ខេត្តស្ទឹងត្រែង ៖ កាលពីព្រឹកថ្ងៃទី៦ កុម្ភៈ ២០១៤ លោកវង សូត រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា និងលោកជំទាវ បានអញ្ជើញជាអធិបតីភាពក្នុងពិធីសម្ពោធអគារទីបញ្ជាការវរសេនាតូចស៊ើបការណ៍ យោធភូមិភាគទី១ ស្ថិតនៅភូមិរាជានុគោល សង្កាត់ស្ទឹងត្រែង ក្រុងស្ទឹងត្រែង ខេត្តស្ទឹងត្រែង ដែលជាអំណោយដ៏ថ្លៃថ្លា
ខេត្តស្ទឹងត្រែង ៖ កាលពីព្រឹកថ្ងៃទី៦ កុម្ភៈ ២០១៤ លោកវង សូត រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា និងលោកជំទាវ បានអញ្ជើញជាអធិបតីភាពក្នុងពិធីសម្ពោធអគារទីបញ្ជាការវរសេនាតូចស៊ើបការណ៍ យោធភូមិភាគទី១ ស្ថិតនៅភូមិរាជានុគោល សង្កាត់ស្ទឹងត្រែង ក្រុងស្ទឹងត្រែង ខេត្តស្ទឹងត្រែង ដែលជាអំណោយដ៏ថ្លៃថ្លាសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន តាមរយៈក្រសួងសង្គមកិច្ច អតីតយុទ្ធជន និងយុវនីតិសម្បទា ដោយមានការអញ្ជើញចូលរួមពីសំណាក់អភិបាលខេត្ត មេបញ្ជាការយោធភូមិភាគទី១ ថ្នាក់ដឹកនាំក្រសួងគណៈប្រតិភូអមដំណើរ និងបងប្អូននាយទាហាន នាយទាហានរង ពលទាហានផងដែរ។
លោកហួត ឈាង មេបញ្ជាការរងកងទ័ពជើងគោក និងជាមេបញ្ជាការយោធភូមិភាគទី១ មានប្រសាសន៍ថា ផ្តើមចេញពីការចងសម្ព័ន្ធមេត្រីភាពយ៉ាងស្អិតរមួត រវាងក្រសួងសង្គមកិច្ច អតីតយុទ្ធជន និងយុវនីតិសម្បទា និងក្រុមហ៊ុន អាន ម៉ាឌី គ្រុប ជាមួយយោធភូមិភាគទី១ នាពេលកន្លងមក សមិទ្ធផលសំណង់អគារ និងគ្រឿងបំពាក់នានា ត្រូវបានដាក់ឱ្យប្រើប្រាស់ជាបន្តបន្ទាប់ ។ ជាក់ស្តែង សមិទ្ធផលសំណង់អគារដែលសម្ពោធដាក់ឱ្យប្រើប្រាស់ជាផ្លូវការ១ខ្នង នាពេលនេះ មានទំហំ៦,៥ម៉ែត្រគុណ២៨ម៉ែត្រ និងដំបូលទំហំ៣ម៉ែត្រគុណ៤ម៉ែត្រ ធ្វើពីបេតុងប្រក់ក្បឿង មាន៤បន្ទប់ និងសម្ភារៈមាន តុអីុណុកចំនួន៤, កៅអីពួកចំនួន៤, ស៊ីទែនទឹកចំណុះ១.៥០០លីត្រចំនួន១ និងជើងទម្រធ្វើពីដែក១ ហើយការសាងសង់នេះបានចំណាយថវិកាសរុបប្រមាណ២៦.៧៨០ដុល្លារសហរដ្ឋអាមេរិក ។ សមិទ្ធផលនេះ គឺបង្ហាញពីចំណងសាមគ្គី ទំនាក់ទំនងយ៉ាងជិតស្និទ្ធរវាងស្ថាប័នរដ្ឋ ក្រុមហ៊ុនជាមួយកងទ័ព សំដៅលើកកម្ពស់ជីវភាពរស់នៅរបស់កងទ័ពឱ្យកាន់តែប្រសើរឡើង ដើម្បីធានាបម្រើឱ្យការងារប្រយុទ្ធ និងកសាងអង្គភាពរឹងមាំគ្រប់ពេលវេលាសម្រាប់ភារកិច្ចការពារជាតិមាតុភូមិកម្ពុជា ។
ចែករំលែកព័តមាននេះ