុងលោតធ្វើអត្តឃាតពីលើផ្ទះកម្ពស់9ម៉ែត្រ ប៉ូលិសធាក់ទម្លាក់ទៅលើពូកដើម្បីសង្គ្រោះរងការរិះគន់

11 ឆ្នាំ មុន

០៧ ខែ កុម្ភៈ ឆ្នាំ ២០១៤ ម៉ោង ០៣:២៣

សារព័ត៌មានបរទេសកាលពីថ្ងៃទី៦ កុម្ភៈ ឆ្នាំ២០១៤ ផ្សាយថា ក្រុមជួយសង្គ្រោះអារ៉ាប៊ីសាអូឌីត បានរងការរិះគន់យ៉ាងខ្លាំង ក្រោយពីធាក់បុរសប្រុងលោតធ្វើអត្តឃាតឱ្យធ្លាក់ទៅលើពូក ដែលទ្រាប់នៅពីក្រោម ។ ការធាក់ទម្លាក់នោះ ដើម្បីជួយសង្គ្រោះជីវិតជនប៉ងធ្វើអត្តឃាត បែរជារងការរិះគន់ទៅវិញ ប៉ុន្តែទន្ទឹមនឹងនេះ ក៏មានការសរសើរក្រុមអ្នកជួយសង្គ្រោះពីអ្នកឃើញហេតុការណ៍ដែរ ។

របាយការណ៍បញ្ជាក់ បុរសម្នាក់នោះឈរនៅលើមាត់បង្អួចកម្ពស់៩ម៉ែត្រ ប្រុងលោតសម្លាប់ខ្លួន ខណៈសមត្ថកិច្ចព្យាយាមលួងលោម និងដាក់ពូកក្រាលនៅខាងក្រោមត្រៀមការពារ ។ ស្របពេលនោះ បូ៉លិសបានលួចចូលទៅពីក្រោយ និងធាក់បុរសរូបនោះ ឱ្យធ្លាក់ទៅលើពូក ដោយមិនប៉ះពាល់ដល់អាយុជីវិតទេ ប៉ុន្តែគ្មានរបាយការណ៍បញ្ជាក់ថា តើរងរបួស ឬអត់ទេ ?

ក្រុមជួយសង្គ្រោះនៅក្នុងប្រទេសមួយចំនួន ប្រើវិធីសាស្ត្រស្រដៀងគ្នានោះដែរ ដើម្បីជួយពលរដ្ឋដែលគិតខ្លីចង់ធ្វើអត្តឃាត ដូចជានៅ ចិន ក្រុមជួយសង្គ្រោះបានលោតធាក់បុរស ដែលបីកុមារម្នាក់នៅមាត់បង្អួចចង់ធ្វើឃាត
ដើម្បីសង្គ្រោះកុមារនោះ ៕

ADផ្ទាំងផ្សព្វផ្សាយពាណិជ្ជកម្ម

អត្តបទផ្សេងៗទៀត